Levitico 19:16 - Ti Biblia (1973)

¹⁶ Dicanto agpagnapagna a cas maysa a natarabitab cadagiti cailiam: dicanto met agpangep iti maicaniwas iti dara ti padam a tao: siac ni Jehova.

Ti Baro a Naimbag a Damag Biblia

¹⁶ Diyo padpadaksen ti uray siasinoman. No adda agpeggad ti biagna, agsaoka a mangisakit kenkuana. Siak ni Yahweh.

Levitico 19:16 Iomraidhean Croise

Ti Libro ni Job 17:5

Ti mangidarum cadagiti gagayyemna maipaay a tinucmaan, uray dagiti matmata dagiti annacna agcapuydanto.

Dagiti Salmo 101:5

Siasinoman a mamadpadakes a nalimed iti caarrubana isu ti dadaelecto; ti adda nangato a panagkitkitana ken natangsit a panagpuspusona diacto panoynoyan.

Dagiti Salmo 15:3

Dayta a saan a mamadpadakes gapu iti dilana, ket saan a mangranggas iti gayyemna, ket saan a mangumsi a maibusor iti caarrubana;

Dagiti Salmo 50:20

Agtugawca ket agsaoca a maibusor iti cabsatmo; padpadacsem ti anac ni inam met laeng.

Exodo 20:16

Dica agsacsi iti ulbod a maibusor iti padam a tao.

Exodo 23:1

Dica anamungan ti naulbod a damag: dica icabil ti imam a bumuyog iti nadamca nga agbalinca a naulbud a sacsi.

Exodo 23:7

Adayoam iti naulbod a panggep; ket dagiti awan basolna ken nalinteg dica patayen: ta diacto ibilang a nalinteg ti nadamsac.

Dagiti Proverbio 10:18

Ti mangilimed iti gura naulbod dagiti bibigna; ti agsao iti pammadpadakes maag.

Dagiti Proverbio 11:13

Ti agalallatiw nga agidanondanon iti saosao, agipalgac iti palpalimed; ngem ti sitatalinaed ti espirituna ilimedna ti panggep.

Dagiti Proverbio 20:19

Ti managipadamag nga agidanondanon agipalgac cadagiti palpalimed; dica ngarud makicuycuyog iti daydiay manginganga unay cadagiti bibigna.

Jeremias 6:28

Isuda amin nasukirda unay, agpasiarda a mamarpardaya; isuda dagiti suer ken landoc; isuda amin manangallilawda.

Jeremias 9:4

Aluadanyo tunggal maysa ti caarrubana, ket dicayo agcammatalec iti asinoman a cabsat a lalaki; ta tunggal cabsat a lalaki, mangsaliw-an unay, ket tunggal caarruba magnanto a mamarpardaya.

Ezekiel 22:9

Dagiti mamadpadakes a tattao addada idi kenca tapno mangibuyat ti dara; ket kenca nanganda iti rabaw dagiti banbantay: iti nagtengngaam nagaramidda iti kinaderrep.

San Mateo 27:4

A cuncunana: Siac nacabasolac iti panangyawatco iti dara nga awan biddutna. Ngem kinunada: Ania ti bibiangmi? macaammoca.

Deuteronomio 27:25

Mailunod ti umawat iti tangdan ti pammapatay iti maysa a tao nga awan basolna. Ket amin a tattao cunadanto, Sapay coma.

1 Timoteo 3:11

Casta met, dagiti babbai natacnengda coma saanda a mamadpadakes, managparbengda matalecda iti isu-amin.

2 Timoteo 3:3

Awananda iti ayat a nacayanacan, awan pannacapnecda, managpadpadakes, saanda a managparbeng, nauyongda, gumurgurada cadagiti naimbag,

Tito 2:3

A dagiti babbaket nasingpetda iti panagbiagda, saanda a mamadpadakes, saanda a patagabu iti adu nga arac, mangisursuroda cadagiti nasayaat a banbanag;

1 Pedro 2:1

Gapuna, idianyo ti amin a kinadakes, ken amin a kinasicap ken dagiti panaginsisingpet, ken ap-apal, ken isu-amin a kita dagiti dakes a sa-sao,

1 Samuel 24:10

Adtoy, itoy nga aldaw dagiti matam nakitada no casano ti panangyawat ni Jehova kenca ita nga aldaw iti imac idiay gucayab: ket dadduma ti nagcuna caniac a papatayenca; ngem ti matac insakitnaca; ket kinunac, Diacto unnaten ti imac a maibusor ti apoc: ta isu pinulotan ni Jehova.