Levitico 19:10 - Ti Biblia (1973)

¹⁰ Dicanto adasen ti cauvasam, dicanto met ipenpen ti bunga a natnag ti cauvasam; batiemto ida a lac-amen ti napanglaw, ken ti gangannaet: siac ni Jehova a Diosmo.

Ti Baro a Naimbag a Damag Biblia

¹⁰ Diyo sublienen a burasen dagiti ubas a nalabsanyo wenno piduten dagiti naregregyo; ibatiyo ida nga agpaay kadagiti napanglaw ken ganggannaet. Siak ni Yahweh a Diosyo.

Levitico 19:10 Iomraidhean Croise

Isaias 17:6

Nupay casta addanto pay matda nga adasen a cas iti panangwagwag iti cayo nga olivo, dua wenno tallo a bunga iti catayagan a murdong ti sanga, uppat wenno lima iti caalimpatocan a sanga ti nabunga a cayo, cuna ni Jehova, ti Dios ti Israel.

Isaias 24:13

Ta castoyto iti tengnga ti lubong iti nagtetengngaan dagiti il-ili a cas iti pannacagungon ti maysa a cayo nga olivo, a cas iti panagadadas cadagiti bungbunga no ti panagburas nalpasen.

Jeremias 49:9

No dagiti agburas ti uvas umayda kenca, saanda aya a mangibati cadagiti uvas nga adasen? no dagiti tulisan iti rabii, saanda aya a mangdadael laeng agingga iti mapnecda?

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Levitico 19:11

Dicayto agtacaw, wenno agaramid a siuulbod, wenno aggiinnulbod.

Levitico 19:25

Ket iti maicalima a tawen canenyonto ti bungana, tapno mangted cadacayo ti kinalabonda: siac ni Jehova a Diosyo.

Levitico 19:9

Ket no anienyo ti apit ti dagayo, dicanto anien a talipupusen dagiti nagsulianan ti talonmo, dicanto met adasen dagiti nalabasan iti panagapitmo.

Levitico 23:22

Ket no anienyonto ti apit ti dagayo, dicanto talipupusen nga anien dagiti nagsulianan ti talonmo, wenno adasen dagiti nalabasan iti panagapitmo: baybayamto ida a lac-amen ti napanglaw, ken agpagpagna: siac ni Jehova a Diosyo.

Levitico 25:6

Ket iti panaginana ti daga agservidanto a taraon cadacayo; kenca, ken ti bag-enmo a lalaki ken babai, ken iti adipenmo a makitegtegged ken iti gangannaet a makipagtaeng kenca.

Obadias 1:5

No dagiti mannanacaw immayda coma kenca, wenno dagiti tultulisan iti rabii, (Anian ti pannacadadaelmo!) saanda ngata coma nga agtacaw laeng agingga iti mapnecda? No dagiti mangnguvas serkendaca coma, saanda ngata a mangibati cadagiti uvas a banbanaen?

Mikias 7:1

Asiac pay! ta siac caslaac iti daydi panangpurosda cadagiti bungbunga a masapa, cas ti panagban-a iti uvas ti panagapit: awan ti raay a macan; ti cararuac tarigagayanna ti umuna a higos a naloom.

Deuteronomio 24:19

Intono aniem ti apitmo iti talonmo, ket nalipatam ti maysa a bettec iti talonmo, dicanto sublian nga alaen: daytoy maipaayto iti gangannaet, iti ulila, ken iti balo a babai; tapno ni Jehova a Diosmo bendicionannaca iti amin nga aramid dagiti imam.

Deuteronomio 24:20

Intono aprasem ti cayom nga oliva dicanto sublien a pendaen dagiti sangsanga: maipaayto iti gangannaet, iti ulila ken iti balo a babai.

Deuteronomio 24:21

Intono burasem dagiti uvas iti cauvasam, dicanto adasen: bagiento ti gangannaet, ti ulila, ken ti balo a babai.

Uk-ukom 8:2

Ket isu kinunana cadacuada, Ania ti inaramidco ita a maipadpad cadacayo? Ti panagbanban-a ti Efraim saan aya a nasaysayaat ngem iti panagburas ti Abiezer?

Ruth 2:2

Ket ni Ruth a Moabita kinunana idi ken Noemi, Palubosannac coma ita a mapan iti away, ket agadasac cadagiti dawdawa ti trigo iti malicudan daydiay a cadagiti matana macasaracac coma iti parabur. Ket isu kinunana kencuana, Anacco, inca.