Levitico 18:5 - Ti Biblia (1973)

⁵ Iti casta sungpotenyonto dagiti ipaalagadco ken bilbilinco; nga no aramiden ti tao, agbiagto cadacuada; siac ni Jehova.

Ti Baro a Naimbag a Damag Biblia

⁵ Agbiagkayo no annurotenyo dagiti alagaden ken linteg nga itedko kadakayo. Siak ni Yahweh.”

Levitico 18:5 Iomraidhean Croise

Nehemias 9:29

Ket pinanecnecam ti maicaniwas cadacuada, tapno yegmo ida manen iti lintegmo. Nupay casta nagaramidda a sipapalangguad, ken dida impangag dagiti bilbilinmo, no di ket nagbasolda a maibusor cadagiti ipaannurotmo (isu a no tungpalen ti maysa a tao, agbiagto cadacuada), ket inlisida ti abaga, ken pinatangkenda ti teltelda, ket dida kinayat ti dimngeg.

Exodo 6:2

Ket ti Dios nakisao ken Moises, ket kinunana kencuana, Siac ni Jehova:

Exodo 6:29

A ni Jehova nakisao ken Moises a cunana, Siac ni Jehova: saoem ken Faraon nga ari sadi Egipto amin nga saoec kenca.

Exodo 6:6

Gapuna a saoem cadagiti annac ti Israel, Siac ni Jehova ket siac ilapsutcayto cadagiti pammarparigat dagiti Egipcios cadacayo, ket ispalencayto iti panangadipenda, ket subbotencayto iti siuunnat a tackiag ken cadagiti naindaclan a panangocom:

Isaias 55:3

Yallingagyo ti lapayagyo, ken umaycayo caniac; dumngegcayo, ket ti cararuayo agbiagto: ket agaramidacto iti agnanayon a tulag cadacayo, nga isu dagiti di bumurong a panangngaasi a naicari ken David.

Ezekiel 18:9

Nagna cadagiti linlintegco, ket sinalimetmetna dagiti bilbilinco, nga agaramid a sipupudno; isu nalinteg, di bumurong nga isu agbiagto, cuna ni Apo Jehova.

Ezekiel 20:11

Ket intedco cadacuada dagiti linlintegco, ket impakitac cadacuada dagiti bilbilinco, a no tungpalen ida ti tao, isuda ti pagbiagannanto.

Ezekiel 20:13

Ngem ti balay ti Israel simmukir caniac idiay let-ang; saanda a nagna cadagiti linlintegco, ket naglictadanda dagiti bilbilinco, a no salimetmetan ida ti tao, isuda ti pagbiagannanto; ket dagiti al-aldawco a panaginana binassawanganda unay. Iti casta kinunac nga ibuyatconto ti pungtotco cadacuada idiay let-ang, tapno ibusenna ida.

Ezekiel 20:21

Ngem dagiti annac simmukirda caniac; saanda a nagna cadagiti linlintegco, ket dida met tinungpal dagiti bilbilinco tapno aramidenda ida, a no tungpalen ida ti tao isuda ti pagbiagannanto; tinabbaawanda dagiti al-aldawco a panaginana. Idin kinunac nga ibucbucconto ti pungtotco cadacuada, tapno matungpal ti ungetco a maibusor cadacuada idiay let-ang.

Levitico 18:6

Awanto cadacayo ti dumenna iti siasinoman nga asideg a cabagianna, tapno lucaisanna ti bagi nga ibainna: siac ni Jehova.

Malakias 3:6

Ta siac, ni Jehova, diac agbaliw, gapuna dacayo, O annac ni Jacob, saancayo a maikisap.

San Mateo 19:17

Ket kinunana kencuana: Apayapay nga agsaludsudca caniac maipoon iti naimbag? Maymaysa ti adda a naimbag. Ngem no calicagumam ti sumrec iti biag salimetmetam dagiti bilbilin.

San Lucas 10:28

Ket kinunana kencuana: Nalinteg ti isusungbatmo: aramidem daytoy ket agbiagcanto.

Taga-Roma 10:5

Ta ni Moises isuratna a ti tao nga agaramid ti kinalinteg a mayannurot iti linteg, agbiagto gapu kencuana.

Taga-Roma 7:10

Ket ti bilin, a maipaay iti biag, nasaracco a maipaay iti patay.

Taga-Galacia 3:12

Ket ti linteg saan nga agtaud iti pammati, no di ket cunana: Ti agaramidto cadagiti cacasta a banbanag, agbiagto cadacuada.

Deuteronomio 30:20

Ti panagayat ken Jehova a Diosmo, ti panagtungpal iti timecna, ken ti idedecket kencuana; ta isu ti biagmo, ken ti caatiddog dagiti al-aldawmo; tapno macapagnaedca iti daga a ni Jehova insapatana cadagiti ammam, a da Abraham, Isaac, ken Jacob, nga ited cadacuada.

Deuteronomio 30:6

Ket ni Jehova a Diosmo cugitennanto ta pusom, ken ti puso ti putotmo, tapno agayatca ken Jehova a Diosmo iti isu-amin a pusom, ken iti isu-amin a cararuam, tapno agbiagca.

Deuteronomio 4:1

Ket ita, O Israel, imdengam dagiti al-alagaden ken linlinteg nga isursuroc kenca, tapno aramidem ida; tapno agbiagca, ket macastrecca ken mangtagicua iti daga a ni Jehova a Dios dagiti ammayo itedna cadacayo.