Levitico 18:2 - Ti Biblia (1973)

² Ibagam cadagiti annac ti Israel, ket cunam cadacuada, Siac ni Jehova a Diosyo.

Ti Baro a Naimbag a Damag Biblia

² nga ibagana daytoy kadagiti Israelita, “Siak ni Yahweh a Diosyo.

Levitico 18:2 Iomraidhean Croise

Genesis 17:7

Ket buangayecto ti pagtaluganta, ken cadagiti putotmo iti calpasam, bayat dagiti caputotanda, nga agnanayon a nomo, tapno siac ti Diosmo ken Dios dagiti putotmo iti calpasam.

Dagiti Salmo 33:12

Nagasat ti nacion a ti Diosna isu ni Jehova, ti ili a pinilina a pagtawidenna met laeng.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Ezekiel 20:5

Ket cunam cadacuada, Castoy ti cuna ni Apo Jehova: Idi aldaw a panamilic iti Israel, ken insapatac iti capuonan ti balay ni Jacob, ket nagpacaamoac cadacuada idiay daga ti Egipto, idi insapatac cadacuada, a kinunac, Siac ni Jehova a Diosyo;

Ezekiel 20:7

Ket kinunac cadacuada, Ibellengyo tunggal tao dagiti kinarimon iti imatangna, ket dicayo tulawan ti bagbagiyo met laeng cadagiti didiosen ti Egipto; Siac ni Jehova a Diosyo.

Levitico 11:44

Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Levitico 18:1

Ket ni Jehova nakisao ken Moises, a kinunana,

Levitico 18:30

Isu ti gapuna a salimetmetanyonto ti ipaannongco tapno dicay ar-aramaten ti uray ania a nacarimrimon nga awid a naaramid idi awancay pay, ken tapno dicay mulmulitan cadagitoy ti bagbagiyo: siac ni Jehova a Diosyo.

Levitico 18:4

Dagiti bilbilinco isuda ti aramidenyonto ket dagiti ipaalagadco salimetmetanyonto tapno isuda ti pagdalananyo; siac ni Jehova a Diosyo.

Levitico 19:10

Dicanto adasen ti cauvasam, dicanto met ipenpen ti bunga a natnag ti cauvasam; batiemto ida a lac-amen ti napanglaw, ken ti gangannaet: siac ni Jehova a Diosmo.

Levitico 19:34

Ta gangannaet a makipagtaeng kenca, maibilangto cadacayo a cas cailianyo, ket ayatemto a cas ita bagim; ta dacayo gangannaetcay met idi iti daga nga Egipto, Siac ni Jehova a Diosyo.

Levitico 20:23

Ket dacayo dicayto pagdalanan dagiti awid dagiti tattao a papanawec iti sangoananyo: gapu ta isuda inaramidda amin dagitoy, ket iti casta kinagurac ida.

Levitico 20:7

Pasantoenyo ngarud dagiti bagbagiyo, ket agsantocayo; ta siac ni Jehova a Diosyo.