Levitico 17:7 - Ti Biblia (1973)

⁷ Ket isuda didanto agaramid cadagiti datdatonda a pagdayaw cadagiti sasairo isuda a sorsorotenda. Daytoy ti pagalagadanto a cancanayon cadacuada iti isu-amin capututanda.

Ti Baro a Naimbag a Damag Biblia

⁷ Iti kasta, saanda nga idaton kadagiti demonio a pagdaydayawanda dagiti partienda nga animal iti away. Masapul a tungpalen dagiti Israelita dagitoy nga alagaden iti amin a tiempo.

Levitico 17:7 Iomraidhean Croise

2 Cronicas 11:15

Ket dinutucanna dagiti papadina a maipaay cadagiti nangato a disdisso, ken maipaay cadagiti sinan-calding a lallaki, ken maipaay cadagiti sinan-urbon a vacvaca, nga inaramidna.

Dagiti Salmo 106:37

Wen, indatonda dagiti annacda a lallaki ken babbai cadagiti demonio.

Dagiti Salmo 106:39

Iti casta narugitanda cadagiti ar-aramidda, ket nagbalangcantisda cadagiti gapuananda.

Exodo 22:19

Siasinoman a makicaidda iti animal mapapatayto a di bumurong.

Exodo 22:20

Ti agdaton iti uray ania a dios, no di laeng ken Jehova, matalipupusto a madadael.

Exodo 27:21

Iti uneg ti tolda ti gimong, iti ruar ti abbong nga adda iti sango ti pamanecnec, da Aaron ken dagiti annacna aywanandanto a sioornos manipud iti malem agingga iti bigat iti sango ni Jehova: isu ti maalagadto nga agnanayon cadagiti putputotda a maipaay cadagiti annac ti Israel.

Exodo 32:8

Nagbaw-ingda iti apagdaricmat iti dalan nga imbilinco cadacuada: inyaramidanda dagiti bagbagida iti maysa nga sinan-urbon a vaca a sinucog, ket isu ti nagdaydayawanda, ken nagidatonanda, ket kinunada, Dagitoy dagiti didiosmo, O Israel, a nangaon kenca iti daga nga Egipto.

Exodo 34:15

Di la ket ta bangonem ti maysa a tulag cadagiti agnaed iti daga, ket isuda mannakiabigda babaen cadagiti didiosenda, ken agdatonda cadagiti didiosenda, ket ti maysa ayabannaca a mangan iti datonna;

Jeremias 3:1

Cuncunada, No ti maysa a lalaki pagtalawenna ni asawana, ket isu sumina kencuana, ket agbalin nga asawa ti sabali a lalaki, isu pasubliennanto aya manen kencuana? saan aya a dayta a daga matulawanto ti dackel? Ngem sica nagbalangcantisca iti adu a caayanayat; nupay casta agsublica manen caniac, cuna ni Jehova.

Ezekiel 23:3

Ket isuda nagbalangcantisda idiay Egipto; nagbalangcantisda iti kinaagtutuboda; idiay napespes dagiti susoda, ket idiay naiggaman ti barucong ti kinavirgenda.

Ezekiel 23:8

Ket dina met binay-an dagiti kinabalangcantisna nanipud cadagiti al-aldaw ti Egipto; ta idi kinaagtutubona nakicaiddada kencuana, ket iniggamanda ti barucong ti kinavirgenna; ket imbuyatda kencuana ti kinabalangcantisda.

Levitico 17:8

Ket sica ibagamto cadacuada, Siasinoman iti balay ti Israel, wenno cadagiti gangannaet a makipagtaeng cadacuada, a mangirucbab iti daton a mapuuran wenno sacrificio,

Levitico 20:5

Siac ngarud iparangarangconto ti rupac a bumusor iti dayta a tao, ken bumusor cadagiti cacabagianna, ket ipusayconto, agraman amin a sumurot kencuana nga agbalangcantis, tapno makibalangcantis ken Moloch, ipusayconto ida cadagiti cailianda.

Levitico 3:17

Daytoy ti agnanayonto nga alagaden agpapan putputotyo iti isu-amin a pagnaedanyo, isu a dicayto canen ti taba ken dara.

San Juan 12:31

Ita ti pannacaocom daytoy a lubong: ita ti principe daytoy a lubong maibel-lengto iti ruar.

San Juan 14:30

Diac makipagsaonton ti adu cadacayo: ta umay ti principe ti lubong; ket awan ti cucuana caniac;

1 Taga-Corinto 10:20

Awan, no di ket dagiti banbanag nga idaton dagiti Gentil, idatonda ida cadagiti sairo, a saan nga iti Dios: ket diac cayat nga adda pacairamananyo cadagiti sairo.

2 Taga-Corinto 4:4

Cadacuada ti dios a nailubongan binulsecna dagiti isisip dagiti saan a mamati, tapno di agraniag cadacuada ti lawag ti evangelio ti dayag ni Cristo, isu a ladawan ti Dios.

Taga-Efeso 2:2

A nagnaanyo idi naminsan cas iti ugali daytoy lubong, cas mayannurot iti panguloen ti pannacabalin ti angin, ti espiritu nga ita agaramid cadagiti annac ti kinasukir;

Deuteronomio 31:16

Ket ni Jehova kinunana ken Moises, Adtoy, makiturogcanto cadagiti ammam: ket daytoy nga ili tumacderdanto ken makibalangcantisdanto cadagiti sabsabali a didios ti daga a papananda tapno maibaet cadacuada, ket baybay-andacto ket labsingendanto ti tulagco nga inwayangco cadacuada.

Deuteronomio 32:17

Isuda nagidatonda cadagiti sasairo, a saan a ti Dios, cadagiti didios a dida ammo idi, cadagiti didios a babaro a calcaltuad, a saan a nagbutngan dagiti ammayo.

Paltiing 9:20

Ket dagiti natda a tattao a saan a napapatay cadagitoy a pannaplit, saanda a nagbabawian dagiti ar-aramid dagiti imimada, tapno dida coma pagrucbaban dagiti demonio ken dagiti didiosen a balitoc ken pirac, ken bronce ken bato, ken cayo; isuda a dida mabalin ti cumita, wenno dumngeg uray magna.