Levitico 17:6 - Ti Biblia (1973)

⁶ Ket ti padi pagwarisnanto ti dara iti rabaw ti altar ni Jehova iti ruangan ti tolda ti gimong, ket puurannanto ti taba a maipaay a nabanglo a sayamusom ken Jehova.

Ti Baro a Naimbag a Damag Biblia

⁶ Ibuyat ti padi ti dara iti aglawlaw ti altar iti ruangan ti Tolda sada puoran ti taba tapno mangted iti nabanglo nga ayamuom iti Apo.

Levitico 17:6 Iomraidhean Croise

Exodo 29:13

Ket alaemto amin a taba a mangbungon cadagiti lalaem, ken ti culapot ti dalem, ken dagiti dua nga beckel, ken ti taba nga adda iti rabawda, ket puuramto ida iti rabaw ti altar.

Exodo 29:18

Ket puuramto amin ti carnero iti altar: isu ti daton a mapuuran ken Jehova; isu ti maysa a sayamusom, maysa a daton a maaramid iti apuy ken Jehova.

Ezekiel 44:15

Ngem dagiti papadi a Levitas, dagiti annac a lallaki ni Sadoc a nagay-aywan iti panagannong ti santuarioc idi a dagiti annac ti Israel nayawawanda manipud caniac, umasidegdanto caniac tapno agservida caniac; ket agtacderdanto iti sangoanac tapno idatonda caniac ti taba ken ti dara, cuna ni Apo Jehova:

Levitico 17:5

Tapno dagiti annac ti Israel idatagda dagiti datdatonda nga ar-aramidenda iti ruar, tapno idatagda ida met laeng ken Jehova iti ruangan ti tolda ti gimong, iti imatang ti padi, ken irucbabda dagita a maipaay a daton dagiti datdaton iti cappia ken Jehova.

Levitico 3:11

Ket ti padi puurannanto iti rabaw ti altar: isu ti taraon ti daton a maaramid iti apuy ken Jehova.

Levitico 3:13

Ket ipataynanto ti imana iti rabaw ti olona, ket patayennanto iti sango ti tolda ti gimong; ket dagiti annac a lallaki ni Aaron iwarisdanto ti darana iti rabaw ti altar nga aglawlaw.

Levitico 3:16

Ket ti padi puurannanto ida iti rabaw ti altar: isu ti taraon ti daton a maaramid iti apuy, a nabanglo a sayamusom; dagup ti taba biang ni Jehova.

Levitico 3:2

Ket pataynanto ti imana iti rabaw ti olo ti idatonna, ket patayennanto iti ruangan ti tolda ti gimong: ket dagiti papadi nga annac ni Aaron iwarisdanto ti dara iti lawlaw ti rabaw ti altar.

Levitico 3:5

Ket dagiti annac a lallaki ni Aaron puurandanto iti rabaw ti altar iti ngatoen ti mapuuran a daton, nga adda iti rabaw ti naisungrod iti apuy: isu ti maysa a daton a maaramid iti apuy, a nabanglo a sayamusom ken Jehova.

Levitico 3:8

Ket ipataynanto ti imana iti rabaw ti olo ti datonna, ket patayennanto iti sango ti tolda ti gimong: ket dagiti annac a lallaki ni Aaron iwarisdanto ti darana iti lawlaw ti rabaw ti altar.

Levitico 4:31

Ket amin a tabana iccatennanto, cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

Numero 18:17

Ngem ti inauna nga urbon ti maysa a vaca, wenno inauna nga anac ti carnero, wenno ti inauna ti maysa a calding, dicanto subsubboten; isuda nasantoanda: iwarsimto ti darada iti rabaw ti altar, ket puuramto ti tabada, a daton maaramid iti apuy a maipaay a nabanglo a sayamusom ken Jehova.