Levitico 17:4 - Ti Biblia (1973)

⁴ Ket saanna nga impan iti ruangan ti tolda ti gimong, tapno impaayna coma cas maysa a daton ken Jehova iti sango ti tabernaculo ni Jehova: dara ti maipabiddutto iti dayta nga tao; isu imbellengna ti dara; ket dayta a tao maipusayto iti ilina:

Levitico 17:4 Iomraidhean Croise

Genesis 17:14

Ket ti lalaki a di nacugit a saan a nacugit iti lasag ti akinsango a cudilna, daydiay a lalaki, maipusayto cadagiti cailianna; ti tulagco rinacracna.

Dagiti Salmo 32:2

Nagasat ti tao a di pangipatayan ni Jehova iti kinakillo, ken iti espirituna awan ti sicap.

Exodo 12:15

Pito nga al-aldaw a mangancayonto iti tinapay nga awan levadurana; iti umuna nga aldaw met laeng ibellengyonto cadagiti balbalayyo: ta sia-sinoman a manganto iti nalevaduraan a tinapay manipud iti umuna nga aldaw agingga iti maicapito nga aldaw, daydiay a tao maipusayto iti Israel.

Exodo 12:19

Bayat dagiti pito nga al-aldaw awanto ti masaracan a levadura cadagiti balbalayyo: ta siasinoman a mangan iti nalevaduraan, dayta a tao maipusayto iti gimong ti Israel, gangannaet man wenno umili iti daga.

Exodo 30:33

Siasinoman nga mangaramid iti capadpadana; wenno siasinoman a mangicabil iti uray bassit kencuana iti maysa a gangannaet, maipusayto iti ilina.

Exodo 30:38

Siasinoman a mangaramidto iti capada daydiay tapno say-upenna, maipusayto iti ilina.

Isaias 66:3

Daydiay a mangpatay iti maysa a vaca isu ti cas la iti mangpatay iti maysa a tao; daydiay a mangidaton iti maysa a cordero, cas la iti mangbungtol iti tengnged ti aso; daydiay nga agidaton iti daton, cas la iti agidaton ti dara ti babuy; daydiay nga agpuur iti incienso, cas la iti mangbendicion iti maysa a diosen a ladawan. Wen, isuda pinilida dagiti daldalanda met laeng, ket ti cararuada agragsac cadagiti kinarimonda:

Ezekiel 20:40

Ta idiay nasantoan a bantayco, idiay bantay a natayag ti Israel, cuna ni Apo Jehova, idiay isu-amin a balay ti Israel, agservidanto caniac isuda amin iti daga; idiay awatecto ida, ket idiay kiddawecto dagiti datdatonyo, ken dagiti umuna a bunga dagiti sagutyo, agraman dagiti amin a cucuayo a nasantoan.

Levitico 1:3

No vaca ti mapuuran a pagdatonna, idatonnanto ti lalaki nga awan pacapilawanna: ti pangidatonannanto iti ruangan ti tolda ti gimong, tapno maawat iti saclang ni Jehova.

Levitico 17:10

Ket siasinoman a tao iti balay ti Israel, wenno cadagiti gangannaet a makipagtaeng cadacuada a mangan iti uray ania a dara; iparangconto ti rupac a maibusor iti dayta a tao a mangan iti dara, ket ipusayconto iti ilina.

Levitico 17:14

Ta ti maipapan iti biag ti amin a lasag, ti darana ken ti biag nagcaycaysada: isu ti gapuna a kinunac cadagiti annac ti Israel, Dicayto mangan iti dara ti uray ania a lasag; ta ti biag ti isu-amin a lasag isu ti darana: siasinoman a mangan kencuana maipusayto.

Levitico 17:3

Siasinoman a tao iti balay ti Israel a mangpatay iti maysa a vaca wenno cordero wenno calding iti uneg ti pacarso, wenno ti mangpatay iti ruar ti pacarso.

Levitico 17:5

Tapno dagiti annac ti Israel idatagda dagiti datdatonda nga ar-aramidenda iti ruar, tapno idatagda ida met laeng ken Jehova iti ruangan ti tolda ti gimong, iti imatang ti padi, ken irucbabda dagita a maipaay a daton dagiti datdaton iti cappia ken Jehova.

Levitico 17:9

Ket saanna a yeg iti ruangan ti tolda ti gimong, tapno idatonna ken Jehova: dayta a tao maipusayto iti ilina.

Levitico 18:29

Ta siasinoman a mangaramidto iti uray ania cadagitoy a kinarimon, dagiti met laeng mangaramid cadagitoy, maipusaydanto iti ilida.

Levitico 20:16

Ket no maysa a babai umasideg iti uray ania nga animal ket caiddana, sica papatayemto ti babai, ken ti animal, dinto bumurong a mapapatayda; ti darada maipaawitto cadacuada.

Levitico 20:18

Ket no ti maysa a lalaki makicaidda iti maysa a babai nga agsangaili a madama, ket lucaisanna ti bagi nga ibainna; isu linucaisanna ti pagtubboganna, ket ti babai linucaisanna ti pagtubbogan ti darana: ket isuda a dua maipusaydanto cadagiti cailianda.

Levitico 20:3

Iparangconto met ti rupac a sibubusor iti dayta a tao, ket ipusayconto cadagiti cailianna; ta isu nangted iti putotna ken Moloch, a pinangmulitna iti santuarioc, ken pinangipabpabarengna iti nasantoan a naganco.

Levitico 3:2

Ket pataynanto ti imana iti rabaw ti olo ti idatonna, ket patayennanto iti ruangan ti tolda ti gimong: ket dagiti papadi nga annac ni Aaron iwarisdanto ti dara iti lawlaw ti rabaw ti altar.

Levitico 7:18

Ket no adda uray ania a lasag iti sacrificio dagiti datdatonna a maipaay iti cappia a canenna iti maicatlo nga aldaw, saanto a maawat, dinto met maibilang kencuana a nangidatag iti daton: maysanto a rimon, ket ti cararua ti mangan awitennanto ti kinadakesna.

San Juan 10:7

Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

San Juan 10:9

Siac ti ruangan; ti sumrec a magna caniac, maisalacanto, ket sumrec ken rumuarto ket macasaracto ti pagaraban.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

Taga-Roma 4:6

Castamet, uray ni David met laeng ipalawagna ti naimbag a gasat ti tao a pangibilangan ti Dios ti kinalinteg, uray awan dagiti ar-aramidna,

Taga-Roma 5:13

Ta idi awan pay ti Linteg ti basol addan ditoy lubong; ngem no awan pay ti linteg ti basol saan a maibilang a salungasing.

Taga-Roma 5:20

Ket ti linteg simrec pay tapno paaduenna coma ti basol; ngem no immadu, ti basol immadu, ti parabur immad-adu pay iti casta unay:

Deuteronomio 21:8

Pacawanem, O Jehova, ti ilim nga Israel a sinubbotmo, ket dica ipalubos nga agbati iti tengnga ti ilim nga Israel ti dara nga awan basolna. Ket ti dara mapacawanto cadacuada.