Levitico 16:8 - Ti Biblia (1973)

⁸ Ket ni Aaron paggasangasatennanto dagiti dua a calding; ti maysa a mapagasatan maipaay ken Jehova, ket ti maicadua ken Azazel.

Ti Baro a Naimbag a Damag Biblia

⁸ Sadiay, pilien ni Aaron babaen iti panagbinnunot no ania kadagiti dua a bato ti “agpaay iti Apo” ken ti “agpaay ken ni Azazel.”

Levitico 16:8 Iomraidhean Croise

Dagiti Proverbio 16:33

Ti gasat maipisoc iti saclot; ngem ti dagup ti pannacaikeddengna biang ni Jehova.

Ezekiel 48:29

Daytoy ti daga a bingbingayenyonto iti ginnasat cadagiti caputotan ti Israel a cas tawidda, ket dagitoy dagiti nadumaduma a bingayda, cuna ni Apo Jehova.

Levitico 16:10

Ngem ti calding, a naipatang ken Azazel, idatagnanto a sibibiag iti saclang ni Jehova, ta aramidennanto a pacaabbonganna, tapno ibaonna a maipaay ken Azazel iti let-ang.

Levitico 16:26

Ket ti mangibulos iti calding a maipaay ken Azazel labaannanto dagiti pagan-anayna, ket digosennanto ti bagina iti danum, ket no malpas, sumrecto iti uneg ti pacarso.

Levitico 16:7

Ket alaennanto dagiti dua a calding, ket idatagnanto ida iti saclang ni Jehova iti ruangan ti tolda ti gimong.

Levitico 16:9

Ket ni Aaron idatagnanto ti calding a napagasatan a maipaay ken Jehova, ket ipaaynanto kencuana a daton gapu iti basol.

Jonas 1:7

Ket kinunada, tumunggal maysa iti caduana, Umaycayo ta aggiginnasanggasattayo coma tapno maammoan no siasino ti nacaigapuanan daytoy a dakes. Iti casta nagiginnasanggasatda, ket napagasatan ni Jonas.

Numero 26:55

Nupay casta ti daga maiburburayto iti ginasangasat: cas mayannurot cadagiti nagnagan dagiti capcaputotan dagiti amammada, isuda agtawiddanto.

Numero 33:54

Ket tawidenyonto ti daga iti ginasanggasat a mayannurot cadagiti famfamiliayo; cadagiti adadu ti pangtedanyonto iti ad-adu a tawid, ket cadagiti basbassit itedmonto ti basbassit a tawid: ti gasat a maipatang iti uray asino a tao, dayta ti cucuananto; iti mayannurot cadagiti capcaputotan dagiti ammayo tawidenyonto.