Levitico 16:6 - Ti Biblia (1973)

⁶ Ket ni Aaron idatagnanto ti lalaki a vaca a daton gapu iti basol isu a maipaay kencuana, ket aramidennanto ti pannacaabbongna agraman balayna.

Ti Baro a Naimbag a Damag Biblia

⁶ Mangidatag ni Aaron iti toro a baka a daton a pangikkat iti basolna ken iti basol ti familiana.

Levitico 16:6 Iomraidhean Croise

Ti Libro ni Job 1:5

Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.

Ezekiel 43:19

Itedmonto cadagiti papadi a Levitas nga adda iti capuonan ni Sadoc, isuda nga asideg caniac, nga agannong caniac, cuna ni Apo Jehova, maysa nga urbon a vaca a maipaay a daton gapu iti basol.

Ezekiel 43:27

Ket intono matungpalda dagiti aldaw maaramidto nga iti maicawalo nga aldaw, ken iti masacbayan, dagiti papadi aramidendanto dagiti datonyo a mapuuran iti rabaw ti altar, ken dagiti datonyo iti cappia; ket awatencayto, cuna ni Apo Jehova.

Levitico 16:3

Cadagitoy sumrecto ni Aaron iti tugaw a nasantoan: agraman maysa a lalaki a vaca, nga idaton gapu iti basol, ken maysa a carnero a lalaki a daton a mapuuran.

Levitico 16:7

Ket alaennanto dagiti dua a calding, ket idatagnanto ida iti saclang ni Jehova iti ruangan ti tolda ti gimong.

Levitico 9:7

Ket ni Moises kinunana ken Aaron, Umasidegca iti altar, ket ipaaymo ti datonmo gapu iti basol, ken ti datonmo a mapuuran, ket aramidem a pacaabbongam met laeng, ken iti ili; ket irucbabmo ti daton ti ili, ket aramidem a pacaabbonganda: cas imbilin ni Jehova.

Hebreo 7:27

Isu a saanna a masapul ti mangidaton iti inaldaw, umuna gapu cadagiti basbasolna met laeng, ket calpasanna gapu cadagiti basbasol ti umili; a cas inaramid dagiti cangatoan a padi; ta daytoy inaramidna iti namimpinsan a maipaay iti agnanayonen, idi indatonna ti bagina.

Hebreo 9:12

Ket saan met a gapu iti dara dagiti toro a calding ken dagiti toro, a vaca no di ket gapu iti darana met laeng, simrec iti naminpinsan a maipaay iti agnanayonen idiay santo a disso a nagun-odanna ti agnanayon a pannacasubbot.

Hebreo 9:7

Ngem idi maicadua, ti cangatoan a padi a maymaysa, maminsan ti macatawen; saan nga awan ti ikuyogna a dara, isu nga idatonna gapu kencuana met laeng, ken gapu cadagiti basbasol ti ili: