Levitico 16:4 - Ti Biblia (1973)

⁴ Isu icawesnanto ti nasantoan a bado a lienzo, ket yarpawnanto met iti lasagna ti sapin a lienzo, ket mabaricsanto iti barikes a liemzo, ket ti mitra a lienzo maicapetto kencuana: dagitoy dagiti nasantoan a pagan-anay, ket isu digosennanto ti bagina iti danum sananto icawes ida.

Ti Baro a Naimbag a Damag Biblia

⁴ Kalpasanna, inted ni Yahweh dagitoy nga alagaden. Sakbay a mapan ni Aaron iti Kasasantoan a Lugar, masapul nga agdigos ket agkawesda a kas padi: ti linen a kagay, ken linen a kalsonsilio, ti barikes ken ti turban.

Levitico 16:4 Iomraidhean Croise

Exodo 28:2

Ket mangaramidcanto cadagiti cawcawes a nasantoan a maipaay ken Aaron a cabsatmo, a pacaidayawan ken pacapapintasan.

Exodo 29:4

Ket ipanmonto ni Aaron ken dagiti annacna agingga iti ruangan ti tolda ti gimong, ket buggoamto ida iti danum.

Exodo 30:20

No sumrecda iti tolda ti gimong, agbuggodanto iti danum, tapno dida matay; wenno intono mapanda umasideg nga agannung iti altar tapno puuranda ti maysa a daton a maaramid iti apuy ken Jehova.

Exodo 40:12

Ket ipanmonto ni Aaron ken dagiti annacna iti ruangan ti tolda ti gimong, ket buggoamto ida iti danum.

Isaias 53:2

Ta isu dimmackel iti sangoananna a cas maysa a naganus a mula, ken cas maysa a ramut nga agtaud iti namaga a daga: isu awan ti buyana wenno sayaatna; ket no isu makitatayo, awan ti kinaimnasna, tapno tarigagayantayo coma.

Ezekiel 44:19

Ket no rumuarda iti makinruar a paraangan, ti met laeng makinruar a paraangan cadagiti tattao, iccatendanto dagiti pagan-anayda a pagservida, ket idissoda ida cadagiti nasantoan a siled; ket mangicawesdanto cadagiti sabali a pagan-anay, tapno saanda a pagsantoen ti umili cadagiti pagan-anayda.

Ezekiel 9:2

Ket adtoy, a dagiti innem a lallaki naggapuda iti dalan ti nangatngato a ruangan, a simmango iti amianan, tunggal maysa siiiggem iti igamna a pagpatay; ket maysa a lalaki iti tengngada nacacawes iti lienzo, nga adda pagtinteroan ti mannurat iti siketna. Ket simrecda, ket nagtacderda iti arpad ti altar a gambang.

Levitico 16:23

Ket ni Aaron sumrecto iti tolda ti gimong, ket ucsobennanto dagiti cawesna a lienzo a pinagaruatna idi simrec iti nasantoan a disso, ket ibatina ida idiay:

Levitico 16:24

Ket digosennanto ti bagina iti danum iti uneg ti nasantoan a disso, sananto icapet dagiti cawcawesna, sa rumuar, ket ipaaynanto ti datonna a mapuuran, ken ti daton a mapuuran iti biang ti umili, ket aramidennanto ti pannacaabbongna, ken ti maipaay iti biang ti umili.

Levitico 16:32

Ket ti padi, a mapulotanto ken maconsagrarto nga agpadi a sono ni amana aramidennanto ti pannacaabbong, ket icapetnanto dagiti cawes a lienzo, dagiti met laeng cawes a nasantoan:

Levitico 6:10

Ket ti padi icapetnanto ti badona a lienzo, ket dagiti sapinna a lienzo icapetnanto iti bagina; ket iccatennanto dagiti dapo, apaman a naibus ti apuy ti daton a mapuuran iti rabaw ti altar, ket icabilnanto ida iti sikigan ti altar.

Levitico 6:3

Wenno nasaracanna ti napucaw, ket yulbodna, ket sapataanna iti tiri; iti uray ania cadagitoy a banbanag nga aramiden ti tao, isu ti pacabasolan;

San Lucas 1:35

Ket simmungbat di angel a nagcuna kencuana: Ti Espiritu Santo umayto kenca, ket ti pannacabalin ti Cangatoan salinungannacanto; gapuna met a ti Santo a mayanacto kenca managanto Anac ti Dios.

Taga-Filipos 2:7

No di ket binaybay-anna ket innalana ti galad nga adipen, a naaramid a capadpada dagiti tao;

Hebreo 10:22

Umadanitay coma a buyugen ti puso a napudno, iti naan-anay a kinatalged ti pammati, nga adda a nawarisan dagiti puspusotayo, a nadalusanda iti dakes a nakem ket nabuggoan dagiti bagbagi iti danum a nadalus,

Hebreo 2:14

Iti casta, agsipud ta dagiti annac makiramanda iti lasag ken dara, casta met kencuana nakiraman cadacuada, tapno gapu iti patay pucawenna daydiay addaan pannacabalin ni patay, cayatco a sao-en, ti diablo;

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;