Levitico 16:16 - Ti Biblia (1973)

¹⁶ Ket aramidennanto ti pannacaabbong ti nasantoan a disso maipuon cadagiti kinarugit dagiti annac ti Israel, ken gapu cadagiti salungasingda, cadagiti amin a basbasolda met laeng: casta met nga aramidennanto ti maipaay iti tolda ti gimong a makipagyan cadacuada iti baet ti kinarugitda.

Ti Baro a Naimbag a Damag Biblia

¹⁶ Kastoy ti panangannongna ti seremonia ti pannakadalus ti Kasasantoan a Lugar gapu iti kinarugit dagiti Israelita ken gapu iti amin a basolda. Masapul nga aramidenna daytoy iti Tolda a Paguummongan agsipud ta adda daytoy a tolda iti tengnga ti kampo a maibilang a narugit.

Levitico 16:16 Iomraidhean Croise

Exodo 30:10

Ket ni Aaron aramidennanto ti pannacaabbong a maipanggep cadagiti sarana maminsan iti macatawen; aramatennanto ti dara ti daton gapu iti basol ti pannacaabbong maminsan iti macatawen iti panangaramidna iti pacaabbongan iti dayta cadagiti caputotanyo: casantoan unay ken Jehova daytoy.

Levitico 16:17

Ket awanto ti tao iti tolda ti gimong no sumrec nga agaramid iti pannacaabbong iti uneg ti nasantoan a disso, agingga iti di rumuar ken dina maaramid ti pacaabbongan a maipaay kencuana met laeng, ken maipaay iti balayna, ken maipaay iti amin a gimong ti Israel.

Levitico 16:18

Ket isu rumuarto nga agtarus iti ayan ti altar nga adda iti sango ni Jehova, ket aramidennanto ti pannacaabbongda, ket mangalanto iti dara ti lalaki a vaca, ken iti dara ti calding, ket icabilnanto cadagiti sarsara ti altar iti lawlawna.

Levitico 23:27

Nupay casta, iti maicasangapulo nga aldaw ti naisao a maicapito a bulan isu ti aldaw ti pannacaabbong: isunto ti maysa a nasantoan a gimong cadacayo, ket agladingitto dagiti cararuayo; ket mangidatagcayto iti maysa a daton a maaramid iti apuy ken Jehova.

Levitico 8:15

Ket pinatayna; ket ni Moises innalana ti dara, ket iti ramayna, incabilna cadagiti sarsara ti altar, ket ginugoranna ti altar, ket imbuyatna ti dara iti puon ti altar, ket pinasantona, tapno aramidenna ti pannacaabbongna.

Numero 17:11

Castoy ti inaramid ni Moises: cas imbilin ni Jehova kencuana, casta ti inaramidna.

Numero 28:15

Ket maysa a calding a lalaki nga agservi a daton gapu iti basol ken Jehova; isu ti maidatonto, sabali laeng ti daton a mapuuran a cancanayon, ken ti datonna a mainum.

San Juan 14:3

Ket no innac coma ket isaganaancayto ti pagianan, umayacto manen, ket icuyogcayto caniac met laeng: tapno no adino ti yanco, addacay met coma.

Hebreo 2:17

Gapuna maipaay idi nga iti isua-min mayasping coma cadagiti cacabsatna, tapno isu macapagbalin coma a maysa a cangatoan a padi, manangngaasi ken matalec, iti maipapan iti Dios, tapno icarona dagiti basbasol dagiti umili.