Levitico 16:11 - Ti Biblia (1973)

¹¹ Ket ni Aaron idatagnanto ti lalaki a vaca a daton gapu iti basol, isu a maipaay kencuana, ket aramidenna ti pannacaabbongna agraman balayna, ket patayennanto ti lalaki a vaca a daton gapu iti basol a maipaay kencuana:

Ti Baro a Naimbag a Damag Biblia

¹¹ Patayen ni Aaron ti toro a baka ket idatagna a daton gapu iti basolna ken iti familiana.

Levitico 16:11 Iomraidhean Croise

Levitico 16:3

Cadagitoy sumrecto ni Aaron iti tugaw a nasantoan: agraman maysa a lalaki a vaca, nga idaton gapu iti basol, ken maysa a carnero a lalaki a daton a mapuuran.

Levitico 16:33

Ket isu aramidennanto ti pannacaabbong a maipaay iti santuario a nasantoan; ket aramidennanto ti pannacaabbong a maipaay iti tolda ti gimong, ken maipaay iti altar; ket aramidennanto ti pannacaabbong a maipaay cadagiti papadi ken maipaay cadagiti amin a tattao ti gimong.

Levitico 16:6

Ket ni Aaron idatagnanto ti lalaki a vaca a daton gapu iti basol isu a maipaay kencuana, ket aramidennanto ti pannacaabbongna agraman balayna.

Levitico 9:7

Ket ni Moises kinunana ken Aaron, Umasidegca iti altar, ket ipaaymo ti datonmo gapu iti basol, ken ti datonmo a mapuuran, ket aramidem a pacaabbongam met laeng, ken iti ili; ket irucbabmo ti daton ti ili, ket aramidem a pacaabbonganda: cas imbilin ni Jehova.

Hebreo 7:27

Isu a saanna a masapul ti mangidaton iti inaldaw, umuna gapu cadagiti basbasolna met laeng, ket calpasanna gapu cadagiti basbasol ti umili; a cas inaramid dagiti cangatoan a padi; ta daytoy inaramidna iti namimpinsan a maipaay iti agnanayonen, idi indatonna ti bagina.

Hebreo 9:7

Ngem idi maicadua, ti cangatoan a padi a maymaysa, maminsan ti macatawen; saan nga awan ti ikuyogna a dara, isu nga idatonna gapu kencuana met laeng, ken gapu cadagiti basbasol ti ili: