Levitico 14:5 - Ti Biblia (1973)

⁵ Ket ti padi ibilinnanto a mapapatay ti maysa cadagiti tumatayab iti maysa a damili iti yan ti danum nga agay-ayus.

Ti Baro a Naimbag a Damag Biblia

⁵ Kalpasanna, ibilin ti padi a maparti ti maysa a tumatayab iti ngatoen ti maysa a banga a nakargaan iti kasasakdo a danum ti ubbog.

Levitico 14:5 Iomraidhean Croise

Hebreo 2:14

Iti casta, agsipud ta dagiti annac makiramanda iti lasag ken dara, casta met kencuana nakiraman cadacuada, tapno gapu iti patay pucawenna daydiay addaan pannacabalin ni patay, cayatco a sao-en, ti diablo;

Levitico 14:50

Ket papatayennanto ti maysa cadagiti tumatayab iti maysa nga alicamen a damili iti rabaw ti danum nga agay-ayus:

2 Taga-Corinto 13:4

Ta nupay no nailansa iti cruz gapu iti kinalap-it, itan, agbiag gapu iti pannacabalin ti Dios; dacam met, uray no nalap-itcam kencuana, nupay casta, agbiagcamto a makicuyog kencuana, gapu iti pannacabalin ti Dios a maipaay cadacayo.

2 Taga-Corinto 5:1

Ta ammomi a no ti naindagaan a balay, ti calapawtayo, madadaelto, adda maysa a balaytayo nga aggapu iti Dios, balay a saan nga inaramid ti ima, agnanayon cadagiti langlangit.

2 Taga-Corinto 4:7

Ngem addaancami iti daytoy a gameng cadagiti damili a vaso, tapno ti naindaclan a pannacabalin, biang coma ti Dios, a saan a cadacami;

Numero 5:17

Ket ti padi mangalanto iti nasantoan a danum iti maysa a bacca a damili: ket iti nayon ti tapuc nga adda iti datar ti tabernaculo ti padi mangalanto ket icabilnanto iti danum.

Levitico 14:4

Agbilinto ngarud ti padi iti pannacaala iti biang ni padalusan ti dua a sibibiag a tumatayab a nadalus, ken cayo a cedro, ken escarlata, ken hisopo:

Levitico 14:6

Ti maipapan iti tumatayab a sibibiag, isu alaennanto, ken ti cayo a cedro, ken ti escarlata, ken ti hisopo, ket itanebnanto ida, agraman ti sibibiag a tumatayab, iti dara ti pinatay a tumatayab iti rabaw ti danum nga agay-ayus: