Levitico 14:4 - Ti Biblia (1973)

⁴ Agbilinto ngarud ti padi iti pannacaala iti biang ni padalusan ti dua a sibibiag a tumatayab a nadalus, ken cayo a cedro, ken escarlata, ken hisopo:

Ti Baro a Naimbag a Damag Biblia

⁴ agpaala ti padi iti dua a tumatayab a maibilang a nadalus, agraman kayo a sedro, nalabaga a lupot ken sanga ti hisopo.

Levitico 14:4 Iomraidhean Croise

Dagiti Salmo 51:7

Dalusannac babaen iti hisopo, ket dumalusacto, buggoannac, ket napudpudawacto ngem nieve.

Exodo 12:22

Ket mangalacayo coma iti sangareppet nga hisopo, ket isawsawyo iti dara a nagyan iti batia, ket iwarsiyonto iti ngato ti ruangan ken dagiti agsumbangir a baotec, ti dara nga nagyan iti batea; ket awanto cadacayo ti rumuar iti ruangan ti balayna agingga iti bigat.

Levitico 1:14

Ket no ti idatagna ken Jehova maysa a daton a mapuuran cadagiti tumatayab, idatagnanto nga idaton ngarud dagiti pagpagaw wenno urbon dagiti calapati.

Levitico 12:8

Ket no awan ti umanay nga igatangna iti maysa a cordero, mangalanto ngarud iti dua a pagaw wenno dua nga urbon ti calapati; ti maysa agservi a daton a mapuuran, ket ti caduana agservi a daton gapu iti basol, ket ti padi aramidennanto a pacaabbonganna, ket nadalusto.

Levitico 14:5

Ket ti padi ibilinnanto a mapapatay ti maysa cadagiti tumatayab iti maysa a damili iti yan ti danum nga agay-ayus.

Levitico 14:6

Ti maipapan iti tumatayab a sibibiag, isu alaennanto, ken ti cayo a cedro, ken ti escarlata, ken ti hisopo, ket itanebnanto ida, agraman ti sibibiag a tumatayab, iti dara ti pinatay a tumatayab iti rabaw ti danum nga agay-ayus:

Levitico 5:7

Ket no di macaanay ti cucuana a pangpaadda iti maysa a cordero, yegnanto ngarud a datonna gapu iti salungasing nga agservi iti nacabasolanna, ti dua a pagaw wenno dua a calapati nga urbon, ken Jehova; ti maysa maipaay ti daton gapu iti basol, ket ti sabali maipaay ti daton a mapuuran.

Numero 19:18

Ket ti maysa a tao a nadalus mangalanto iti hisopo, ket itanebnanto iti danum, ket iwarsina iti rabaw ti tolda ken amin a vasvaso ken amin a tattao nga adda idiay, casta met ken nacasagid iti tulang, wenno iti pinatay, wenno iti natay, wenno iti tanem:

Numero 19:6

Ket ti padi mangalanto iti cayo a cedro ken hisopo ken escarlata, ket isebbananto iti tengnga ti pacapuuran ti vaca.

Hebreo 9:19

Ta idinto a naiwarragawag ni Moises dagiti amin a bilbilin a mayannurot iti linteg cadagiti amin nga umili, innalana ti dara dagiti urbon a vaca a lalaki a napacuyogan ti danum ken dutdot a nalabaga ti carnero ken ti hisopo, ket winarsianna daydi pagbasaan met laeng ken dagidi isu-amin nga umili.