Levitico 13:2 - Ti Biblia (1973)

² No iti maysa a tao adda tumaud a letteg, iti cudil ti lasagna wenno latlat, wenno aglaslasilas, ket agbalin a sakit a cucutel iti cudil ti lasagna, maipanto ngarud ken Aaron, a padi, wenno iti maysa cadagiti annacna a lallaki a padi:

Ti Baro a Naimbag a Damag Biblia

² No adda gaddil ti maysa a tao wenno letteg, wenno busali a mabalin nga agtinnag a kukutel, masapul a maidatag iti padi, ni Aaron wenno maysa kadagiti annakna.

Levitico 13:2 Iomraidhean Croise

2 Samuel 3:29

Agtinnag coma iti rabaw ti olo ni Joab, ken iti amin a balay ni amana; ket saan coma nga agcurang iti balay ni Joab ti tao nga aglac-am iti panagtotot, wenno agcucutel, wenno magmagna coma a sisasarucod, wenno mapasag coma iti campilan, wenno macurcurangan iti taraon.

2 Ar-ari 5:1

Ni Naaman a capitan ti buyot ti ari ti Siria, lalaki a napateg ken ni apona ken madaydayaw, ta ni Jehova nangted idi iti panagballigi iti Siria a gapu kencuana: isu maingel a lalaki ken napigsa, ngem isu agcucutel idi.

2 Ar-ari 5:27

Gapuna a ti cucutel ni Naaman cumpetto kenca, ken iti putotmo iti agnanayon. Ket isu rimmuar a naggapu iti saclangna nga agcucutel a napudaw unay a casa iti nieve.

Isaias 1:6

Manipud iti dapan ti saca agingga iti olo met laeng awan ti kinasalun-at kencuana; no di ket sugsugat, ken litlitem, ken babbaro a sapsaplit: saanda a nacaem, saanda met a napatapatan ken dida met nasapsappoan iti lana.

Isaias 3:17

Gapuna a ti Apo paggaddilennanto ti toctoc ti olo dagiti annac a babai ti Sion, ket ni Jehova iparangnanto dagiti nalimed a camengda.

Levitico 13:1

Ket ni Jehova nakisao cada Moises ken Aaron, a kinunana,

Levitico 13:3

Ket ti padi imatangannanto ti sacsakiten iti cudil ti lasag; ket no ti dutdut iti sacsakiten nagpuraw, ket ti langa ti sacsakiten naun-uneg ngem iti cudil ti lasagna, dayta ti sakit a cucutel; ket ti padi amirisennanto, ket ikeddengnanto nga isu saan a nadalus.

Levitico 13:8

Ket ti padi imatangannanto, ket adtoy, no ti latlat nagwarasen iti cudil, ti padi ibatadnanto a casta a saan a nadalus: dayta ti cucutel.

Levitico 14:3

Ket ti padi mapanto iti ruar ti pacarso; ket ti padi kitaennanto; ket, adtoy, no ti sacsakiten a cucutel imminbag iti nagcucutel ken akincucutel,

Levitico 14:35

Ti akinbalay ngarud umaynanto ibaga iti padi, a cunana, Ipagarupco a cas la adda maysa a didigra iti balayco.

Levitico 14:56

Ken maitutop iti letteg, ken latlat ken lasilas;

Malakias 2:7

Ta dagiti bibig dagiti papadi aywananda coma ti pannacaammo, ket birukenda coma ti linteg iti ngiwatna, ta isu babaonen ni Jehova dagiti buybuyot.

Numero 12:10

Ket ti ulep pimmanaw iti tabernaculo ket adtoy ta ni Miriam nagcucutel, nagpuraw a cas nieve ket ni Aaron kinitana ni Miriam, ket, adtoy, isu agcucutelen.

Numero 12:12

Dawatec a dica cadi ipalubos nga isu cas maysa a natay a naibus ti guddua ti lasagna no rumuar iti tian ni inana.

San Mateo 8:4

Ket ni Jesus kinununa kencuana: Kitaem, ta dica ibaga iti uray siasino; ngem inca, agparangca iti sacerdote ket idatonmo ti sagut nga imbilin ni Moises tapno pacakitaanda.

San Marcos 1:44

Ket kinunana kencuana: Kitaem, ta dica ibaga iti uray siasino, no di ket inca, agparangca iti sacerdote ket idatonmo ti maipaay iti pannacagugormo dagiti imbilin ni Moises, a pacapanecnecanda.

San Lucas 17:14

Ket idi makitana ida, kinunana cadacuada: Incayo, agparangcayo cadagiti papadi. Ket naaramid, nga idi magmagnada a mapan, nadalusanda.

San Lucas 5:14

Ket isu imbilinna kencuana a dina sasaoen iti uray siasino: Ngem inca, agparangca iti padi ket mangidatonca a maipaay iti pannacadalusmo, cas imbilin ni Moises, tapno pacapnecanda.

Deuteronomio 24:8

Annadam no adda sakit a cucutel nga agawaan a tungpalen ken aramiden ti mayannurot iti isu-amin nga isuro cadacayo dagiti papadi a Levitas: ti cas imbilinco cadacuada, isu ti tungpalenyonto nga aramiden.

Deuteronomio 28:27

Ni Jehova cabilennacanto iti busali ti Egipto, ken cadagiti letletteg, ken iti gudgud, ken iti gaddil, a saancanto a maagasan.