Levitico 12:8 - Ti Biblia (1973)

⁸ Ket no awan ti umanay nga igatangna iti maysa a cordero, mangalanto ngarud iti dua a pagaw wenno dua nga urbon ti calapati; ti maysa agservi a daton a mapuuran, ket ti caduana agservi a daton gapu iti basol, ket ti padi aramidennanto a pacaabbonganna, ket nadalusto.

Ti Baro a Naimbag a Damag Biblia

⁸ No di kabaelan ti babai ti mangidaton iti urbon a karnero, mangala iti dua a kalapati wenno pagaw; maysa ti daton a mapuoran ket daton gapu iti basol ti maysa. Annongen ti padi ti seremonia a mangikkat iti kinarugit ti babai ket maibilangton a nadalus.

Levitico 12:8 Iomraidhean Croise

Levitico 1:14

Ket no ti idatagna ken Jehova maysa a daton a mapuuran cadagiti tumatayab, idatagnanto nga idaton ngarud dagiti pagpagaw wenno urbon dagiti calapati.

Levitico 12:7

Ket ti padi idatonnanto iti sango ni Jehova, ket aramidennanto ti pannacaabbongna; ket ni naganac madalusanton iti lunayenna. Daytoy ti alagadenna nga aganac iti lalaki man wenno babai.

Levitico 13:1

Ket ni Jehova nakisao cada Moises ken Aaron, a kinunana,

Levitico 14:21

Ket no napanglaw, ket awan mabalinna a pangalaan iti casdiay, mangalanto ngarud iti maysa a cordero a lalaki nga agservi a daton a mailili gapu iti salungasing, tapno maaramid a pacaabbonganna, ken maysa a pagcapulo ti maysa nga efa ti namayecmec nga harina a nalaocan iti lana ken maysa a log ti lana daton a macan;

Levitico 14:22

Ken dua a pagpagaw wenno dua nga urbon dagiti calapati, no cas dagita ti mabalinna nga alaen; ket ti maysa isunto ti daton gapu iti basol, ket ti caduana maysa a daton a mapuuran.

Levitico 15:14

Ket iti maicawalo nga aldaw alaennanto a maipaay kencuana ti dua a pagaw wenno dua nga urbon ti calapati, ket umayto iti saclang ni Jehova iti ruangan ti tolda ti gimong, ket itednanto ida iti padi:

Levitico 15:15

Ket ti padi idatonnanto ida, ti maysa maipaay a daton gapu iti basol, ket ti caduana maipaay a daton a mapuuran; ket ti padi aramidennanto ti pannacaabbongna iti saclang ni Jehova a gapu iti panagtototna.

Levitico 15:29

Ket iti macawalo nga aldaw mangalanto iti dua a pagaw, wenno dua nga urbon ti calapati, ket ipannanto ida iti padi iti ruangan ti tolda ti gimong.

Levitico 4:26

Ket dagup ti tabana puurannanto iti rabaw ti altar, cas ti taba ti sacrificio dagiti datdaton a maipaay iti cappia; ket ti padi aramidennanto a pacaabbonganna cas mayannatup iti basolna, ket mapacawanto.

Levitico 5:11

Ngem no awan kencuana ti macaanay a pamaaddana iti dua a pagaw wenno dua a calapati, yegnanto ngarud a datonna gapu iti pannacabasolna, ti apagcapulo ti maysa nga efa ti namayecmec nga harina a pagdaton gapu iti basol: dinanto ic-iccan iti lana, casta met a dinanto ic-iccan iti incienso; ta isu ti maysa a daton gapu iti basol.

Levitico 5:7

Ket no di macaanay ti cucuana a pangpaadda iti maysa a cordero, yegnanto ngarud a datonna gapu iti salungasing nga agservi iti nacabasolanna, ti dua a pagaw wenno dua a calapati nga urbon, ken Jehova; ti maysa maipaay ti daton gapu iti basol, ket ti sabali maipaay ti daton a mapuuran.

San Mateo 21:12

Ket simrec ni Jesus iti Templo ti Dios, ket pinaruarna dagiti isu-amin nga aglaclaco ken aggatgatang idiay Templo; ket tinuangna dagiti lamisaan dagiti agsucsucat ti pirac, ken dagiti tugaw dagiti aglaclaco cadagiti calapati;

2 Taga-Corinto 8:9

Ta ammoyo ti parabur ni Apotayo a Jesu-Cristo, nga idinto a nabacnang, gapu cadacayo nagbalin a napanglaw, tapno dacayo, gapu iti kinapanglawna, bumacnangcayo coma,