Levitico 12:7 - Ti Biblia (1973)

⁷ Ket ti padi idatonnanto iti sango ni Jehova, ket aramidennanto ti pannacaabbongna; ket ni naganac madalusanton iti lunayenna. Daytoy ti alagadenna nga aganac iti lalaki man wenno babai.

Ti Baro a Naimbag a Damag Biblia

⁷ Idatag ti padi dagitoy iti Apo ket aramidenna ti seremonia a mangikkat iti kinarugit; kalpasanna, maibilangton a nadalus. Daytoy ti rumbeng nga aramiden ti babai kalpasan ti panagpasngayna.

Levitico 12:7 Iomraidhean Croise

Ti Libro ni Job 1:5

Ket casta idi a dagiti al-aldaw ti panagdayada nabatangbatangdan, a nagbaon ni Job ket sinantificarna ida, ket bimmangon a nasapa iti bigat, ket nangipaay cadagiti datdaton a mapuuran cas mayalubog iti bilangda amin: ta ni Job kinunana, Mabalin a nagbasol dagiti annacco a lallaki, ket indianda ti Dios cadagiti puspusoda. Casta ti inaramid a cancanayon ni Job.

Ti Libro ni Job 14:4

Asino ti macabalin a mangyeg iti maysa a nadalus nga agtaud iti narugit? awan.

Levitico 1:4

Ket ipataynanto ti imana iti rabaw ti olo ti idatonna a mapuuran; ket maipategto kencuana a maibilang a pacaabbonganna.

Levitico 12:6

Ket no masungpot dagiti al-aldaw a panagdalusna, maipaay iti anacna a lalaki wenno babai, yegnanto iti padi ti maysa a cordero a tumawenen cas daton a mapuuran, ken maysa nga urbon ti calapati, wenno maysa a pagaw a daton gapu iti basol agingga iti ruangan ti tolda ti gimong:

Levitico 12:8

Ket no awan ti umanay nga igatangna iti maysa a cordero, mangalanto ngarud iti dua a pagaw wenno dua nga urbon ti calapati; ti maysa agservi a daton a mapuuran, ket ti caduana agservi a daton gapu iti basol, ket ti padi aramidennanto a pacaabbonganna, ket nadalusto.

Levitico 15:15

Ket ti padi idatonnanto ida, ti maysa maipaay a daton gapu iti basol, ket ti caduana maipaay a daton a mapuuran; ket ti padi aramidennanto ti pannacaabbongna iti saclang ni Jehova a gapu iti panagtototna.

Levitico 4:20

Castoy ti aramidennanto iti vaca; cas inaramidna iti vaca ti daton gapu iti basol, castanto ti panangaramidna iti daytoy, ket ti padi aramidennanto ti pacaabbongan ti ili, ket mapacawandanto.

Levitico 4:26

Ket dagup ti tabana puurannanto iti rabaw ti altar, cas ti taba ti sacrificio dagiti datdaton a maipaay iti cappia; ket ti padi aramidennanto a pacaabbonganna cas mayannatup iti basolna, ket mapacawanto.

Levitico 4:31

Ket amin a tabana iccatennanto, cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

Levitico 4:35

Ket amin a tabana iccatennanto, cas iti pannacaiccat ti taba ti cordero iti sacrificio dagiti datdaton a maipaay iti cappia; ket ti padi puurannanto ida iti rabaw ti altar, iti ngatoen dagiti datdaton a maaramid iti apuy ken Jehova ket ti padi aramidennanto a pacaabbonganna a maipanggep iti basolna a nacabiddutanna, ket mapacawanto.

Taga-Roma 3:23

Ta isuda amin nagbasolda ket agcurangda iti dayag ti Dios;

Taga-Roma 3:26

Tapno ti kinalintegna maiparangarang iti agdama a tiempo; tapno maipakita a nalinteg, ken mangpalinteg iti adda pammatina ken Jesus.

1 Taga-Corinto 7:14

Ta ti lalaki a di mamati mapagsanto ken asawana, ket ti babai a di mamati mapagsanto ken asawana; ta no saan a casta, dagiti annacyo saanda coma a nadalus: ngem ita nasantoanda.

Taga-Galacia 3:28

Kencuana awan ti Judio ken Griego, awan ti adipen wenno agwayawaya, awan lalaki wenno babai; ta dacayo amin maymaysacayo ken Cristo Jesus.