Levitico 12:6 - Ti Biblia (1973)

⁶ Ket no masungpot dagiti al-aldaw a panagdalusna, maipaay iti anacna a lalaki wenno babai, yegnanto iti padi ti maysa a cordero a tumawenen cas daton a mapuuran, ken maysa nga urbon ti calapati, wenno maysa a pagaw a daton gapu iti basol agingga iti ruangan ti tolda ti gimong:

Ti Baro a Naimbag a Damag Biblia

⁶ No maturpos dagiti aldaw a pannakadalusna, lalaki man wenno babai ti anakna, masapul a mangidaton iti urbon ti karnero a maysa ti tawenna para iti daton a mapuoran ken maysa a sibong ti kalapati wenno pagaw para iti daton gapu iti basol. Ipanna dagitoy kadagiti papadi iti ruangan ti Tolda ti Dios.

Levitico 12:6 Iomraidhean Croise

Genesis 15:9

Ket kinunana kencuana, Yalaannac iti bumalasang a vaca nga agtawen iti tallo, ken maysa a calding a babai nga agtawen iti tallo, ken maysa a carnero a lalaki nga agtawen iti tallo, maysa met a pagaw, ken maysa nga urbon a calapati.

Levitico 12:2

Ibagam cadagiti annac ti Israel a cunam, No ti maysa a babai agsicug ket mangyanac iti maysa a lalaki, pitonto nga aldaw a saan a nadalus; cas cadagiti al-aldaw ti kinarugit ti panagsangailina saanto a nadalus.

Levitico 12:5

Ngem no mangyanac iti babai dua a lawasna a maibilangto a saan a nadalus, cas iti kinarugitna; ket isu urayennanto ti innem a pulo ket innem nga aldaw a panagdalusna iti dara.

Levitico 12:7

Ket ti padi idatonnanto iti sango ni Jehova, ket aramidennanto ti pannacaabbongna; ket ni naganac madalusanton iti lunayenna. Daytoy ti alagadenna nga aganac iti lalaki man wenno babai.

Levitico 14:22

Ken dua a pagpagaw wenno dua nga urbon dagiti calapati, no cas dagita ti mabalinna nga alaen; ket ti maysa isunto ti daton gapu iti basol, ket ti caduana maysa a daton a mapuuran.

Levitico 15:14

Ket iti maicawalo nga aldaw alaennanto a maipaay kencuana ti dua a pagaw wenno dua nga urbon ti calapati, ket umayto iti saclang ni Jehova iti ruangan ti tolda ti gimong, ket itednanto ida iti padi:

Levitico 15:29

Ket iti macawalo nga aldaw mangalanto iti dua a pagaw, wenno dua nga urbon ti calapati, ket ipannanto ida iti padi iti ruangan ti tolda ti gimong.

Numero 6:10

Ket iti maicawalo nga aldaw mangyegto iti dua a pagaw wenno dua nga urbon ti calapati iti padi iti ruangan ti tolda ti gimong:

San Lucas 2:22

Ket idi natungpal dagiti aldaw ti pannacagugorda, cas ti linteg ni Moises, impanda ti ubing idiay Jerusalem nga iparang iti Apo,

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;