Levitico 12:5 - Ti Biblia (1973)

⁵ Ngem no mangyanac iti babai dua a lawasna a maibilangto a saan a nadalus, cas iti kinarugitna; ket isu urayennanto ti innem a pulo ket innem nga aldaw a panagdalusna iti dara.

Ti Baro a Naimbag a Damag Biblia

⁵ No met babai ti ipasngay ti maysa nga ina, maibilang a narugit iti las-ud ti 14 nga aldaw a kas iti pannakaibilangna bayat ti panagreglana. Palabsenna pay ti 66 nga aldaw santo maibilang a nadalusan iti panagruar ti darana.

Levitico 12:5 Iomraidhean Croise

Genesis 3:13

Idin ni Jehova Dios kinunana iti babai, Ania daytoy nga inaramidmo? Ket ti babai kinunana, Ti uleg inulbodnac ket nanganac.

Levitico 12:2

Ibagam cadagiti annac ti Israel a cunam, No ti maysa a babai agsicug ket mangyanac iti maysa a lalaki, pitonto nga aldaw a saan a nadalus; cas cadagiti al-aldaw ti kinarugit ti panagsangailina saanto a nadalus.

Levitico 12:4

Ket ti babai urayennanto ti tallopulo ket tallo nga al-aldaw a panagdalusna iti dara; dinanto sagiden ti anyaman a nasantoan, dinto met sumrec iti yan ti santuario inggana ti pannacatungpal ti aldaw a panagdalusna.

Levitico 12:6

Ket no masungpot dagiti al-aldaw a panagdalusna, maipaay iti anacna a lalaki wenno babai, yegnanto iti padi ti maysa a cordero a tumawenen cas daton a mapuuran, ken maysa nga urbon ti calapati, wenno maysa a pagaw a daton gapu iti basol agingga iti ruangan ti tolda ti gimong: