Levitico 11:44 - Ti Biblia (1973)

⁴⁴ Ta siac ni Jehova a Diosyo: santificarenyo dagiti bagbagiyo, ket agsantocayo; ta siac santoac: dicayto met mulmulitan dagiti bagbagiyo iti uray-ania a kita cadagiti aguy-uyas nga aggaraw iti rabaw ti daga.

Ti Baro a Naimbag a Damag Biblia

⁴⁴ Siak ni Yahweh a Diosyo; pagtalinaedenyo dagiti bagiyo a nasantoan gapu ta nasantoanak.

Levitico 11:44 Iomraidhean Croise

Dagiti Salmo 99:5

Itan-ocyo ni Jehova a Diostayo, ket agdaydayawcayo iti sacaananna: isu Santo.

Dagiti Salmo 99:9

Itan-ocyo ni Jehova a Diostayo, ket agdaydayawcayo idiay nasantoan a turodna; ta ni Jehova a Diostayo santo.

Exodo 16:12

Nangngegcon dagiti dandanengdeng dagiti annac ti Israel: ibagam cadacuada, a cunam, Iti rumabii mangancayonto iti lasag, ket iti bumigat agrenneccayonto iti tinapay; ket ammoenyonto a siac ni Jehova a Diosyo.

Exodo 19:10

Ket ni Jehova kinunana ken Moises, Inca cadagiti tattao, ket santificarem ida ita nga aldaw ken intono bigat, ket labaanda coma dagiti pagpagan-anayda,

Exodo 19:6

Ket dacayonto caniac ti maysa a pagarian a papadi, ken maysa a nasantoan a nacion. Dagitoy dagiti sao nga ibagamto cadagiti annac ti Israel.

Exodo 20:2

Siac ni Jehova a Diosmo, a nangaon kenca iti daga nga Egipto, iti balay a nacaadipnan.

Exodo 22:30

Castoy met ti aramidem cadagiti vacvacam ken carcarnerom: cadagiti pito nga aldaw agyanto iti inana; iti maicawalo nga aldaw itdemto caniac.

Exodo 22:31

Ket dacayo sasantocayto caniac: isu ti gapuna a dicayto canen ti uray ania a lasag a rinangcay dagiti an-animal a naranggas iti away; ibellengyonto cadagiti asaso.

Exodo 23:25

Ket agservicayto ken Jehova a Diosyo, ket isu bendicionannanto ti taraonmo ken ti danummo; ket siac iccatecto ti sakit iti tengngam.

Exodo 6:7

Ket alaencayto nga ilic, ket siacto ti Diosyo: ket ammoenyonto a siac ni Jehova a Diosyo a mangilasot cadacayo cadagiti pammarparigat dagiti Egipcios.

Isaias 43:3

Ta siac ni Jehova a Diosmo, ti Santo ti Israel, a Mangisalacan kenca; intedco ti Egipto a cas subbotmo, naisucat kenca ti Etiopia ken Seba.

Isaias 51:15

Ta siac ni Jehova a Diosmo, a mangkibur iti baybay, tapno dagiti dalluyonna agungorda: Jehova dagiti buybuyot ti naganna.

Levitico 10:3

Idin ni Moises kinunana ken Aaron, Daytoy ti imbaga ni Jehova a kinunana, Siac masantificaracto cadagiti umasideg caniac, ket iti sango ti amin nga umili maglorificaracto. Ket ni Aaron nagulimec.

Levitico 11:43

Dicayto agaramid iti pacarimonan cadacayo maipuon laeng iti maysa nga animal nga aguy-uyas; dicayto met mangar-aramid iti pacarugitanyo cadagidiay, tapno mamulitancayo gapu cadacuada.

Levitico 18:2

Ibagam cadagiti annac ti Israel, ket cunam cadacuada, Siac ni Jehova a Diosyo.

Levitico 19:10

Dicanto adasen ti cauvasam, dicanto met ipenpen ti bunga a natnag ti cauvasam; batiemto ida a lac-amen ti napanglaw, ken ti gangannaet: siac ni Jehova a Diosmo.

Levitico 19:2

Ibagam iti dagup ti gimong dagiti annac ti Israel, ket soem cadacuada, Dacayo agsantocayto; gapu ta siac a Jehova a Diosyo, santoac.

Levitico 19:3

Tummunggal maysa a tao cadacayo cabutengnanto ni inana ken amana; ket ngilinenyonto dagiti aldaw a panaginana: siac ni Jehova a Diosyo.

Levitico 19:4

Dicay subsublian dagiti ladladawan, dicay met agar-aramid iti sinucog a didiosen: siac ni Jehova a Diosyo.

Levitico 20:26

Ket dacayo agsantocayto caniac: ta siac a Jehova santoac, ken inlasincayo cadagiti tattao, tapno dacayo ti cucuac.

Levitico 20:7

Pasantoenyo ngarud dagiti bagbagiyo, ket agsantocayo; ta siac ni Jehova a Diosyo.

Levitico 21:8

Pasantoemto ngarud, ta idatonna ti tinapay ti Diosmo: isu santonto kenca; ta siac ni Jehova a mamagsanto cadacayo, santoac.

Amos 3:3

Magnanto aya ti dua nga aggiddan, no dida nagtunos?

Numero 15:40

Tapno laglagipenyo ken aramidenyo amin a bilbilinco, ken nasantoancayo iti Diosyo.

San Mateo 5:48

Agimbagcayo ngarud, nga awan pagcuranganna, a cas ken Amayo a nailangitan nga awan pagcuranganna.

Deuteronomio 14:2

Ta sica maysaca nga ili a nasantoan ken Jehova a Diosmo, ket ni Jehova pinilinaca a maysa nga ili a cucuana a naisalsalumina, naipangpangrona ngem iti amin nga il-ili nga adda iti rabaw ti daga.

1 Taga-Tesalonica 4:7

Ta saannatayo nga inayaban ti Dios a maipaay iti kinarugit, no di iti kinasanto.

Josue 24:19

Ket ni Josue kinunana iti ili, Dicayo mabalin ti agservi ken Jehova: ta isu ti Dios a nasantoan, isu ti Dios a naimun; dinanto pacawanen dagiti panaglabsingyo uray dagiti basbasolyo.

1 Pedro 2:9

Ngem, dacayo ti napili a caputotan, ti naarian a kinapadi, nasantoan a nacion, ili a cucua ti Dios; tapno ipaduyacyacyo dagiti kinatan-oc daydiay nangayab cadacayo manipud kinasipnget inggana iti nacascasdaaw a lawagna:

Paltiing 22:11

Ti nakil-lo agaramid laeng iti kinakil-lo; ket ti narugit, narugit laeng; ket ti nalinteg, nalinlinteg pay coma; ket ti santo nasansanto pay coma.

1 Samuel 2:2

Awan ti nasantoan a cas ken Jehova ta awan iti lacsidmo, awan met ti uray ania a bato a cas iti Diosmi.

1 Samuel 6:20

Ket dagiti tattao a taga Bet-semes kinunada, Siasino ti macabael nga agtacder iti sango ni Jehova, daytoy nasantoan a Dios? ken maipaay iti asino ti sang-atannanto manipud cadatayo?