Levitico 10:13 - Ti Biblia (1973)

¹³ Ket canenyonto iti maysa a disso a nasantoan, gapu ta isu ti pannacabagim, ken pannacabagi dagiti annacmo a lallaki, cadagiti datdaton a naaramid iti apuy ken Jehova: ta casta ti naibilin caniac.

Ti Baro a Naimbag a Damag Biblia

¹³ Wen, kanenyo iti nasantoan a lugar, ta paset daytoy ti taraon a naidaton iti Apo ken nailasin nga agpaay kadakayo nga agaama. Daytoy ti imbilin kaniak ti Apo.

Levitico 10:13 Iomraidhean Croise

Ezekiel 42:13

Idin kinunana caniac, Dagiti makinamianan a silsiled, ken dagiti makinabagatan a silsiled, nga adda iti sangoanan ti naisina a disso, isuda dagiti nasantoan a silsiled, a dagiti papadi nga asideg ken ni Jehova panganandanto cadagiti casantoan a banbanag: idiay idissodanto dagiti casantoan a banbanag, ken ti daton a bel-laay, ken ti daton a gapu iti basol ken ti daton gapu iti labsing; ta ti disso nasantoan.

Levitico 10:12

Ket ni Moises nakisao ken Aaron, ken Eleazar ken Itamar, nga annacna a lallaki a nabati, Alaenyo ti daton a macan a natda cadagiti datdaton a naaramid iti apuy ken Jehova, ket canenyo a di-nalevaduraan iti sibay ti altar; ta isu ti nasantoan unay;

Levitico 10:14

Ket ti barucong a mailili ken ti maitayag a luppo canenyonto iti maysa a yan a nadalus; sica, ken dagiti annacmo a lallaki ken babbai agraman kenca: ta dagidiay maitedda a cas pannacabagim, ken pannacabagi dagiti annacmo, cadagiti sacrificio dagiti datdaton a maipaay iti cappia dagiti annac ti Israel.

Levitico 2:3

Ket ti matda iti daton a bel-laay maipatagicuanto ken Aaron ken dagiti annacna a lallaki: isu ti maysa nga aramid a nasantoan unay dagiti datdaton a maaramid iti apuy ken Jehova.

Levitico 6:16

Ket ti matda iti daydiay canento ni Aaron ken dagiti annacna a lallaki: macanto a di-nalevaduraan iti maysa a nasantoan a disso; iti paraangan ti tolda ti gimong canendanto.

Numero 18:10

Cas iti nasantoan, unay mangancanto idiay; tunggal lalaki; a mangan idiay nasantoanto kenca.

Numero 5:10

Ket dagiti napasanto a banbanag amin a tao, cucuananto: uray ania nga ited ti siasinoman a tao, iti padi, dayta cucuananto.