Levitico 1:3 - Ti Biblia (1973)

³ No vaca ti mapuuran a pagdatonna, idatonnanto ti lalaki nga awan pacapilawanna: ti pangidatonannanto iti ruangan ti tolda ti gimong, tapno maawat iti saclang ni Jehova.

Ti Baro a Naimbag a Damag Biblia

³ No maysa kadagiti bakana ti idatagna a kas sakrifisio, mangted iti toro nga awan pakapilawanna ket ipanna iti ruangan ti Tolda ti Dios tapno awaten ni Yahweh.

Levitico 1:3 Iomraidhean Croise

Genesis 22:13

Ket ni Abraham intannawagna dagiti matana, ket kimmita, ket adtoy, maysa a carnero a lalaki iti licudanna, a naisalat iti nasamec dagiti sarana; ket napan ni Abraham, ket innalana ti carnero ket impaayna a daton a mapuuran a sandi ti anacna.

Genesis 22:2

Ket kinunana, Alaem ita ti anacmo, ti anacmo a bugbugtong, nga dongdongoen, a ni Isaac, ket inca iti daga ti Moria; ket isu idatagmo idiay nga maysa a daton a mapuuran, iti rabaw ti maysa cadagiti banbantay nga ibagacto kenca.

Genesis 22:8

Ket ni Abraham, kinunana, Ti Dios mangisagananto iti cordero a maipaay kencuana a daton a mapuuran, anacco: iti casta napanda a dua a nagcuyog.

Genesis 8:20

Ket nangbangon ni Noe ti maysa nga altar ken Jehova, ket nangala iti tunggal nadalus nga animal, ken tunggal nadalus a tumatayab, ket impaayna dagiti daton a mapuuran iti rabaw ti altar.

2 Cronicas 29:32

Ket ti bilang dagiti datdaton a mapuuran nga inyeg ti gimong pitopulo a vaca a lallaki, sangagasut a carnero a lallaki, ken dua gasut a cordero: amin dagitoy naipaayda a daton a mapuuran ken Jehova.

2 Cronicas 35:12

Ket innalada dagiti datdaton a mapuuran, tapno mabalinda ida nga ited a mayannurot cadagiti pannacabingbingay dagiti balbalay dagiti amma dagiti annac ti umili, tapno idatagda ken Jehova, cas adda a naisurat iti libro ni Moises. Ket casta ti inaramidda cadagiti vacvaca a lallaki.

Dagiti Salmo 110:3

Ti ilim itulnogna ti bagina a siaayat iti aldaw ti pannacabalinmo, iti nasantoan a pannakidangadang: nagtaud iti aanacan ti bigat addaanca iti linnaaw ti kinaagtutubom.

Dagiti Salmo 40:8

Pagragsacac nga aramiden ti pagayatam, O Diosco; wen, ti lintegmo adda iti uneg ti pusoc.

Exodo 12:5

Ti corderoyo awanto ti pacapilawanna, lalaki nga agtawen iti maysa: isu nga alaenyonto cadagiti carcarnero wenno cadagiti calcalding:

Exodo 24:5

Ket imbaonna dagiti agtutubo a lalaki cadagiti annac ti Israel, nga nangidatag cadagiti datdaton a mapuuran, ken nagaramid cadagiti datdaton ti cappia a vacvaca ken Jehova.

Exodo 29:18

Ket puuramto amin ti carnero iti altar: isu ti daton a mapuuran ken Jehova; isu ti maysa a sayamusom, maysa a daton a maaramid iti apuy ken Jehova.

Exodo 29:4

Ket ipanmonto ni Aaron ken dagiti annacna agingga iti ruangan ti tolda ti gimong, ket buggoamto ida iti danum.

Exodo 29:42

Isu ti maysa a daton a mapuuranto a mataginayon cadagiti putputotyo iti ruangan ti tolda ti gimong iti sango ni Jehova, isu a pangdanonacto cadacayo, tapno makisaoac idiay cadacayo.

Exodo 32:6

Ket isuda bimmangonda a nasapa iti bigat, ket nangirucbabda cadagiti datdaton a mapuuran, ket nangyegda iti datdaton ti cappia; ket dagiti tattao nagtugawda a nangan ken naginum, ket timmacderda a nagay-ayam.

Exodo 35:21

Ket isuda immayda, tunggal maysa a natignay ti pusona ken siannugot ti nakemna, inyegda ti isagut ken Jehova, a maipaay iti pannacaaramid ti tolda ti gimong, ken maipaay iti amin a panagannung idiay, ken maipaay cadagiti nasantoan a cawcawes.

Exodo 35:29

Dagiti annac ti Israel nangyegda iti maysa a daton ti sibubulos a nakem ken Jehova; tunggal lalaki ken babai, a natignay ti pusoda a mangyeg a maipaay iti amin nga aramid, a ni Jehova imbilinna idi nga aramiden ni Moises.

Exodo 35:5

Mangalacay met la cadacayo ti maysa nga isagut ken Jehova; siasinoman a siannugot ti pusona, yegna coma, ti sagsagot ken Jehova: balitoc, ken pirac, ken suer,

Exodo 36:3

Ket isuda inawatda ken Moises dagiti amin a sagsagut nga dagiti annac ti Israel inyegda idi a maipaay iti pannacaaramid a pacaaramidanda a maicapet iti santuario, Ket nangyegda pay kencuana cadagiti datdaton ti sibubulos a nakem iti tunggal bigat.

Exodo 38:1

Ket inaramidna ti altar ti daton a mapuuran iti cayo nga acacia: lima a sico ti caatiddugna, ket lima a sico ti caacabana, nagcuadrado; ket tallo a sico ti catayagna.

Isaias 1:11

Ania ti capapaayanna caniac ti kinaadu dagiti datdatonyo? cuna ni Jehova: addan caniac ti kinawadwad dagiti datdaton a mapuuran a lallaki a carnero, ken iti taba dagiti mapalucmeg nga an-animal; ket diac agrag-o iti dara dagiti vacvaca wenno dagiti cordero, wenno dagiti lallaki a calding.

Ezekiel 20:40

Ta idiay nasantoan a bantayco, idiay bantay a natayag ti Israel, cuna ni Apo Jehova, idiay isu-amin a balay ti Israel, agservidanto caniac isuda amin iti daga; idiay awatecto ida, ket idiay kiddawecto dagiti datdatonyo, ken dagiti umuna a bunga dagiti sagutyo, agraman dagiti amin a cucuayo a nasantoan.

Ezekiel 40:39

Ket iti balcon ti ruangan adda idi dua a lamesaan iti daytoy a sikigan, ken dua a lamesaan iti dayta a sikigan tapno patayen idiay ti daton a mapuuran ken ti daton gapu iti basol ken ti daton gapu iti salungasing.

Levitico 1:10

Ket no ti idatonna aggapu iti pangen, cadagiti carcarnero, wenno cadagiti calcalding, a daton a mapuuran; iti lalaki nga awan pilawna ti idatonnanto.

Levitico 14:10

Ket itinto maicawalo nga aldaw mangalanto iti dua a cordero a lallaki nga awan pilawda, ken maysa a cordero a cabayan awan pilawna, nga agtawenen ken tallo a pagcasangapulo nga apag ti maysa nga efa ti namayecmec nga harina a maipaay a daton a macan a nalaocan iti lana, ken maysa a log ti lana.

Levitico 16:7

Ket alaennanto dagiti dua a calding, ket idatagnanto ida iti saclang ni Jehova iti ruangan ti tolda ti gimong.

Levitico 17:4

Ket saanna nga impan iti ruangan ti tolda ti gimong, tapno impaayna coma cas maysa a daton ken Jehova iti sango ti tabernaculo ni Jehova: dara ti maipabiddutto iti dayta nga tao; isu imbellengna ti dara; ket dayta a tao maipusayto iti ilina:

Levitico 17:8

Ket sica ibagamto cadacuada, Siasinoman iti balay ti Israel, wenno cadagiti gangannaet a makipagtaeng cadacuada, a mangirucbab iti daton a mapuuran wenno sacrificio,

Levitico 17:9

Ket saanna a yeg iti ruangan ti tolda ti gimong, tapno idatonna ken Jehova: dayta a tao maipusayto iti ilina.

Levitico 23:12

Ket iti aldaw a panangililiyo iti rineppet, mangipaaycayto ti maysa a cordero a lalaki nga awan pilawna, a maysa ti tawenna a maipaay a maysa a daton a mapuuran ken Jehova.

Levitico 23:18

Ket idatagyonto a mairaman iti tinapay, ti pito a carnero a sag-gaysa ti tawenda nga awan ti pilawda, ken maysa a bumaro a vaca ken dua a carcarnero a lalaki: dagitoy ti daton a mapuuran ken Jehova mainayon pay dagiti datdatonda a macan, ken datdatonda nga mainum, a maysa a daton a maaramid iti apuy, a nabanglo a sayamusom ken Jehova.

Levitico 3:1

Ket no ti idatonna maysa a sacrificio dagiti datdaton iti cappia; no mangidaton cadagiti vacvaca, uray calakian, uray cabayan, ti awan pilawna ti idatonnanto iti saclang ni Jehova.

Levitico 4:15

Ket dagiti panglacayen ti gimong ipataydanto dagiti im-imada iti rabaw ti olo ti vaca iti saclang ni Jehova; ket ti vaca mapatayto iti sango ni Jehova.

Levitico 4:23

No ti babacna a nacabasolanna maipacaammo kencuana, yegnanto a datonna ti maysa a calding, a lalaki nga awan pilawna;

Levitico 4:3

No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

Levitico 4:32

Ket no mangyeg iti maysa a cordero a daton nga ipaayna gapu iti basol, maysa a cabayan nga awan pacapilawanna ti yegnanto.

Levitico 5:15

No uray siasinoman mailaw-an a macasalungasing, ket macabasol a dina gagaraen cadagiti nasantoan a ramitramit ni Jehova; yegnanto ngarud ti idatonna gapu iti salungasing ken Jehova, ti maysa a lalaki a carnero nga awan pilawna, a mayannatup iti pamatgam iti pirac a siclo, a cas ti siclo ti santuario, nga agservi a daton gapu iti salungasing:

Levitico 5:18

Ket ipannanto iti padi ti maysa a lalaki a carnero nga awan pilawna, a mayannatup iti pamatgam, nga agservi a daton gapu iti salungasing; ket ti padi aramidennanto a pacaabbonganna a maipaay iti aramid a nacabiddutanna a dina ginagara ken dina ammo, ket mapacawanto.

Levitico 6:2

No ti maysa a tao macabasol, ket mailaw-an a sumalungasing ken Jehova, ket ulbodenna ti padana a tao iti naitalec, wenno iti nagtulaganda, wenno iti tacaw, wenno pinarigatna ti padana a tao,

Levitico 6:8

Ket ni Jehova nakisao ken Moises, a kinunana,

Levitico 7:16

Ngem no ti sacrificio ti datonna maysa a cari, wenno ti maysa a daton ti sibubulos a nakem, macanto iti aldaw a panangipaayna iti datonna; ket ti cabigatanna canennanto ti tiddana: isu ti pannacacaanto ti matda:

Levitico 8:18

Ket indatagna ti carnero a lalaki ti daton a mapuuran ket ni Aaron ken dagiti annacna a lallaki impatayda dagiti im-imada iti rabaw ti olo ti carnero.

Levitico 8:21

Ket binuggoanna iti danum dagiti lalaem ken dagiti sacsacana; ket ni Moises pinuuranna amin a bagi ti carnero iti rabaw ti altar; isu idi ti maysa a daton a mapuuran nga agservi a nabanglo a sayamusom: daytoy ti maysa a daton a naaramid iti apuy ken Jehova; cas imbilin ni Jehova ken Moises.

Levitico 9:2

Ket kinunana ken Aaron, Alaem ti maysa nga urbon cadagiti vacvaca a maipaay a daton gapu iti basol, ken ti maysa a carnero a lalaki a maipaay a daton a mapuuran, nga awan pacapilawanda, ket idatonmo ida iti saclang ni Jehova.

Zacarias 13:7

Agriingca, O campilan, a maibusor iti pastorco, ken maibusor iti lalaki a caduac, cuna ni Jehova dagiti buybuyot: sugatem ti pastor, ket dagiti carneroc mawarawaradanto; ket siac idissocto ti imac cadagiti babassit.

Malakias 1:14

Ngem mailunod ti mangallilaw nga addaan iti arbanna animal a calakian, ket agcari, ken mangidaton iti Apo iti addaan pacapilawan; ta siac dackelac nga Ari, cuna ni Jehova dagiti buybuyot, ket ti naganco nacakigkigtot iti nagtengngaan dagiti Gentiles.

Numero 15:3

Ket mangaramidcayto iti maysa a daton iti apuy ken Jehova, maysa a daton a mapuuran, wenno maysa a sacrificio, a pagtungpal iti cari, wenno cas maysa a daton ti sibubulos a nakem, wenno cadagiti natudingan a fifiestayo, tapno maaramid ken Jehova ti maysa a nabanglo a sayamusom, pangen dagiti an-animal a dadackel, wenno arban dagiti an-animal a babassit:

Numero 15:8

Ket no agsaganaca iti maysa a lalaki a vaca a maipaay a daton a mapuuran, wenno maipaay a maysa a sacrificio a pagtungpal iti cari, wenno maipaay a datdaton ti cappia ken Jehova;

Numero 19:2

Dagitoy isuda ti nagbilinan ti linteg nga imbilin ni Jehova a kinunana, Saoem cadagiti annac ti Israel a mangyegda kenca iti maysa nga urbon a vaca a nalabaga ket awan labangna, nga awan pamilawan kencuana, ken di pay naipacpaco iti sangol:

Numero 23:19

Ti Dios saan a maysa a tao tapno agtiri, Di met anac ti tao tapno agbabawi: Isu ti nagcuna, dinanto aya aramiden? Wenno isu ti nagsao, ket dinanto aya tungpalen?

Numero 23:27

Ket ni Balac kinunana ken Balaam, Umayca ita ala, alaencanto iti sabali a disso; nalabit a manipud idiay pagayatanto ti Dios ti panangilunodmo cadacuada caniac.

Numero 23:3

Ket ni Balaam kinunana ken Balac, Agyanca iti yan ti datonmo a mapuuran, ket siac innacto; ta bareng umayto sumabat caniac ni Jehova; ket ti uray ania nga iparangnanto caniac, saoecto kenca. Ket napan iti maysa a tapaw nga awan rorootna.

Numero 23:30

Ket ni Balac inaramidna ti cas sinao ni Balaam, ket indatonna ti maysa a vaca, ken ti maysa a carnero a lalaki iti rabaw ti tunggal altar.

Numero 28:11

Ket cadagiti pangrugian dagiti bulbulanyo, mangidatagcayto iti maysa a daton a mapuuran ken Jehova; dua a bumbumaro a vaca, ken maysa a carnero a lalaki, pito a cordero a lallaki a maysa ti tawenda, nga awan ti pilawda;

Numero 28:19

Ngem mangirucbabcayto iti maysa a daton a maaramid iti apuy, a daton a mapuuran ken Jehova: dua a bumbumaro a vaca, ken maysa a carnero a lalaki, ken pito a cordero a lallaki nga apagtawen: addadanto cadacayo nga awan ti pacapilawanda:

Numero 28:31

Sabali laeng ti cancanayon a daton a mapuuran, ken ti datonna a macan, ipaayyonto ida (alaenyonto ida nga awan ti pamilawan), ken dagiti datdatonda a mainum.

Numero 29:13

Ket ipaayyonto ti maysa a daton a mapuuran, a maysa a daton a maaramid iti apuy, a nabanglo a sayamusom ken Jehova; sangapulo ket tallo a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda; isuda awanto ti pilawda.

Numero 29:2

Ket idatagyonto ti maysa a daton a mapuuran a maipaay a nabanglo a sayamusom ken Jehova, maysa a bumaro a vaca, maysa a carnero a lalaki, pito a cordero a lallaki a maysa ti tawenda, nga awan ti pilawda:

San Lucas 1:35

Ket simmungbat di angel a nagcuna kencuana: Ti Espiritu Santo umayto kenca, ket ti pannacabalin ti Cangatoan salinungannacanto; gapuna met a ti Santo a mayanacto kenca managanto Anac ti Dios.

San Juan 1:36

Ket kinitana ni Jesus a magmagna ket cunana: Adtoy ti Cordero ti Dios!

San Juan 10:7

Kinuna manen, ngarud ni Jesus cadacuada; Pudno, pudno cunac cadacayo, siac ti ruangan dagiti carnero.

San Juan 10:9

Siac ti ruangan; ti sumrec a magna caniac, maisalacanto, ket sumrec ken rumuarto ket macasaracto ti pagaraban.

2 Taga-Corinto 8:12

Ta no sisasagana ti pakinakem, ti sagut macaayayo no mayannugot iti cupicupan ti maysa a tao, a saan a cas iti awan kencuana.

2 Taga-Corinto 9:7

Tunggal maysa itdenna coma ti pinanggepna iti pusona; saan nga iti dakes a nakem wenno mapilpilit; ta ti Dios ayatenna ti mangted a siaayat.

Taga-Efeso 2:18

Ta gapu kencuana dacami ken dacayo addaantayo ti gundaway ti iyaasideg iti Ama, babaen ti maymaysa nga Espiritu.

Taga-Efeso 5:27

Tapno pagparangenna kencuana met laeng ti Iglesia a nadayag, nga awan ti rugitna wenno caretket wenno sabali a pacapilawan nga umas-asping, no diket coma santa ken awan tulawna.

Deuteronomio 12:27

Ket sica ipaaymonto dagiti datdatonmo a mapuuran, a ti lasag ken ti dara, iti rabaw ti altar ni Jehova a Diosmo: ket ti dara ti datonmo ibuyatmonto iti rabaw ti altar ni Jehova a Diosmo: ket canemto ti lasag.

Deuteronomio 15:21

Ket no adda uray ania a pilawna, a cas ti pilay, wenno bulsec, wenno uray aniaman a pacapilawanna, dicanto idaton ken Jehova a Diosmo.

Deuteronomio 17:1

Dicanto mangipaay ken Jehova a Diosmo ti vaca wenno carnero nga adda pilawna, wenno uray ania a dakes; ta dayta ti macarimon ken Jehova a Diosmo.

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;

Hebreo 9:14

Dinto nangnangrona pay ti dara ni Cristo, isu a gapu iti Espiritu nga agnanayon indatonna ti bagina nga awan tulawna iti Dios, dalusanna ti nakemyo cadagiti ar-aramid a natay, tapno agservicayo iti Dios a sibibiag?