Levitico 1:13 - Ti Biblia (1973)

¹³ Ngem dagiti lalaem ken dagiti sacsaca buggoannanto iti danum; ket ti padi idatonnanto amin, ket puurannanto iti altar: isu ti maysa a daton a mapuuran, maysa a daton a naaramid iti apuy, a nabanglo a sayamusom ken Jehova.

Ti Baro a Naimbag a Damag Biblia

¹³ Mabuggoan nga umuna dagiti lalaem ken dagiti kammaudi a saka ti animal ket mapuoranda iti altar. Makaay-ayo ken nabanglo daytoy a daton ken ni Yahweh.

Levitico 1:13 Iomraidhean Croise

Genesis 8:21

Ket nasay-up ni Jehova ti nabanglo a sayamusom; ket kinuna ni Jehova iti pusona, Diacto sublienen nga ilunod ti daga a maipuon iti tao, ta ti darepdep ti puso ti tao dakes manipud iti kinaubingna; diacto met sublienen a cabilen amin a nabiag, cas inaramidco.

2 Cronicas 4:6

Inaramidna met dagiti sangapulo a bacca, ket incabilna lima iti macanawan, ken lima iti macatigid, tapno pagbuggoan ida; dagiti casta a banbanag a naaramat iti daton a mapuuran, naibuggoda cadagidiay; ngem ti baybay nagbuggoan dagiti papadi.

Ezekiel 40:38

Ket maysa a siled agraman ti ruanganna adda idi ti arpad dagiti ad-adigi cadagiti ruruangan; idiay inugasanda ti daton a mapuuran.

Levitico 1:9

Ngem dagiti lalaemna ken sacsacana buggoannanto iti danum: ket ti padi puurannanto ida amin nga daton a mapuuran, iti rabaw ti altar, maysa a daton a naaramid iti apuy, a nabanglo a sayamusom ken Jehova.

Levitico 2:11

Saanto a nalevaduraan ti daton a bel-laay nga idatonyonto ken Jehova; ta dicayto puuran ti levadura wenno diro a daton a naaramid iti apuy ken Jehova.

Levitico 2:2

Ket ipannanto cadagiti papadi nga annac a lallaki ni Aaron; ket isu irakemnanto ti imana iti dadduma nga harinana a namayecmec, ken iti dadduma a lanana, agraman amin a inciensona; ket ti padi puurannanto iti altar a cas panglagip kencuana, maysa a daton a maaramid iti apuy, a nabanglo a sayamusom ken Jehova:

Levitico 3:5

Ket dagiti annac a lallaki ni Aaron puurandanto iti rabaw ti altar iti ngatoen ti mapuuran a daton, nga adda iti rabaw ti naisungrod iti apuy: isu ti maysa a daton a maaramid iti apuy, a nabanglo a sayamusom ken Jehova.

Levitico 4:31

Ket amin a tabana iccatennanto, cas pannacaiccat ti taba iti sacrificio dagiti datdaton a maipaay iti cappia; ket ti padi puurannanto iti rabaw ti altar, a nabanglo a sayamusom ken Jehova; ket ti padi aramidennanto a pacaabbonganna, ket mapacawanto.

Levitico 6:14

Ket daytoy ti alagaden iti daton a macan: dagiti annac a lallaki ni Aaron idatondanto iti saclang ni Jehova, iti sango ti altar.

Levitico 8:21

Ket binuggoanna iti danum dagiti lalaem ken dagiti sacsacana; ket ni Moises pinuuranna amin a bagi ti carnero iti rabaw ti altar; isu idi ti maysa a daton a mapuuran nga agservi a nabanglo a sayamusom: daytoy ti maysa a daton a naaramid iti apuy ken Jehova; cas imbilin ni Jehova ken Moises.

Numero 15:3

Ket mangaramidcayto iti maysa a daton iti apuy ken Jehova, maysa a daton a mapuuran, wenno maysa a sacrificio, a pagtungpal iti cari, wenno cas maysa a daton ti sibubulos a nakem, wenno cadagiti natudingan a fifiestayo, tapno maaramid ken Jehova ti maysa a nabanglo a sayamusom, pangen dagiti an-animal a dadackel, wenno arban dagiti an-animal a babassit:

Numero 15:4

Ti mangipaayto ngarud ti irucbabna, idatonna ken Jehova ti daton a macan nga apagcapulo ti maysa nga efa ti namayecmec nga harina a nagamayan iti apagcapat ti maysa nga hin a lana:

Numero 28:11

Ket cadagiti pangrugian dagiti bulbulanyo, mangidatagcayto iti maysa a daton a mapuuran ken Jehova; dua a bumbumaro a vaca, ken maysa a carnero a lalaki, pito a cordero a lallaki a maysa ti tawenda, nga awan ti pilawda;

Numero 28:8

Ket ti maysa a cordero idatonmonto iti sumipnget: cas iti daton a macan iti bigat, ken cas ti datonna a mainum, idatonmonto, a maysa a daton a maaramid iti apuy, a maysa a nabanglo a sayamusom ken Jehova.

Deuteronomio 12:27

Ket sica ipaaymonto dagiti datdatonmo a mapuuran, a ti lasag ken ti dara, iti rabaw ti altar ni Jehova a Diosmo: ket ti dara ti datonmo ibuyatmonto iti rabaw ti altar ni Jehova a Diosmo: ket canemto ti lasag.