Levitico 1:10 - Ti Biblia (1973)

¹⁰ Ket no ti idatonna aggapu iti pangen, cadagiti carcarnero, wenno cadagiti calcalding, a daton a mapuuran; iti lalaki nga awan pilawna ti idatonnanto.

Ti Baro a Naimbag a Damag Biblia

¹⁰ No karnero wenno kalding ti maidaton, masapul a kalakian ken awan depektona ti idatagna.

Levitico 1:10 Iomraidhean Croise

Genesis 4:4

Ket ni Abel, nangala met cadagiti inauna nga anac cadagiti pangenna ken dagiti nalucmeg. Ket ni Jehova pinatpategna ni Abel ken ti datonna.

Genesis 8:20

Ket nangbangon ni Noe ti maysa nga altar ken Jehova, ket nangala iti tunggal nadalus nga animal, ken tunggal nadalus a tumatayab, ket impaayna dagiti daton a mapuuran iti rabaw ti altar.

Exodo 12:5

Ti corderoyo awanto ti pacapilawanna, lalaki nga agtawen iti maysa: isu nga alaenyonto cadagiti carcarnero wenno cadagiti calcalding:

Ezekiel 43:22

Ket iti maicadua nga aldaw mangidatoncanto iti maysa a calding a lalaki nga awan ti pacapilawanna a maipaay a daton gapu iti basol; ket dalusandanto ti altar, cas ti panangdalusda iti pannacaaramat ti vaca.

Levitico 14:10

Ket itinto maicawalo nga aldaw mangalanto iti dua a cordero a lallaki nga awan pilawda, ken maysa a cordero a cabayan awan pilawna, nga agtawenen ken tallo a pagcasangapulo nga apag ti maysa nga efa ti namayecmec nga harina a maipaay a daton a macan a nalaocan iti lana, ken maysa a log ti lana.

Levitico 16:3

Cadagitoy sumrecto ni Aaron iti tugaw a nasantoan: agraman maysa a lalaki a vaca, nga idaton gapu iti basol, ken maysa a carnero a lalaki a daton a mapuuran.

Levitico 16:5

Ket mangalanto iti gimong dagiti annac ti Israel dagiti dua a calding a lallaki nga idaton gapu iti basol, ken maysa a carnero a lalaki a daton a mapuuran.

Levitico 22:19

Tapno maannugutancayo, idatonyo ti maysa a lalaki nga animal nga awan pilawna, cadagiti vacvaca, cadagiti carcarnero, wenno cadagiti calcalding.

Levitico 23:12

Ket iti aldaw a panangililiyo iti rineppet, mangipaaycayto ti maysa a cordero a lalaki nga awan pilawna, a maysa ti tawenna a maipaay a maysa a daton a mapuuran ken Jehova.

Levitico 3:1

Ket no ti idatonna maysa a sacrificio dagiti datdaton iti cappia; no mangidaton cadagiti vacvaca, uray calakian, uray cabayan, ti awan pilawna ti idatonnanto iti saclang ni Jehova.

Levitico 4:23

No ti babacna a nacabasolanna maipacaammo kencuana, yegnanto a datonna ti maysa a calding, a lalaki nga awan pilawna;

Levitico 4:3

No ti napulotan a padi macabasolto isu a pacairamananto ti ili, mangidaton ngarud gapu iti basolna nga inaramidna, iti maysa a bumaro a vaca nga awan pacapilawanna ken Jehova, a maipaay a daton gapu iti basol.

Levitico 5:15

No uray siasinoman mailaw-an a macasalungasing, ket macabasol a dina gagaraen cadagiti nasantoan a ramitramit ni Jehova; yegnanto ngarud ti idatonna gapu iti salungasing ken Jehova, ti maysa a lalaki a carnero nga awan pilawna, a mayannatup iti pamatgam iti pirac a siclo, a cas ti siclo ti santuario, nga agservi a daton gapu iti salungasing:

Levitico 9:2

Ket kinunana ken Aaron, Alaem ti maysa nga urbon cadagiti vacvaca a maipaay a daton gapu iti basol, ken ti maysa a carnero a lalaki a maipaay a daton a mapuuran, nga awan pacapilawanda, ket idatonmo ida iti saclang ni Jehova.

Malakias 1:14

Ngem mailunod ti mangallilaw nga addaan iti arbanna animal a calakian, ket agcari, ken mangidaton iti Apo iti addaan pacapilawan; ta siac dackelac nga Ari, cuna ni Jehova dagiti buybuyot, ket ti naganco nacakigkigtot iti nagtengngaan dagiti Gentiles.

Numero 15:5

Ket ti arac a daton nga inumen, nga apagcapat ti maysa nga hin, saganaemto agraman ti daton a mapuuran, wenno maipaay a sacrificio a cacuyog ti tunggal cordero.

Numero 19:2

Dagitoy isuda ti nagbilinan ti linteg nga imbilin ni Jehova a kinunana, Saoem cadagiti annac ti Israel a mangyegda kenca iti maysa nga urbon a vaca a nalabaga ket awan labangna, nga awan pamilawan kencuana, ken di pay naipacpaco iti sangol:

Numero 6:14

Ket idatagnanto ti datonna ken Jehova, maysa a cordero a lalaki a maysa ti tawenna, nga awan pilawna a maipaay a daton a mapuuran, ken maysa cabayan a cordero a maysa ti tawenna, nga awan pilawna a maipaay a daton gapu iti basol, ken maysa a lalaki a carnero nga awan pilawna, datdaton gapu iti cappia.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

1 Pedro 1:19

No di ket gapu iti napateg a dara, daydi dara ni Cristo a cas dara ti maysa a cordero nga awan ti pagdacsanna ken tulawna: