San Juan 9:8 - Ti Biblia (1973)

⁸ Dagiti carcarruba ngarud, ken dagiti nacakita idi damo kencuana a makilimlimos, kinunada: Saan a daytoy aya daydi agtugtugaw ken makilimlimos?

Ti Baro a Naimbag a Damag Biblia

⁸ Idi makita dagiti kaarrubana ken dagiti tattao a makaam-ammo kenkuana a maysa a makilimlimos idi, kinunada, “Saan kadi a daytoy ti tao a masansan nga agtugaw ditoy a makilimlimos?”

San Juan 9:8 Iomraidhean Croise

San Marcos 10:46

Idin dimtengda idiay Jerico: ket idi rimmuarda nanipud Jerico agraman dagiti adalanna ken ti umariwecwec a tattao, ti anac ni Timeo, ni Bartimeo, maysa nga agpalpalama a bulsec adda nga agtutugaw iti dinna ti dalan.

San Lucas 1:58

Ket nangngeg dagiti caarubana ken cacabagianna a ti Apo impakitana kencuana ti dackel nga asina, ket nakipagragsacda kencuana.

San Lucas 18:35

Ket naaramid nga idi umasideg idiay Jerico, maysa a bulsec agtutugaw iti dinna ti dalan nga agpalpalama:

San Juan 9:9

Dagiti dadduma kinunada: Isu daytoy, dagiti sabsabali kinunada: Saan, no di ket umasping kencuana. Isu kinunana: Siac.

Ruth 1:19

Iti casta isuda a dua napanda agingga ti dimtengda iti Belen. Ket naaramid, nga idi a nacadanonda iti Belen, nga amin ti ili nagderraaw a gapu cadacuada, ket dagiti babbai kinunada, Isu daytoy ni Noemi?

1 Samuel 2:8

Isu patacderenna ti napanglaw manipud iti tapoc, ket ingatona ti addaan pacasapulan manipud iti kinarugit, tapno pagtugawenna ida agraman cadagiti pangpangolo, ken agtawidda iti trono ti kinadayag: ta dagiti mommon ti daga cucua ida ni Jehova, ket insaadna ti lubong iti rabawda.

1 Samuel 21:11

Ket dagiti adipen ni Aquis kinunada kencuana, Saan aya a daytoy ni David nga ari ti daga? saanda aya nga incancanta idi kencuana ti maysa ken maysa cadagiti salsala, a kinuncunada, ni Saul pinatayna dagiti rinibribuna, ket ni David dagiti linaclacsana?