San Juan 9:5 - Ti Biblia (1973)

⁵ Bayat ti caaddac ditoy lubong, siac ti silaw ti lubong.

Ti Baro a Naimbag a Damag Biblia

⁵ Bayat ti kaaddak ditoy lubong, siak ti silaw ti lubong.”

San Juan 9:5 Iomraidhean Croise

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 4:16

Dagiti umili a nagtugaw cadagiti sipnget, Nacakitada ti dackel a lawag; Ket dagiti nagtugaw iti disso ken linong ni patay, Ti silaw linawaganna ida.

San Mateo 5:14

Dacayo ti silaw ti lobong: ti maysa nga ili a naisaad iti rabaw ti maysa a turod, saan a mabalin nga ilemmeng.

San Lucas 2:32

Maysa a silaw a manglawag cadagiti Gentil, Ken dayaw dagiti tattaom nga Israel;

San Juan 12:46

Siac immayac a silaw ditoy lubong tapno amin a mamati caniac, saanda nga agtaeng iti sipnget.

San Juan 8:12

Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

Dagiti Aramid 13:47

Ta casta ti imbilin cadacami ti Apo: Incabilca, Cristo, a maysa a silaw dagiti Gentil, tapno sica ti pacaisalacanan agingga iti ungto ti daga,

Dagiti Aramid 26:18

Tapno lucatam dagiti matada, tapno manipud cadagiti sipnget agsublida iti lawag, ket manipud iti pannacabalin ni Satanas agsublida iti Dios; tapno awatenda ti pannacaiccat dagiti basbasol, ken pannakipagtawid cadagiti mapagsanto gapu iti pammati caniac.

Dagiti Aramid 26:23

A ni Cristo masapul coma nga agtuoc ket isu coma ti umuna gapu iti panagungarna cadagiti natay, a mangipacaammo ti lawag iti umili ti Israel ken castamet cadagiti Gentil.

Taga-Efeso 5:14

Gapuna masasao: Agriingca, sica a matmaturog, ket bumangonca, iti nagtengngaan dagiti natay, ket lawagannacanto ni Cristo.

Paltiing 21:23

Ket ti ciudad awan ti pacasapulanna iti init wenno iti bulan, tapno silnaganda: ta ti dayag ti Dios isu ti nanglawag kencuana, ket ti pagsilawanna isu ti Cordero.