San Juan 9:4 - Ti Biblia (1973)

⁴ Rebbengtayo nga aramiden dagiti aramid ti nangibaon caniac bayat ti aldaw: ti rabii umay, inton awan ti macabalin nga agaramid.

Ti Baro a Naimbag a Damag Biblia

⁴ Masapul nga aramidentayo dagiti ipaaramid ti nangibaon kaniak ta aldaw pay. Dumteng ti rabii ket awan ti makatrabaho.

San Juan 9:4 Iomraidhean Croise

Eclesiastes 9:10

Ti aniaman a masaracan ta imam nga aramiden, isu ti aramidem iti cabaelam; ta awan ti aramid, wenno, wenno gacat, wenno pannacaammo, wenno sirib, idiay Tanem, a papanam.

San Mateo 20:7

Cunada kencuana: Agsipud ta awan ti nakitulag cadacami. Cunana cadacuada: Incayo met iti cauvasan.

San Marcos 3:3

Ket kinunana iti tao nga nagango ti maysa nga imana: Agtacderca iti tengnga.

San Juan 10:32

Simmungbat cadacuada ni Jesus: Adu dagiti naimbag nga aramid a naggapu ken Amac nga impakitac cadacayo: ania cadagita nga aramid ti pangbatoanyo caniac?

San Juan 10:37

No diac agaramid cadagiti aramid ni Amac, didac patien.

San Juan 12:35

Kinuna ngarud ni Jesus cadacuada: Agian pay iti bassit nga aldaw ti silaw cadacayo: magnacayo ita ta adda pay laeng ti silaw cadacayo tapno dinacay macamacam ti sipnget; ket ti magna iti sipnget saanna nga ammo no adino ti papananna.

San Juan 17:4

Siac indaydayawca ditoy daga: naturposco ti aramid nga intedmo nga aramidec.

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 5:19

Simmungbat ngarud ni Jesus ket kinunana cadacuada: Pudno, pudno cunac cadacayo: Ti Anac saanna a mabalinan ti agbucbucod nga agaramid iti uray ania no di ket ti makitana nga aramiden ti Ama, ta amin nga aramiden ti Ama dagitoy ti Anac aramidenna met a casta.

San Juan 5:36

Ngem adda dacdackel a pangpanecnecco ngem iti pangpanecnec ni Juan, ta dagiti aramid nga inted ni Ama caniac a leppasec, dagita met laeng nga aramid nga aramidec, panecnecanda ti maipapan caniac a ti Ama imbaonnac.

San Juan 7:33

Ni Jesus kinunana ngarud: Adda pay bassit a tiempo a makipagianac cadacayo, saacto mapan iti nangibaon caniac.

Dagiti Aramid 4:20

Ta dicam mabalin a di saoen ti nakita ken nangngegmi.

Taga-Galacia 6:10

Iti casta ngarud, no maaddaantayo ti gundaway, aramidentayo ti naimbag cadagiti amin a tattao, ket nangnangrona cadagiti cabbalay iti pammati.

Taga-Efeso 5:16

Nga cailalaanyo ti gundaway a panagaramid ti naimbag, ta dagiti al-aldaw dakesda.

Taga-Colosas 4:5

Magmagnacayo a nainsiriban iti imatang dagiti adda iti ruar, ket ilalaenyo ti tiempo.