San Juan 9:29 - Ti Biblia (1973)

²⁹ Ammomi a ti Dios nakisao ken Moises; ngem daytoy a tao dicam ammo no adino ti naggapuanna.

Ti Baro a Naimbag a Damag Biblia

²⁹ Ammomi a nagsao ti Dios ken ni Moises. Ngem no maipapan iti dayta a tao, dimi pay ammo ti naggapuanna!”

San Juan 9:29 Iomraidhean Croise

1 Ar-ari 22:27

Ket cunam, Castoy ti cuna ti ari, Icabilmo daytoy a tao iti pagbaludan, ket isu pacanem iti tinapay ti pammarigat ken danum iti pammarigat, agpapan yaayco a sitatalna.

2 Ar-ari 9:11

Idin ni Jehu rimmuar cadagiti ad-adipen ni apona: ket maysa ti nagcuna kencuana, Naimbag amin? Ania ti gapuna nga immay kenca daytoy mauyong a tao? Ket isu kinunana cadacuada, Dacayo ammoyo ti tao ken ti insaona.

Dagiti Salmo 103:7

Impacaammona dagiti dalanna ken Moises, dagiti ar-aramidna cadagiti annac ti Israel.

Dagiti Salmo 105:26

Imbaonna ni Moises nga adipenna, castamet ni Aaron a pinilina.

Dagiti Salmo 106:16

Nagimonda met ken Moises iti pacarso, ken ni Aaron a santo ni Jehova.

Dagiti Salmo 22:6

Ngem maysaac laeng nga igges, ket saanac a tao; maysa a nacababain cadagiti tattao ken carurod dagiti umili.

Malakias 4:4

Lagipenyo ti linteg ni Moises nga adipenco, nga imbilinco kencuana idiay Horeb nga agpaay iti amin nga Israel, linlinteg met laeng ken bilbilin.

Numero 16:28

Ket ni Moises kinunana, Gapu iti daytoy ammoenyo a ni Jehova imbaonnac a nangaramid cadagitoy a gapuanan; ta diac inaramid ida a nakemco laeng.

San Mateo 12:24

Ngem dagiti Fariseo, idi mangngegda daytoy, kinunada: Daytoy saanna a paruaren dagiti sairo, no di gapu ken Beelzebub, a pangulo dagiti sairo.

San Mateo 26:61

A nagcuna: Daytoy kinunana; Adda pannacabalinco a mangrebba iti Templo ti Dios, ken mangbangon manen kencuana iti tal-lo nga aldaw.

San Lucas 23:2

Ket rinugianda nga impulong a cuncunada: Daytoy nasaracanmi a daddadaelenna ti ilimi ket iparitna ti mangted ti buis ken Cesar ket cuncunana nga isu ni Cristo, nga Ari.

San Juan 1:17

Ta ti linteg naited gapu ken ni Moises; ti parabur ken ti kinapudno immayda gapu ken Jesu-Cristo.

San Juan 7:27

Ngem daytoy a tao, ammomi no adino ti naggapuanna: ngem ti Cristo, inton umay, awanto ti macaammo no adino ti paggapuanna.

San Juan 7:28

Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.

San Juan 8:14

Ni Jesus simmungbat ket kinunana cadacuada: Uray sacsiac ti maipapan caniac, pudno ti pangpanecnecco, ta ammoc no adino ti naggapuac ken no adino ti papanac; ngem dicay ammo no adino ti paggapuac ken no adino ti papanac.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.

San Juan 9:24

Inayabanda manen ngarud ti tao a bulsec idi, ket kinunada kencuana: Iccam ti pammadayaw iti Dios: ammomi a daytoy a tao managbasol.

San Juan 9:30

Simmungbat daydi tao, ket kinunana cadacuada: adtoy ti nacascasdaaw a banag, a dicay ammo no adino ti naggapuanna, ket idinto a linuctanna pay dagiti matac.

Dagiti Aramid 22:22

Ket dimngegda kencuana agingga itoy a sao: idin indackelda ti timecda a nagcuna. Iccatem ditoy daga ti castoy a tao, ta saan a maipaay nga agbiag.

Dagiti Aramid 26:22

Idi ngarud a naragpatco ti tulong ti Dios, agingga itoy nga aldaw sitatacderac a mangpanecnec cadagiti babassit ken dadackel, a diac sawen ti uray aniaman, no di laeng dagidi banag a dagidi mammadto ken ni Moises, insaoda a mapasamacto;

Dagiti Aramid 7:35

Daytoy met laeng Moises, isu a dida inawat a cunada: Asino ti nangicabil kenca a panguloen ken ocom? Isu ti imbaon ti Dios a cas panguloen ken mannubbot agraman tulong ti ima ti angel a nagparang kencuana idi zarza.

Deuteronomio 34:10

Ket nanipud idi awan timmaud a mammadto iti Israel, a capada ni Moises nga inam-ammo ni Jehova iti sangonsango,

Hebreo 1:1

Cadagiti ununana nga aldaw ti Dios nagsao cadagiti amma, iti nadumaduma a pannacaipaayna, ken cadagiti nadumaduma a pamay-an, babaen cadagiti mammadto,

Hebreo 1:2

Cadagitoy maud-udi nga aldaw, kinasaonatayo babaen iti Anacna; isu a tinudinganna nga agtawid cadagiti isu-amin nga adda, a gapu met kencuana inaramidna ti amin a lubong;