San Juan 9:24 - Ti Biblia (1973)

²⁴ Inayabanda manen ngarud ti tao a bulsec idi, ket kinunada kencuana: Iccam ti pammadayaw iti Dios: ammomi a daytoy a tao managbasol.

Ti Baro a Naimbag a Damag Biblia

²⁴ Inayabanda manen ti tao a nayanak a bulsek ket kinunada kenkuana, “Ikarim iti sangoanan ti Dios nga ibagam ti pudno! Ammomi a managbasol dayta a tao!”

San Juan 9:24 Iomraidhean Croise

ESDRAS 10:11

Gapuna ita agpudnocayo ken Jehova, a Dios dagidi ammayo, ket aramidenyo ti pacaay-ayoanna; ket suminacayo cadagiti tattao ti daga, ken cadagiti gangannaet a babbai.

Isaias 66:5

Denggenyo ti sao ni Jehova, dacayo nga agkintayeg iti saona: Dagiti cacabsatyo a gumura cadacayo, dagidiay mangipuruac cadacayo gapu iti naganco, kinunada, Madaydayaw coma ni Jehova, tapno makitami coma iti rag-oyo: ngem isuda mabainandanto.

San Marcos 15:27

Ket inlansada nga ingiddan kencuana dagiti dua a tulisan, daydi maysa iti macanawanna, ket daydi sabali iti macatigidna.

San Lucas 15:2

Ket agtantanabutob dagiti Fariseo ken dagiti escriba a cuncunada: Daytoy awatenna dagiti managbasol ket makipangan cadacuada.

San Lucas 19:7

Ket idi nakitada daytoy, nagtanabutobda amin a cuncunada: Napan nakidagus iti maysa a tao a managbasol.

San Lucas 7:39

Ngem idi nakita daytoy daydi Fariseo a nangawis kencuana, kinuncunana iti pununotna: Daytoy, no coma no mammadto, ammona coma no asino ken no ania a kita ti babai daytoy a mangsagid kencuana, ta isu managbasol.

San Juan 14:30

Diac makipagsaonton ti adu cadacayo: ta umay ti principe ti lubong; ket awan ti cucuana caniac;

San Juan 16:2

Paruarendacayto cadagiti sinagoga: Ngem umay pay ti horas a siasinoman a mamapatayto cadacayo, panunutennanto a mangidaton ti pagservina iti Dios.

San Juan 18:30

Simmungbatda ket kinunada kencuana: No daytoy a tao saan coma a managdacdakes saanmi coma nga inyawat kenca.

San Juan 19:6

Idi ngarud nakita dagiti panguloen dagiti papadi ken dagiti oficial, nagariwawada, a kinunada: Ilansam iti cruz, ilansam iti cruz! Cuna cadacuada ni Pilato: Isu alaenyo ket ilansayo iti cruz; ta diac macasarac kencuana ti panggapuan.

San Juan 5:23

Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

San Juan 8:46

Asino cadacayo ti mangbabalaw caniac iti basol? No saoec ti pudno, ania ti gapuna a didac patien?

San Juan 8:49

Simmungbat ni Jesus: Siac awan ti sairoc, no di ket padayawac ni Amac; ket dacayo ibabaindac.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.

San Juan 9:25

Isu simmungbat ngarud: No managbasol, diac ammo: maysa a banag ti ammoc, isu nga idinto a bulsecac idi, ita macakitaac.

Taga-Roma 8:3

Ta ti saan a mabalinan ti linteg, idinto a napacapuy gapu iti lasag, inaramid ti Dios, nga imbaonna ti Anacna a caasping ti lasag a managbasol ket gapu iti basol, impatayna ti dusa ti basol iti lasag:

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Josue 7:19

Ket ni Josue kinunana ken ni Acan, Anacco, Agdawatac kenca, itedmo ti pammadayaw ken Jehova, a Dios ti Israel, ket agpudnoca kencuana: ket palawagem caniac itatta no ania ti inaramidmo; dica ilibac caniac.

Paltiing 11:13

Ket idi nga horas immay ti maysa a dackel a gingined, ket natuang ti apagcapul-lo ti ciudad, ket natayda iti gingined dagiti pito ribo a tattao; ket dagidi natidda, nagbutengda, ket impaayda ti panagdaydayaw iti Dios ti langit.