San Juan 9:22 - Ti Biblia (1973)

²² Dagitoy kinuna dagiti dadackelna, ta cabutengda idi dagiti Judio: ta dagiti Judio nagnunumoandan a no adda mangipudno nga isu ti Cristo, maparuar iti sinagoga.

Ti Baro a Naimbag a Damag Biblia

²² Sinao dagiti nagannak daytoy agsipud ta mabutengda kadagiti papangulo a Judio a nanganamongen a mapagtalaw iti sinagoga ti siasinoman a mangibaga a mamati a ni Jesus isu ti Cristo.

San Juan 9:22 Iomraidhean Croise

Dagiti Proverbio 29:25

Ti panagbuteng iti tao mangyeg iti silo; ngem ti agcammatalec ken Jehova natalgedto.

Isaias 51:12

Siac, siac met laeng, daydiay mangliwliwa cadacayo: siasinoca, a mabutengca iti tao a matayto, ken iti anac ti tao a maaramidto a cas la root;

Isaias 51:7

Dumngegcayo caniac, dacayo a macaammo ti kinalinteg, dagiti tattao a ti pusoda adda ti lintegco; dicayo agbuteng iti panangumsi dagiti tattao, ket dicayo met agcullayaw cadagiti panaguyawda.

Isaias 57:11

Ket iti siasino ti nacapabutngam ken iti pagbutngam, tapno sica agulbodca, ket dinac linagip wenno dinac impapuso? diac aya nagtalna iti nabayag a pannawen, ket sica dica nagbuteng caniac?

San Lucas 6:22

Nagasatcayo inton guraendacayto dagiti tattao, ken inton pagtalawendacayto cadacuada, ket pagsasaoandacayo ket umsienda ti naganyo a cas la dakes gapu itoy Anak ti tao.

San Juan 1:19

Ket daytoy ti pangpanecnec ni Juan, idi nangibaon dagiti Judio cadagiti papadi ken Levita nanipud Jerusalem a mangintuud kencuana: Siasinoca?

San Juan 16:2

Paruarendacayto cadagiti sinagoga: Ngem umay pay ti horas a siasinoman a mamapatayto cadacayo, panunutennanto a mangidaton ti pagservina iti Dios.

San Juan 19:38

Idi nalpas dagitoy, ni Jose a taga Arimatea, nga adalan ni Jesus idi, ngem nalimed gapu iti butengna cadagiti Judio, dinawatna ken Pilato nga ipalubosna coma kencuana nga iccatenna ti bagi ni Jesus: ket impalubos ni Pilato. Napan ngarud, ket iniccatna ti bagi ni Jesus.

San Juan 20:19

Ket idi malemen iti daydi nga aldaw, ti umuna nga aldaw ti lawas, ken idi adda a sipupunit dagiti ruangan, iti daydi nacatiptiponan dagiti adalan gapu iti butengda cadagiti Judio, immay ni Jesus ket nagtacder iti tengnga ket cunana cadacuada: Talna coma cadacayo.

San Juan 7:13

Ngem awan ti nagsao a nalatac iti maipapan kencuana gapu ti butengda cadagiti Judio.

San Juan 9:18

Dagidi Judio ngarud saanda a namati iti maipapan kencuana, a bulsec idi damo ket nacakita, agingga idi naayabanda dagiti dadackel daydi immawat ti pannacakitana,

San Juan 9:21

Ngem dicam ammo no casano ti pannacakitana ita: ken no asino ti nanglucat cadagiti matana, dicam ammo: isu ti pagintuudanyo; nataenganen: isu agsaanto iti maipapan kencuana.

San Juan 9:34

Simmungbatda ket kinunada ken cuana: Naigamer iti basol ti pannacabukelmo, ket isuronacami? Ket pinaruarda.

San Juan 9:35

Nangngeg ni Jesus nga pinaruarda: ket idi nasaracanna, kinunana: Mamatica iti Anac ti Dios?

Dagiti Aramid 4:18

Ket idi nga inayabanda ida, imbilinda cadacuada nga iti uray aniaman dida agsao wenno manursuron iti nagan ni Jesus.

Dagiti Aramid 5:13

Ngem cadagiti sabsabali awan ti nacaitured a nakigimong cadacuada; nupay casta dagiti umili indaydayawda ida;

Dagiti Aramid 5:40

Ket isu inanamunganda: ket idi nga inayabanda dagiti apostol, iti calpasan ti pannacabaotda, imbilinda cadacuada a dida agsao iti nagan ni Jesus ket pinalubusanda ida.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.