San Juan 8:6 - Ti Biblia (1973)

⁶ Ngem daytoy kinunada a pangsuut kencuana, tapno adda pacabalinanda a mangidarum kencuana. Ngem ni Jesus nagdumog, ket pinagsuratna ti ramayna iti daga.

Ti Baro a Naimbag a Damag Biblia

⁶ Kinunada daytoy ta kayatda a maisao ni Jesus dagiti balikas a pangigapuanda a mangidarum kenkuana. Ngem nagrukob ni Jesus ket nagsurat iti daga babaen iti ramayna.

San Juan 8:6 Iomraidhean Croise

Genesis 49:9

Ni Juda isu urbon ti maysa a leon; Naggapu iti sinamsam immulica, anacco: Nagrucob, nagidda cas maysa a leon, Ken cas maysa a leon a babai; asino ti macariing kencuana?

Dagiti Salmo 39:1

Siac kinunac, Annadacto dagiti dalanco, tapno diac macabasol babaen itoy dilac: pacagatacto toy ngiwatco, bayat ti caadda ti nadangkes itoy sangoanac.

Dagiti Proverbio 26:17

Ti lumabas ket macapungtot iti ringgor nga awan bibiangna, cas itay mangtiliw iti aso a lapayagenna.

Eclesiastes 3:7

Pannawen ti panagpigis, ken pannawen ti panagdait; pannawen ti panagulimec, ken pannawen ti panagsao;

Jeremias 17:13

O Jehova, a namnama ti Israel, amin dagiti aglicud kenca maibabaindanto. Dagidiay sumina caniac maisuratdanto iti daga, agsipud ta naglicudanda ni Jehova, ti ubbug dagiti sibibiag a danum.

Daniel 5:5

Iti daydi met la nga horas, rimmuar dagiti ramay ti ima ti maysa a lalaki, ket nagsuratda iti batug ti candelero iti palitada ti diding ti palacio ti ari; ket ti ari nakitana ti paset ti ima a nagsurat.

Amos 5:10

Dagidiay guraenda ti mamagbaga iti ruangan, ket ti agsao cadacuada ti naincalintegan laisenda.

Amos 5:13

Gapuna ti manakem agulimecto iti casta a pannawen; ta dakes a pannawen.

Numero 14:22

Gapu ta amin dagidiay a tattao a nacakita iti dayagco, ken dagiti pagilasinac a gapuanac sadi Egipto ken iti let-ang, nupay casta sinuutdac cadagitoy naminsangapulo daras, ket dida impangag ti timecco.

San Mateo 10:16

Adtoy, siac ibaoncayo a cas la carnero iti tengnga dagiti lobo: naannadcayo ngarud a cas la cadagiti uleg ken nasingpetcayo a cas la cadagiti calapati.

San Mateo 15:23

Ngem isu saan a simmungbat kencuana ti uray maysa a sao. Ket immasideg dagidi addalanna ket dinawatda kencuana a cuncunada: pagawiddem, ta isu agic-ickis iti licudantayo.

San Mateo 16:1

Ket dagiti Fariseo ken dagiti Saduseo, immayda susuuten ket dinawatda kencuana nga ipakitaanna coma ida ti maysa a pagilasinan iti langit.

San Mateo 19:3

Ket dagiti Fariseo, immasidegda a mangsusuut kencuana, nga cuncunada: Maipalubos iti lalaki nga isinana ti asawana iti amin a gapu?

San Mateo 22:18

Ngem ni Jesus, nadlawna ti kinadakesda ket kinunana: Apayapay suutendac, managinsisingpet?

San Mateo 22:35

Ket ti maysa cadacuada, a manangipalawag iti linteg, nagimtuud ti maysa a saludsud a pangsusuutna kencuana.

San Mateo 26:63

Ngem ni Jesus saan a naguni. Idin daydi cangatoan a padi kinunana kencuana: Isapatam, gapu iti Dios a sibibiag, nga ibagam cadacami, no sica ti Cristo nga Anac ti Dios.

San Marcos 10:2

Ket dimteng dagiti dadduma a Fariseo, ket inintuudda kencuana, a susuuten: Maipalubos iti lalaki nga isinana ti asawana?

San Marcos 12:15

Mangtedcamto, wenno saan? Ngem isu, nailasinna ti panaginsisingpetda, ket kinunana cadacuada: Apayapay suutendac? ipakitaandac ti maysa a denario.

San Marcos 3:2

Ket isu sisiimenda, no paimbagenna iti aldaw a panaginana; tapno maipulongda.

San Marcos 8:11

Ket rimmuar dagiti Fariseo ket rinugianda ti nakisusic kencuana a dawatenda iti biangna ti maysa a pagilasianan nga aggapu sadi langit; a pangsuutda.

San Lucas 10:25

Ket adtoy, ti maysa a masirib iti linteg a timmacder ket sinuutna a kinuna: Mannursuro, anianto ti aramidec, tapno matawidco ti biag nga agnanayon?

San Lucas 11:16

Ket dagiti dadduma susuutenda, a dumawatda kencuana ti maysa a pagilasinan a nailangitan.

San Juan 8:2

Ket iti agsapa unay napan manen iti Templo, ket amin dagiti umili immayda kencuana; ket isu nagtugaw, ket insursurona ida.

1 Taga-Corinto 10:9

Ditay met ruroden ti Apo, cas inaramid dagiti dadduma cadacuada, ket natayda gapu cadagiti ululeg.