San Juan 8:44 - Ti Biblia (1973)

⁴⁴ Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

Ti Baro a Naimbag a Damag Biblia

⁴⁴ Annaknakayo ti Diablo nga amayo, ket kayatyo a tungpalen ti pagayatanna. Mammapatayen manipud idi damo ket pulos a dina kanunongan ti pudno, ta awan kenkuana ti pudno. No agulbod, ar-aramidenna laeng ti natural kenkuana ta sigud nga ulbod ken ama ti amin a kinaulbod.

San Juan 8:44 Iomraidhean Croise

Genesis 3:15

Ket Siac pagginnuraencayto iti babai, ken ti caputotam ken ti caputotanna: daytoy sugatennanto ta olom, ket sica sugatemto ti mucodna.

1 Ar-ari 22:22

Ket ni Jehova kinunana kencuana, Iti ania? Ket isu simmungbat, siac rumuaracto, ket agbalinacto a maysa a naulbod nga espiritu iti ngiwat ti amin dagiti mammadtona. Ket isu kinunana, Sica isu allilawem, ket isu aladagam met: rumuarca, ket aramidem ti casta.

1 Cronicas 21:1

Ket ni Satanas timmacder a maibusor iti Israel, ket tinignayna ni David a mangbilang iti Israel.

Ti Libro ni Job 1:11

Ngem yunnatmo ta imam ita, ket sagidem amin nga adda kencuana, ket tallicudannacanto nga iparupa.

San Mateo 12:34

Dacayo caputotan dagiti carasaen. Casano ti pannacabalinyo nga agsao cadagiti banag a naimbag, idinto a dakescayo? Ta ti naruay iti puso isu ti saoen ti ngiwat.

San Mateo 13:15

Ta ti puso daytoy nga umili nabibineg; Ket cadagiti pagdengngegda, napatuleng, Ket inkiremda dagiti matada: Di la ket ta macakitada cadagiti matada, Ken macangngeg cadagiti lapayagda, Ken macaawat cadagiti pusoda, Ken agbabawida Ket siac paimbagec ida.

San Mateo 13:38

Ket ti talon isu ti lubong; ket dagiti nasayaat a bukel isuda dagiti annac ti pagarian, dagiti zizana isuda dagiti ti annac ti dakes;

San Juan 6:70

Ni Jesus simmungbat kencuana: Dicay aya pinili a sangapulo ket dua, ket maysa cadacayo isu diablo?

San Juan 7:17

No adda agpanggep nga agaramid ti pagayatanna, maammoannanto ti maipapan iti isursuroc, no aggapu iti Dios, wenno no agsaoac a sisiac.

San Juan 8:38

Siac saoec dagiti nakitami ken Ama, ket dacayo met aramidenyo dagiti nangngegyo ken amayo.

San Juan 8:41

Dacayo aramidenyo dagiti ar-aramid ni amayo. Kinunada kencuana: Dacami saancam a nayanac iti pannakicamalala; adda maymaysa nga amami, nga isu ti Dios.

San Juan 8:55

Ket isu dicay naammoan; ngem siac ammoc: ket no cunac coma nga diac ammo, caslaacto coma cadacayo, a naulbod: ngem isu ammoc, ket salimetmetac ti saona.

Dagiti Aramid 13:10

Ket kinunana: O napno ti amin nga ulbod ken amin a kinadakes, anac ti sairo, cabusor ti amin a kinalinteg, dicanto umingga a mangilkilo cadagiti nalinteg a dalan ti Apo?

Dagiti Aramid 24:9

Ket dagidi Judio nakitimpuyogda a nangipanecnec a dagitoy a banag, pudnoda.

Dagiti Aramid 5:3

Ngem kinuna ni Pedro: Ananias, apayapay pinunno ni Satanas ta pusom a mangulbod iti Espiritu Santo ken mangitidda ti naglacoan ti talon?

2 Taga-Corinto 11:3

Ngem maamacac, di la ket ta cas iti panangulbod daydi uleg ken Eva iti kinasicapna, casta met dagiti panunotyo madadaelda, ken maisinada iti nadalus a singgalut a maipaay ken Cristo.

1 Pedro 5:8

Agparbengcayo, agsalucagcayo; ti diablo a cabusoryo, cas la leon a ngumerngernger, magmagna iti sibayyo nga agsapsapul ti alun-unenna.

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

1 Juan 1:8

No cunaentayo nga awan ti basoltayo, allilawentayo ti bagitayo met laeng, ket ti pudno awan cadatayo.

1 Juan 2:21

Saanac a nagsurat cadacayo gapu ta dicay ammo ti pudno, no di ket gapu ta ammoyo, ken gapu ta awan ti ulbod nga agtaud iti pudno.

1 Juan 2:4

Ti agcuna nga: Isu ammoc, ket dina met tungpalen dagiti bilbilinna, isu ti naulbod ket awan ti pudno kencuana:

1 Juan 3:12

Saan a cas ken ni Cain nga iturayan ti dakes ket pinatayna ni cabsatna. Ket ania ti gapu a pinatayna? Agsipud ta dagidi ar-aramidna dakesda, ket dagiti ar-aramid ni cabsatna nalintegda.

1 Juan 3:15

Siasinoman a gumura ken cabsatna mangpapatay ket ammoyo nga awan ti manangpapatay nga adda biagna nga agnanayon, nga agtaeng kencuana.

San Judas 1:6

Ket dagiti angel a saanda a tinaginayon daydi nacaicasigudanda a casasaad, no di ket pinanawanda daydi umisu a pagyananda, incabilna ida cadagiti agnanayon a pannacabalud, iti yan ti sipnget, agingga iti panangocom ti naindaclan nga aldaw.

Paltiing 12:9

Ket naigarangogong daydi dackel a dragon, daydi uleg a cadaanan nga isu ti managan ti Diablo ken Satanas, isu a mangallilaw iti isu-amin a lubong; naitapuac itoy daga, ket dagidi angelna naitapuacda a naicanunong kencuana.

Paltiing 13:14

Ket allilawenna dagiti agnaed iti rabaw ti daga, gapu cadagiti pagilasinan a naited kencuana nga aramiden, iti imatang daydi animal, a cuncunana cadagiti agnaed iti rabaw ti daga, a mangaramidda coma iti maysa a ladawan di animal a nasugatan iti campilan, ket nagbiag.

Paltiing 2:10

Dica cabuteng dagiti banbanag nga inca lac-amen: Adtoy, ti diablo mapanna ipisoc iti pagbaludan dagiti dadduma cadacayo, tapno masuutcayo; ket addanto rigatyo bayat ti sangapulo nga aldaw. Agtalgedca agingga ken patay, ket itdecto kenca ti balangat ti biag.

Paltiing 21:8

Ngem no maipapan cadagiti natacrut, ken cadagiti di mammati, ken dagiti nasabrac, ken dagiti nacapapatay, ken dagiti mannakicamalala, ken dagiti managanito, ken dagiti agrucbab cadagiti didiosen, ken dagiti isu-amin nga agululbod ti bingayda addanto idiay danaw a sumsumged ti apuy ken azufre: daytoy ti ipapatay a maicadua.

Paltiing 22:15

Idiay ruar addada dagiti asaso, ken dagiti managanito, ken dagiti mannakicamalala, ken dagiti nacapapatay, ken dagiti agrucbab cadagiti didiosen, ken tunggal maysa nga agayat ken agaramid iti ulbod.

Paltiing 9:11

Ket adda a pannacaarida daydi angel ti mangliwengliweng: ti naganna iti pagsasao nga hebreo, isu ti Abaddon ket iti griego managan Apolyon.