San Juan 8:42 - Ti Biblia (1973)

⁴² Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

Ti Baro a Naimbag a Damag Biblia

⁴² “No agpayso met laeng nga amayo ti Dios,” kinuna ni Jesus, “ayatendak met koma; ta naggapuak iti Dios, ket ita, addaak ditoyen. Diak immay a naknakemko, no di ket imbaonnak ti Dios.

San Juan 8:42 Iomraidhean Croise

Malakias 1:6

Ti anac a lalaki dayawenna ni amana, ket ti adipen iti apona: no siac ngarud ti ama, sadino ti yan ti pannacadayawco? ket no siac ti apo, sadino ti yan ti panagbuteng caniac? cuna ni Jehova dagiti buybuyot cadacayo, O papadi, a manglalais iti naganco, ket dacayo cunaenyo, Iti ania ti nanglaisanmi iti naganmo?

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 12:49

Ta saanac a nagsao a sisiac; no di ni Ama a nangibaon caniac, isu imbilinna caniac, no ania ti ibagac ken saoec.

San Juan 13:3

Idinto nga ammo ni Jesus a ti Ama intedna kencuana dagiti amin a banag cadagiti imimana ken naggapu iti Dios ket mapan iti Dios.

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 16:30

Ita maawatanmi nga ammom dagiti isu-amin, ket di masapul ti siasinoman ti agintuud kenca: daytoy ti pamatianmi a naggapuca iti Dios.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 17:8

Ta dagiti sao nga intedmo caniac, intedco cadacuada; ket inawatda, ket naammoanda a pudno a naggapuac kenca ket pinatida a sica imbaonnac.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 5:23

Tapno dagiti isu-amin padayawanda ti Anac a cas met iti panangpadayawda iti Ama. Ti saan a mangpadayaw iti Anac, saanna a padayawan ti Ama a nangibaon kencuana.

San Juan 5:43

Immayac iti nagan ti Amac ket saandac nga awaten: no sabali ti umay coma iti naganna met laeng, isu awatenyonto.

San Juan 8:14

Ni Jesus simmungbat ket kinunana cadacuada: Uray sacsiac ti maipapan caniac, pudno ti pangpanecnecco, ta ammoc no adino ti naggapuac ken no adino ti papanac; ngem dicay ammo no adino ti paggapuac ken no adino ti papanac.

1 Taga-Corinto 16:22

No adda di agayat ken Apo Jesu-Cristo, mapagtalaw coma. Ti Apo umay coma.

Taga-Galacia 4:4

Ngem idi nadanunan ti aldaw, ti Dios imbaonna ti Anacna, a nayanac iti babai, nayanac iti babaen ti linteg,

1 Juan 4:14

Ket dacami nakitami ket sacsianmi a ti Ama imbaonna ti Anac a Manangisalacan iti lubong.

1 Juan 5:20

Ket ammotayo a ti Anac ti Dios immay, ket iniccannatay ti pannacaawat, tapno mabigbigtayo daydiay a napudno; ket datayo agtaengtayo iti daydiay a napudno nga isu ni Anacna a Jesu-Cristo. Daytoy isu ti pudno a Dios ken ti biag nga agnanayon.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.