San Juan 8:31 - Ti Biblia (1973)

³¹ Kinuna ngarud ni Jesus cadagiti Judio a namati kencuana: No agtalinaedcayo coma iti saoc, pudno a dacayto ti adalac;

Ti Baro a Naimbag a Damag Biblia

³¹ Kinuna ngarud ni Jesus kadagiti Judio a namati kenkuana, “No agtalinaedkayo iti pannursurok, dakayo dagiti napaypayso nga adalak.

San Juan 8:31 Iomraidhean Croise

San Mateo 24:13

Ngem ti agtalinaed agingga iti panungpalan maisalacanto.

San Juan 1:47

Ni Jesus nakitana nga agturong kencuana ni Natanael, ket kinunana iti maipapan kencuana: Adtoy ti maysa a napudno nga Israelita, a kencuana awan ti ulbod!

San Juan 2:2

Ket naawis met ni Jesus ken dagiti adalanna idi pagbodaan.

San Juan 6:55

Ta ti lasagco pudno a pagtaraon, ket ti darac pudno nga inumen.

San Juan 8:36

No ngarud ti Anac luc-atannacayo, pudno nga agwayawayacayto.

Dagiti Aramid 13:43

Ket idi a nagsisina ti gimung, adu cadagidi Judio ken dagidi nasingpet a napasurot, simmurotda cada Pablo ken Bernabe; isuda a nakisao cadacuada ket binagbagaanda ida nga agtaengda iti parabur ti Dios.

Dagiti Aramid 14:22

A pinatibkerda dagiti cararua dagiti adalan, a binagbagaanda ida nga agtalinaedda iti pammati, ket kinunada a masapul a lasatentayo dagiti adu a rigrigat iti iseserrectayo iti pagarian ti Dios.

Dagiti Aramid 26:22

Idi ngarud a naragpatco ti tulong ti Dios, agingga itoy nga aldaw sitatacderac a mangpanecnec cadagiti babassit ken dadackel, a diac sawen ti uray aniaman, no di laeng dagidi banag a dagidi mammadto ken ni Moises, insaoda a mapasamacto;

Taga-Roma 11:22

Kitaem ngarud ti kinaimbag ken kinainget ti Dios: kinainget cadagiti naiculbo; ngem kenca kinaimbag ti Dios, no agtalinaedca iti kinaimbagna; ket no saan, maputedcanto met.

Taga-Roma 2:7

Cadagiti agtalinaed iti panagaramid ti naimbag a sapsapulenda ti gloria, ti dayaw ken ti saan nga ipapatay; ti biag nga agnanayon:

Taga-Colosas 1:23

No, pudno nga agtalinaedcayo iti pammati, naipasdec ken natibker, ket dicay pacuti iti pananginanama iti evangelio a nangngegyo, a naicascasaba iti amin a parsua iti baba ti langit; a gapu kencuana nagbalinac a ministro, siac ni Pablo.

1 Timoteo 2:15

Nupay casta, isu maisalacanto iti panagpasngayna cadagiti annac, no agtalinaed iti pammati ken ayat ken kinadalus, ken kinanacman.

1 Timoteo 4:16

Saluadam ti bagim ken ti isursurom; agtalinaedca cadagitoy a banag; ta no aramiden daytoy, isalacanmonto ti bagim met laeng ken dagiti met dumngeg kenca.

2 Timoteo 3:14

Ngem sica agtalinaedca cadagiti banbanag a sinursurom, ken pinatalgedam, nga ammom no siasino ti nangadalam cadacuada;

Hebreo 3:14

Ta naaramidtayo a mairaman ken Cristo, no taginayonentayo a sititibker ti pamunganayan ti panagtalectayo agingga iti panungpalan:

Hebreo 8:9

Saan a cas iti tulag nga inaramidco cadagidi ammada Idi aldaw a panangibinco cadacuada, tapno iruarco ida idiay daga ti Egipto: Ket gapu ta saanda a nagtalinaed iti tulagco, Binaybay-ac ida, cuna ti Apo.

Santiago 1:25

Ngem ti mangsukimat iti linteg a naananay nga isu ti linteg ti wayawaya, ket pagtalinaedanna ket saan a managdengngeg a macalipat, no di ket managaramid iti aramid, daytoy a tao nagasatto cadagiti ar-aramidna.

1 Juan 2:19

Rimmuarda cadatayo, ngem ditay ida caddua; ta no cadduatay coma ida, nakipagtaengda coma cadatayo; ngem tapno iparangarangda a saan nga isuda amin, cadcaduatay ida.

1 Juan 2:24

No maipapan cadacayo, mataginayon coma cadacayo ti nangngegyo nanipud idi damo. No mataginayon cadacayo daydi nangngegyo nanipud idi punganay, agtalinaedcayto met iti Anac ken iti Ama.

2 Juan 1:9

Siasinoman a gumundaway ket saan nga agtalinaed iti sursuro ni Cristo, awan ti Dios kencuana: ti agtalinaed iti sursuro, isu met laeng adda kencuana ti Ama ken ti Anac.

1 Samuel 12:14

No agbutengcayonto ken Jehova, ken agservicayonto kencuana, ken ipangagyonto kencuana, ken ipangagyonto ti timecna, ket dicayo sumungit a maicaniwas iti bilin ni Jehova, ket dacayo ken castamet ti ari nga agari cadacayo padapadacayo a sumurot ken Jehova a Diosyo, naimbag: