San Juan 8:3 - Ti Biblia (1973)

³ Ket dagiti escriba ken Fariseo iyegda ti maysa a babai a nasaracanda iti pannakiabig iti dina asawa: ket idi incabilda iti tengnga.

Ti Baro a Naimbag a Damag Biblia

³ Inyeg dagiti mamaestro iti Linteg ken dagiti Fariseo ti maysa a babai a natiliwanda a makikamkamalala. Pinagtakderda iti sangoananda amin.

San Juan 8:3 Iomraidhean Croise

Ezekiel 16:38

Ket ocomencanto, cas iti pannacaocom dagiti babbai a makiabig iti dida asawa ken mangibuyat iti dara; ket yegconto kenca ti dara ti pungtot ken panangimon.

Ezekiel 23:45

Ket dagiti nalinteg a lallaki, ocomendanto ida iti pannacaocom dagiti babbai a mannakicamalala, ken iti pannacaocom dagiti babbai a nagibuyat iti dara; agsipud ta mannakicamalalada a babbai, ken ti dara adda cadagiti im-imada.

Numero 15:33

Ket dagiti nacasarac kencuana nga agur-urnong iti sungsungrod inyegda cada Moises ken Aaron, ken iti amin a gimong,

San Mateo 2:4

Ket idi nga inurnongna amin a panguloen dagiti sacerdote ken dagiti escriba ti umili, inintuudna no sadino ngata ti pacayanacan ti Cristo.

San Juan 8:2

Ket iti agsapa unay napan manen iti Templo, ket amin dagiti umili immayda kencuana; ket isu nagtugaw, ket insursurona ida.

San Juan 8:4

Cunada kencuana: Mannursuro, daytoy a babai natiliw itay madama a makiabig iti dina asawa.

San Juan 8:9

Ket isuda, idi mangngegda daytoy, rimmuarda a nasaggaysa, manipud cadagiti calacayan agingga cadagiti naudi: ket napanawan a maymaysa ni Jesus, ken daydi babai nga adda iti tengnga.

San Juan 9:13

Impanda cadagiti Fariseo daydi nga bulsec idi.

Dagiti Aramid 4:7

Ket idi nga incabilda ida iti tengnga, inintuudda cadacuada: Ania a pannacabalin, wenno asino ti akinnagan ti pinangaramidyo iti daytoy?

Taga-Roma 7:3

Ngarud, no sibibiag pay ti asawa a lalaki, ket ti babai makitipon iti sabali a lalaki, managanto iti makicamcamalala a babai; ngem no ti asawana matay, uray makiasawa iti sabali a lalaki saan a makicamcamalala ta nawayaanen iti linteg.