San Juan 8:29 - Ti Biblia (1973)

²⁹ Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

Ti Baro a Naimbag a Damag Biblia

²⁹ Kaduak ti nangibaon kaniak. Saannak a binaybay-an nga agmaymaysa, agsipud ta kanayon nga aramidek ti makaparagsak kenkuana.”

San Juan 8:29 Iomraidhean Croise

Isaias 42:1

Adtoy, ti adipenco, isu a salacnibac; ti pinilic, a pagayayatan toy cararuac: incabilco ti Espirituc kencuana; isu yegnanto ti kinalinteg cadagiti Gentiles.

Isaias 42:21

Isu ti macaay-ayo ken ni Jehova, gapu iti kinalintegna, a pamadackel iti linteg, ken padayawenna.

Isaias 42:6

Siac, ni Jehova, inayabanca iti kinalinteg, ken petpetacto ta imam, ken aywanancanto, ken itedcanto a maipaay a maysa a tulag cadagiti tattao, maipaay a maysa a silaw dagiti Gentil;

San Mateo 17:5

Idi agsasao pay laeng, adtoy, ti maysa nga ulep a naraniag a lininunganna ida; ket adtoy ti maysa a timec iti ulep a kinunana: Daytoy isu ti Anacco a dungdungoec, isu a pacaayaywac: isu ti denggenyo.

San Mateo 3:15

Ngem idi simmungbat ni Jesus, kinunana kencuana: Anamungam ita; ta casta ti maipaay cadatayo a panangtungpal ti amin a kinalinteg. Idin inanamunganna.

San Mateo 3:17

Ket adtoy ti maysa a timec a nanipud cadagiti langlangit a cuncunana: Daytoy ti Anacco a dungdungngoec, Isu a pacapnecac unay kencuana.

San Juan 14:31

Ngem tapno mailasin ti lubong nga ayatec ni Ama ken no casano ti panangited ni Ama iti bilin caniac casta ti aramidec, Tumacdercayo, pumanawtay ditoy.

San Juan 15:10

No tungpalenyo dagiti bilbilinco, agtaengcayto iti ayatco; cas la iti panagtungpalco cadagiti bilbilin ni Amac, ket agtaengac iti ayatna.

San Juan 16:32

Adtoy, umay ti horas, ket dimtengen a maiwarawaracayto ket tunggal maysa mapanto iti dissona, ket baybayandacto a maymaysa: ngem saanac nga agmaymaysa, ta ni Ama adda caniac.

San Juan 17:4

Siac indaydayawca ditoy daga: naturposco ti aramid nga intedmo nga aramidec.

San Juan 4:34

Ni Jesus cunana cadacuada: Ti taraonco isu ti panangaramidco iti pagayatan ti nangibaon caniac, ken panangturpos ti aramidna.

San Juan 5:30

Awan ti pannacabalinco nga agaramid a sisiac iti uray ania; cas iti mangngegco, mangocomac, ket ti panangocomco nalinteg, ta diac sapulen ti nakemco, no di ket ti nakem ti nangibaon caniac.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

San Juan 8:16

Ket uray no mangocomac ti panangipatoc pudno, ta saanac a maymaysa, no di ket siac ken ti Ama a nangibaon caniac.

2 Timoteo 4:17

Ngem ti Apo kimmappon caniac ket pinapigsanac, tapno gapu caniac ti paibaga maananay coma ti pannacaipadamagna, ken tapno denggen idi dagiti isu-amin a Gentil: ket siac naluc-atanac iti ngiwat ti leon.

2 Timoteo 4:22

Ti Apo ti cumuyog coma iti espiritum. Parabur coma ti adda kenca.

Hebreo 4:15

Ta awan cadatayo ti maysa a cangatoan a padi a di macabalin a mangricna cadagiti kinalap-ittayo, no di ti maysa a nasulisog iti isu-amin, a cas cadatayo ngem saan a nagbasol.

Hebreo 7:26

Ta castoy ti cangatoan a padi a naipaay cadatayo; Santo, awan basolna, di natulawan, adayu cadagiti managbasol, ket naaramid a nangatngato ngem cadagiti langlangit;

1 Juan 2:1

Annacco a dongdongoec, isuratco cadacayo dagitoy a banbanag tapno dicay coma agbasol. Ket no addanto siasinoman a macabasol, addaantayo ti Manangibabaet iti Ama, nga isu ni Jesu-Cristo a nalinteg:

1 Juan 3:22

Ket isu-amin a dawatentayo, awatentayo kencuana; ta salimetmetantayo dagiti bilbilinna, ket aramidentayo dagiti banbanag a macaayayo cadagiti matana.