San Juan 8:16 - Ti Biblia (1973)

¹⁶ Ket uray no mangocomac ti panangipatoc pudno, ta saanac a maymaysa, no di ket siac ken ti Ama a nangibaon caniac.

Ti Baro a Naimbag a Damag Biblia

¹⁶ Ngem no mangukomak, umno ti panangukomko, ta saan a sisiak ti mangukom no di ket kaduak pay ti Ama a nangibaon kaniak.

San Juan 8:16 Iomraidhean Croise

Dagiti Salmo 98:9

Iti sangoanan ni Jehova; ta unay a mangocom itoy daga: ocomennanto a sililinteg toy lubong, ken sicacanatad dagiti inilin-ili.

Dagiti Salmo 99:4

Ti bileg ti ari pagayatanna met ti kinajusticia; sica ipasdecmo ti kinacanatad; sica salimetmetam ti kinajusticia ken kinalinteg iti sacup ni Jacob.

Isaias 9:7

Ti idadackel ti panangiturayna ken ti cappia awanto ti inggana, iti trono ni David, ken iti pagarianna, tapno bangonenna, ken salimetmetanna babaen iti kinajusticia ken kinalinteg manipud ita ken iti agnanayon. Ti regta ni Jehova dagiti buybuyot ti mangaramidto iti daytoy.

Zacarias 9:9

Agragsacca la unay, O babai nga anac ti Sion; dumir-ica, O anac a babai ti Jerusalem: adtoy; ti arim umay kenca; isu nalinteg, ken addaan panangisalacan; napacumbaba, ket agsakay iti maysa nga asno, iti rabaw met laeng ti maysa nga urbon ti asna.

San Juan 16:32

Adtoy, umay ti horas, ket dimtengen a maiwarawaracayto ket tunggal maysa mapanto iti dissona, ket baybayandacto a maymaysa: ngem saanac nga agmaymaysa, ta ni Ama adda caniac.

San Juan 8:29

Ket ti nangibaon caniac adda caniac, saannac a binaybay-an a maymaysa, ta siac agnanayon nga aramidec dagiti macaay-ayo kencuana.

Dagiti Aramid 17:31

Agsipud ta intudingna ti maysa nga aldaw, a panangocomnanto a sililinteg iti lubong gapu iti daydiay lalaki a tinudinganna, a pinanecnecanna cadagiti isu-amin, nga pinagungarna iti tengnga dagiti natay.

Paltiing 19:11

Ket nakitac ti langit a silulucat; ket adtoy ti maysa a cabayo a puraw, ket daydi nagsacay kencuana, managan idi ti Matalec ken Napudno; ket maipuon iti kinalinteg mangocom ken agaramid iti gubat.

1 Samuel 16:7

Ngem ni Jehova kinunana ken Samuel, Dica kitaen ti langana, wenno iti cangato ti kinatayagna: agsipud ta isu saanco nga awaten; ta ni Jehova saan a cumita a cas iti ikikita ti tao; ta ti tao kitaenna iti akinruar a panagparang, ngem ni Jehova kitaenna ti puso.