San Juan 8:12 - Ti Biblia (1973)

¹² Ni Jesus kinasaona manen ngarud idan, a cuncunana: Siac ti silaw ti lubong; ti sumurot caniac, saanto a magna iti sipnget; no di ket addanto kencuana ti silaw ti biag.

Ti Baro a Naimbag a Damag Biblia

¹² Nagsao manen ni Jesus kadagiti Fariseo, “Siak ti silaw ti lubong,” kinunana. “Siasinoman a sumurot kaniak maaddaan iti silaw ti biag, ket dinto magna iti kasipngetan.”

San Juan 8:12 Iomraidhean Croise

Ti Libro ni Job 33:28

Isu sinubbotna ti cararuac iti iseserrec iti dariwangwang, ket ti biagco kitaennanto ti lawag.

Dagiti Salmo 18:28

Ta gangatamto ti pagsilawac: Ni Jehova a Diosco parangrangennanto ti kinasipngetco.

Dagiti Salmo 49:19

Mapanto laeng iti caputotan dagiti dadackelna; didanto makita uray caano man ti lawag.

Dagiti Salmo 97:11

Ti silaw naimula a maipaay cadagiti sililinteg, ket ti kinaragsac cadagiti nalinteg iti puso.

Isaias 49:6

Wen, isu cunana, Bassit unay a banag ti panagbalinmo nga adipenco a mamangon cadagiti caputotan ni Jacob, ken mangisubli iti naigaga ti Israel: Itedcanto met a silaw cadagiti Gentil, tapno macapagbalinca a pangisalacanco agingga iti ungto ti daga.

Isaias 50:10

Asino ti adda cadacayo, nga agbuteng ken ni Jehova, nga agtulnog iti timec ti adipenna? dayta magmagna iti kinasipnget, ken awan ti silawna, agtalec coma iti nagan ni Jehova, ken agsanggir iti Diosna.

Isaias 9:2

Ti umili a nagnagna iti casipngetan nacakita iti maysa a dackel a lawag; dagiti nagtaeng iti daga ti aniniwan ni patay, naglawag ti silaw cadacuada.

Oseas 6:3

Ammoentayo coma ket sumurottayto coma a mangammo ken ni Jehova: ti iruruarna di-bumurong a cas iti bigat; ket isu umayto cadatayo a cas iti tudo, a cas iti maududi a tudo a sibuganna ti daga.

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 5:14

Dacayo ti silaw ti lobong: ti maysa nga ili a naisaad iti rabaw ti maysa a turod, saan a mabalin nga ilemmeng.

San Lucas 2:32

Maysa a silaw a manglawag cadagiti Gentil, Ken dayaw dagiti tattaom nga Israel;

San Juan 12:35

Kinuna ngarud ni Jesus cadacuada: Agian pay iti bassit nga aldaw ti silaw cadacayo: magnacayo ita ta adda pay laeng ti silaw cadacayo tapno dinacay macamacam ti sipnget; ket ti magna iti sipnget saanna nga ammo no adino ti papananna.

San Juan 12:36

Ita ta adda pay laeng ti silaw cadacayo, mamaticayo iti silaw, tapno agbalincayo nga annac ti lawag. Dagitoy sinao ni Jesus, ket pimmanaw ket inlemmenganna ida.

San Juan 12:46

Siac immayac a silaw ditoy lubong tapno amin a mamati caniac, saanda nga agtaeng iti sipnget.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 3:19

Ket daytoy ti pacaocoman, ta ti silaw immay iti lubong, ket dagiti tao inayatda ti sipnget a nangnangrona ngem iti lawag; ta dakes idi dagiti aramidda.

San Juan 7:17

No adda agpanggep nga agaramid ti pagayatanna, maammoannanto ti maipapan iti isursuroc, no aggapu iti Dios, wenno no agsaoac a sisiac.

San Juan 9:5

Bayat ti caaddac ditoy lubong, siac ti silaw ti lubong.

Dagiti Aramid 13:47

Ta casta ti imbilin cadacami ti Apo: Incabilca, Cristo, a maysa a silaw dagiti Gentil, tapno sica ti pacaisalacanan agingga iti ungto ti daga,

Dagiti Aramid 26:23

A ni Cristo masapul coma nga agtuoc ket isu coma ti umuna gapu iti panagungarna cadagiti natay, a mangipacaammo ti lawag iti umili ti Israel ken castamet cadagiti Gentil.

2 Pedro 2:17

Dagitoy ububbogda nga awanan danum, ululep nga itayab ti maysa a bagio; cadacuada maisagana ti kinangisit dagiti sipnget.

2 Pedro 2:4

Ta no ti Dios saanna a pinacawan dagiti angel idi nagbasolda: no di ket ingarangogongna ida idiay infierno ket, impupocna ida cadagiti mangliwengliweng a sipnget, a maaywananda tapno maocomdanto;

1 Juan 1:6

No cunaentayo nga adda pannakicadcadduatayo kencuana ket magnatayo iti kinasipnget, agulbodtayo, ket saantayo nga aramiden ti pudno:

San Judas 1:13

Daldal-luyon a nadawel ti baybay, nga ilabutabda dagiti pacababainanda met laeng; bitbituen nga agal-la-al-la, isuda a nacaisaganaan ti ngisit iti kinasipnget nga agnanayon.

San Judas 1:6

Ket dagiti angel a saanda a tinaginayon daydi nacaicasigudanda a casasaad, no di ket pinanawanda daydi umisu a pagyananda, incabilna ida cadagiti agnanayon a pannacabalud, iti yan ti sipnget, agingga iti panangocom ti naindaclan nga aldaw.

Paltiing 21:24

Ket dagiti pagpagarian magmagnadanto iti lawagna; ket dagiti ar-ari ti daga yegda kencuana ti dayagda.