San Juan 7:37 - Ti Biblia (1973)

³⁷ Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.

Ti Baro a Naimbag a Damag Biblia

³⁷ Iti maudi ken kangrunaan nga aldaw ti fiesta, nagtakder ni Jesus ket kinunana iti napigsa a timek, “Ti siasinoman a mawaw, umay kaniak tapno uminum.

San Juan 7:37 Iomraidhean Croise

Nehemias 8:18

Casta met iti inaldawaldaw, manipud iti umuna nga aldaw agingga iti maudi nga aldaw, isu nagbasa iti libro ti linteg ti Dios. Ket isuda nagfiestada bayat iti pito nga aldaw; ket iti maicawalo nga aldaw isu idi ti maysa a nadaeg a gimong, a mayalubog iti annuruten.

Dagiti Salmo 143:6

Itay-ac dagiti daculapco kenca: toy cararwac mawaw kenca, a cas naticag a daga. (Selah)

Dagiti Salmo 42:2

Toy cararwac mawaw iti Dios, iti sibibiag a Dios: caano ti idadatengconto a dumatag iti saclang ti Dios?

Dagiti Salmo 63:1

O Dios, sica ti Diosco, sigaganetgetacto a mangbiroc kenca: toy cararwac mawaw kenca, ti lasagco segseggaannaca, iti naticag ken nautuyan a daga, nga awanan danum.

Dagiti Proverbio 1:20

Ni sirib agpucpuccaw iti lansangan; iyebcasna ti timecna cadagiti nawaya a yan;

Dagiti Proverbio 8:1

Saan aya nga agpucpuccaw ni sirib, ken agtimtimec ni pannacaawat?

Dagiti Proverbio 8:17

Ayatec dagiti agayat caniac; ket dagiti mangbiruc a sigaganetget caniac masaracandacto.

Dagiti Proverbio 8:3

Iti denna dagiti ruruangan, iti pagsercan ti ili, iti pagsercan cadagiti ruruangan, isu agpuccaw a sipipigsa:

Dagiti Proverbio 9:3

Imbaonna dagiti ubbingna a babbai; ipucpuccawna iti tapaw dagiti catayagan a disso ti ili:

Kanta ni Solomon 5:1

Immayac iti minuyongac, cabsatco a babai, a noviac: inurnongco ti mirrac agraman recadoc; kinnanco ti rarac agraman diroc; ininumco ti aracco agraman gatasco. Mangancayo, O gagayyemco; uminumcayo, wen, uminumcayo a nawadwad unay, O ayayatec.

Isaias 12:3

Gapuna a sumacducayo a sirarag-o iti danum cadagiti bubon ti pacaisalacanan.

Isaias 40:2

Agsaocayo a sililiwliwa iti Jerusalem; ket ipuccawyo kencuana a ti pannakidangadangna nanungpalen, ta ti kinadangkesna napacawanen, nga isu inawatna iti ima ni Jehova iti mamindua a maipaay iti amin a basbasolna.

Isaias 40:6

Ti timec ti maysa cuncunana, Ipuccawmo. Ket kinuna ti maysa, Ania ti ipuccawco? Amin a lasag isu root, ken amin a kinasayaatna isu ti cas la sabong iti tay-ac.

Isaias 44:3

Ta mangibucbocacto ti danum iti mawaw, ken ay-ayus ti danum iti rabaw ti namaga a daga; Iparucpocconto ti Espirituc iti putotmo, ken ti bendicionco iti caputotam:

Isaias 55:1

O, tunggal mawaw, umaycayo cadagiti dandanum, ken dayta nga awanan ti pirac; umaycayo, gumatangcayo, ken mangancayo; wen, umaycayo, ken gumatangcayo nga awan ti pirac ken awan ti baybayad iti arac ken gatas.

Isaias 55:3

Yallingagyo ti lapayagyo, ken umaycayo caniac; dumngegcayo, ket ti cararuayo agbiagto: ket agaramidacto iti agnanayon a tulag cadacayo, nga isu dagiti di bumurong a panangngaasi a naicari ken David.

Isaias 58:1

Umkisca iti natbag, dica medmedan agtimecca iti natbag a cas maysa a tangguyob, ket ipalawagmo iti ilic ti ilalabsingna, ken iti balay ni Jacob dagiti basbasolna.

Jeremias 16:19

O Jehova, a pigsac, ken pagsalingdac, ken camangco iti aldaw ti ladingit, dagiti nasnacion umaydanto kenca manipud cadagiti pungto ti daga, ket cunadanto, Dagidi ammami awan ti tinawidda no di ul-ulbod, kinaubbaw met laeng, ken cucua nga awan ti malac-am.

Jeremias 2:2

Inca, ket ipuccawmo cadagiti lapayag ti Jerusalem, a cunam, Castoy ti cunana ni Jehova, Malagipca gapu iti kinaimbag ti kinaubingmo, ken gapu iti ayat dagiti pannakisinggalutmo; no casano ti isusurotmo iti licudac idiay let-ang, iti daga a saan a namulaan.

Ezekiel 47:9

Ket maaramidto, a tunggal nabiag a parsua nga agpangen, iti amin a disso a danonan dagiti carcarayan, agbiagto; ket addanto umariwecwec a pangen ti ican; ta dagitoy a danum dumtengda idiay, ket dagiti danum ti baybay maimbaganto, ket amin a banag agbiagto, iti sadinoman a danonan ti carayan.

Levitico 23:36

Cadagiti pito nga aldaw, mangidatagcayto iti maysa a daton a maaramid iti apuy ken Jehova: iti maicawalo nga aldaw isunto ti nasantoan a gimong cadacayo; ket mangidatagcayto iti maysa a daton a maaramid iti apuy ken Jehova: isu dayta ti nadaeg a gimong: dicay agaramidto iti pacabannogan.

Levitico 23:39

Nupay casta iti maicasangapulo ket lima nga aldaw ti maicapito a bulan, no maurnongyon dagiti bungbunga ti daga, ngilinenyonto ti fiesta ni Jehova bayat ti pito nga al-aldaw: iti umuna nga aldaw isunto ti nadaeg a panaginana, ket iti maicawalo nga aldaw isunto ti nadaeg a panaginana.

Mikias 6:9

Ti timec ni Jehova agpuccaw iti ili, ket ti tao a masirib makitananto ti naganmo: denggenyo ti sarucod, ken daydiay nangdutoc kencuana.

Zacarias 9:15

Ni Jehova dagiti buybuyot salacnibannanto ida; ket alun-unendanto, ken payatendanto dagiti batbato ti pallatibong; ket uminumdanto, ken agickisdanto a cas iti pannacaaramat ti arac; ket mapunnodanto a cas cadagiti malucong, a cas la cadagiti suli ti altar.

Numero 29:35

Ket iti maicawalo nga aldaw addanto maysa a gimong a nadaeg; dacayo dicayto agaramid iti trabajo a panggedan;

San Mateo 11:28

Umaycayo caniac dacayo amin nga agrigrigat ken madagdagsenan, ta paginanaencayto.

San Mateo 3:3

Ta daytoy isu daydi sinao ni mammadto nga Isaias a cuncunana: Timec ti maysa nga agao-awag iti let-ang: Isaganayo ti dalan ti Apo, Palintegenyo dagiti danana.

San Mateo 5:6

Nagasat dagiti mabisin ken mawaw iti kinalinteg; ta mapnecdanto.

San Juan 1:23

Kinunana; siac ti timec ti maysa nga agawawag iti let-ang; Palintegenyo ti dalan ti Apo, cas kinuna ni mammadto nga Isaias.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 4:10

Simmungbat ni Jesus ket kinunana kencuana: No mailasinmo coma ti sagut ti Dios, ken no siasino ti agcuna kenca: Iccannac ti inumen, dimmawatca coma kencuana, ket iniccannaca coma ti danum a nabiag.

San Juan 4:11

Ti babai cunana kencuana: Apo, awan ti pagsacdum ket ti bubon nauneg, adino ngarud ti pangpaaddaam ti danum a nabiag?

San Juan 4:14

Ngem siasinoman nga uminum iti danum nga itdecto kencuana, uray caano saanto a mawawen; no di ket ti danum nga itdecto kencuana agbalinto kencuana nga ubbog ti danum nga agburayoc a maipaay iti biag nga agnanayon.

San Juan 5:40

Ket nupay casta madicayo nga umay caniac, tapno maaddaancayo coma ti biag.

San Juan 6:35

Ni Jesus kinunana cadacuada; Siac ti tinapay ti biag: ti umay caniac, saanto nga agbisin; ket ti mamati caniac, uray caano saanto a mawaw.

San Juan 6:37

Isu-amin nga ited caniac ni Ama, umayto caniac; ket ti umay caniac, diacto pagtalawen.

San Juan 6:55

Ta ti lasagco pudno a pagtaraon, ket ti darac pudno nga inumen.

San Juan 7:28

Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.

1 Taga-Corinto 10:21

Saanyo a mabalin ti uminum iti copa ti Apo ken iti copa dagiti sairo. Saanyo a mabalin ti mairaman iti panganan ti Apo ken iti panganan dagiti sairo.

1 Taga-Corinto 10:4

Ket imminumda amin iti daydiay met la nga inumen a naespirituan; ta imminumda iti daydiay a bato a naespirituan a sumursurot cadacuada idi: ket daydi a bato isu idi ni Cristo.

1 Taga-Corinto 11:25

Ket casta met, innalana ti copa, idi calpasan ti panangrabii, a kinunana: Daytoy a copa isu ti Baro a Tulag iti darac; aramidenyo daytoy, a masansan nga uminumcayo, a maipaay a panglaglagip caniac.

1 Taga-Corinto 12:13

Ta gapu iti maymaysa nga Espiritu datay amin nabautizarantayo, iti panagmaymaysa a bagi, uray Judio wenno Griego tayo; uray paad-adipen wenno agwayawaya; ket datay amin napainumtayo iti maymaysa nga Espiritu.

Taga-Efeso 5:18

Ket dicay agbartec iti arac, isu a pagbuslonan ti kinadakes, no di ket mapnocay coma iti Espiritu;

Paltiing 21:6

Ket kinunana caniac: Nalpasdan. Siac ti Alfa ken Omega, ti pangrugian ken panungpalan. Iti mawaw Siac painumecto daydiay mawaw iti ubbog ti danum ti biag, nga awan baybayadna.

Paltiing 22:1

Ket impakitana caniac ti maysa a carayan ti danum ti biag, a sumilsilap a cas iti sarming a rummuar iti trono ti Dios ken iti Cordero, ket agayus.

Paltiing 22:17

Ket daydi Espiritu ken daydi novia cunada: Umayca! ket ti dumngeg, cunaenna coma: Umayca! Ket ti mawaw, umay coma. Ket ti mayat, awatenna ti danum ti biag, nga awan baybayadna.