San Juan 7:28 - Ti Biblia (1973)

²⁸ Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.

Ti Baro a Naimbag a Damag Biblia

²⁸ Idi madama a mangisursuro ni Jesus idiay Templo, kinunana iti napigsa a timek, “Pudno kadi nga am-ammodak? Ammoyo kadi ti naggapuak? Diak immay a naknakemko. Ti nangibaon kaniak isu ti pudno, ngem diyo am-ammo.

San Juan 7:28 Iomraidhean Croise

Dagiti Salmo 9:10

Ket dagiti macaammo iti naganmo agcammatalecdanto kenca, ta sica, Jehova, saanmo a binaybay-an dagiti agbiroc kenca.

Jeremias 31:34

Ket saandanto a mangisuro tunggal tao iti caarrubana, ken tunggal tao iti cabsatna, a cunana, Ammoem ni Jehova; ta isuda amin am-ammodacto, manipud iti cababassitan agingga iti cadadackelan cadacuada, cuna ni Jehova: ta pacawanecto ti kinadakesda, ket saanconto a lagipenen ti basolda.

Jeremias 9:6

Ti pagtaengam adda iti tengnga ti allilaw; gapu iti allilaw madida nga umammo caniac, cuna ni Jehova.

Oseas 4:1

Denggenyo ti sao ni Jehova, dacayo nga annac ti Israel; ta ni Jehova makisuppiat cadagiti agtaeng iti daga, ta awan ti kinapudno, uray kinaimbag, uray pannacaammo ti Dios iti daga.

Oseas 5:4

Dagiti aramidda saandanto nga ipalubos ti panagsublida iti Diosda; gapu ta ti Espiritu ti pannakicamalala adda cadacuada, ket saanda a bigbigen ni Jehova.

San Mateo 11:27

Amin dagiti banag inyawat caniac ni Amac; ket awan ti macaamammo iti Anac no saan a ti Ama; ket awan met ti macaamammo iti Ama, no saan a ti Anac, ken daydiay cayat a pangipaltiinganto ti Anac.

San Mateo 2:23

Ket immay, ket nagnaed idiay ili a managan Nazaret: tapno matungpal ti sinao dagiti mammadto, a managanto ti Nazareno.

San Mateo 26:55

Idi nga horas kinuna ni Jesus cadagiti adu a tao: Immawaycayo aya a nagtagicampilan ken nagtagipang-or a mangtiliw caniac cas bumusor iti maysa a tulisan? Cadagiti isu-amin nga aldaw nagtugtugawac idiay Templo a mangisursuro, ket didac tiniliw.

San Lucas 10:22

Amin dagiti banag inyawat caniac ni Amac; ket awan ti macaammo no asino ti Anac no di ni Ama; ken no asino ni Ama no di ti Anac ken dayta cayat a pangipacdaaran ti Anac.

San Lucas 2:11

Ta ita nga aldaw nayanac cadacayo idiay ili ni David, ti maysa a Manangisalacan, isu ti Cristo nga Apo.

San Lucas 2:39

Ket idi natungpalda aminen cas iti linteg ti Apo, nagsublida sadi Galilea, idiay ilida a Nazaret.

San Lucas 2:4

Ket ni Jose naggapu idiay Galilea iti ili a Nazaret, simmang-at met sadi Judea, idiay ili ni David, a managan Bet-lehem, gapu ta nagtaud iti balay ken caputotan ni David;

San Lucas 2:51

Ket simmalog a nakicuyog cadacuada ket simmangpet idiay Nazaret, ket nagtulnog cadacuada. Ket ni inana sinalimetmetanna iti pusona amin dagitoy a masasao.

San Juan 1:46

Ket kinuna kencuana ni Natanel; Mabalin aya nga agtaud idiay Nazaret ti aniaman a banag a naimbag? Cuna kencuana ni Felipe: Umayca ket kitaem.

San Juan 10:36

Cunaenyo iti pinagsanto ti Ama, ken imbaonna ditoy lubong; agtabbaawca; agsipud ta kinunac: Siac ti Anac ti Dios?

San Juan 12:49

Ta saanac a nagsao a sisiac; no di ni Ama a nangibaon caniac, isu imbilinna caniac, no ania ti ibagac ken saoec.

San Juan 14:10

Dica patien aya nga addaac ken Ama ket ni Ama adda caniac? Dagiti sao a saoec cadacayo, saanco a saoen a sisiac: ngem ni Ama idinto nga adda caniac: aramidenna dagiti aramidna.

San Juan 14:31

Ngem tapno mailasin ti lubong nga ayatec ni Ama ken no casano ti panangited ni Ama iti bilin caniac casta ti aramidec, Tumacdercayo, pumanawtay ditoy.

San Juan 16:3

Ket dagitoy aramidendanto, ta dida amammo ni Ama uray siac.

San Juan 17:25

O Ama a nalinteg, ti lubong, saannaca a naammoan, ngem siac naammoanca, ket dagitoy naammoanda a sica imbaonnac;

San Juan 17:3

Ket daytoy ti biag nga agnanayon: a maammoandaca coma a maymaysa a pudno a Dios, ken ni Jesu-Cristo nga imbaonmo.

San Juan 3:2

Daytoy immay ken Jesus iti rabii, ket kinunana kencuana: Mannursuro, ammomi a maysaca a mannursuro a naggapu iti Dios; ta awan ti macabalin a mangaramid cadagitoy a pagilasinan nga aramiden, no awan ti Dios kencuana.

San Juan 3:33

Ti umawat ti pangpanecnecna, pinanecnecanna a ti Dios pudno.

San Juan 5:32

Sabali ti mangpanecnec iti maipapan caniac; ket ammoc a ti panecnec a pangpanecnecna iti maipapan caniac pudno.

San Juan 5:43

Immayac iti nagan ti Amac ket saandac nga awaten: no sabali ti umay coma iti naganna met laeng, isu awatenyonto.

San Juan 6:42

Ket kinunada: Saan aya a daytoy Jesus ti anac ni Jose, a da ama ken inana amammotayo? Casano ita ti panagcunana: Nanipud langit immulogac?

San Juan 7:14

Ket idi ngalayen ti fiesta, simmang-at ni Jesus iti Templo ket nangisuro.

San Juan 8:14

Ni Jesus simmungbat ket kinunana cadacuada: Uray sacsiac ti maipapan caniac, pudno ti pangpanecnecco, ta ammoc no adino ti naggapuac ken no adino ti papanac; ngem dicay ammo no adino ti paggapuac ken no adino ti papanac.

San Juan 8:16

Ket uray no mangocomac ti panangipatoc pudno, ta saanac a maymaysa, no di ket siac ken ti Ama a nangibaon caniac.

San Juan 8:19

Kinunada ngarud, kencuana: Adino ti yan ti Amam? Simmungbat ni Jesus: Uray siac, uray ni Amac dicay ammo; no ammodac coma, ammoyo met coma ni Amac.

San Juan 8:26

Adu dagiti masapul nga ibagac ken ipatoc iti maipapan cadacayo; ngem ti nangibaon caniac, napudno; ket siac, dagiti nangngegco kencuana, dagitoy ti saoec iti lubong.

San Juan 8:42

Ni Jesus kinunana cadacuada: No ti Dios coma ti amayo ayatendac coma, ta immayac ken naggapuac iti Dios, ta saanac nga immay a nacnakemco laeng ngem isu imbaonnac.

San Juan 9:29

Ammomi a ti Dios nakisao ken Moises; ngem daytoy a tao dicam ammo no adino ti naggapuanna.

Dagiti Aramid 17:23

Ta iti ilalabasco ken panangkitac cadagiti carcararaganyo, nacasaracac met ti maysa nga altar a yan daytoy a surat: MAIPAAY ITI DIOS A DI AMMO. Daydiay ngarud daydayawenyo a dicay ammo, isu ti ipadamagco cadacayo.

Taga-Roma 1:28

Ket agsipud ta dida kinayat nga inammo ti Dios, ti Dios binaybay-anna ida iti maysa a nakem a dakes, tapno aramidenda dagiti banbanag a di maipaay;

Taga-Roma 3:4

Ni caanoman: mapapati coma ti Dios uray pay naulbodda coma amin dagiti tattao, cas ti naisurat: Tapno mapalintegca cadagiti saom. Ket agbal-ligica intono umayca iti pangokoman.

2 Taga-Corinto 1:18

Ngem agsipud ta ti Dios mapagtalcan, ti saomi cadacayo saan nga isu ti Wen ken Saan.

2 Taga-Corinto 4:6

Ta ti Dios kinunana: Tumpuarto ti silaw iti casipngetan, isu a naglawag cadagiti puspusotayo, a maipaay iti pannacalawag ti pannacaammo iti dayag ti Dios, iti langa ni Jesu-Cristo.

Tito 1:2

Babaen ti pananginanama iti biag nga agnanayon, nga ti Dios, a dina mabalin ti agulbod, incarina idi sacbay dagiti ginasgasut a tawen;

Hebreo 6:18

Tapno gapu cadagiti dua a banag a di agbalbaliw, isu a saan a nabalin a pagulbodan ti Dios, adda maysa a napigsa a pagbilgantayo, datayo a nagtalaw tapno agcamangtayo, babaen ti panginanamaan a naicabil iti sangoanantayo:

1 Juan 5:10

Ti mamati iti Anac ti Dios addaan ti pammanecnec: ti saan a mamati iti Dios, isu pinagbalinna nga ulbod, ta saanna a pinati ti pammanecnec nga inted ti Dios a maipapan iti Anacna.

1 Samuel 2:12

Ngem dagiti annac a lallaki ni Eli isuda nacas-angda a tattao idi; isuda dida ammo idi ni Jehova.