San Juan 7:23 - Ti Biblia (1973)

²³ No ti tao awatenna ti pannacacugit iti aldaw a panaginana tapno ti linteg ni Moises saan a masalungasing, marurodcayo aya caniac agsipud ta pinaimbagco nga awan pagcuranganna ti maysa a tao iti aldaw a panaginana?

Ti Baro a Naimbag a Damag Biblia

²³ No maipalubos a makugit ti ubing iti Aldaw a Panaginana tapno saan a masalungasing ti Linteg ni Moises, apay a kaungetdak gapu ta pinaimbagko ti maysa a tao iti Aldaw a Panaginana?

San Juan 7:23 Iomraidhean Croise

Exodo 31:14

Isu ti gapuna a ngilinenyonto ti aldaw a panaginana; ta nasantoan cadacayo: ti tunggal maysa a dinto agraem a cas sagrado kencuana di bumurong a mapapatayto; ta siasinoman nga agaramid iti uray ania a trabajo iti dayta nga aldaw, daytoy a tao maipusayto iti ilina.

San Mateo 12:10

Ket adtoy idi ti maysa a tao nga adda imana a nagango. Ket inintuudda kencuana, a cuncunada: Maipalubos ti mangagas iti aldaw a panaginana? Tapno adda pangipulonganda kencuana.

San Mateo 12:2

Ngem idi nakita daytoy dagiti Fariseo, kinunada kencuana: Kitaem, dagiti adalam aramidenda ti saan a maipalubos nga aramiden iti aldaw a panaginana.

San Mateo 12:5

Wenno, Dicay aya nabasa iti linteg, a cadagiti aldaw a panaginana, dagiti sacerdote iti Templo saanda a ngilinen ti aldaw a panaginana ket dida macabasol?

San Juan 5:10

Kinuna ngarud dagiti Judio idi napaimbag: aldaw a panaginana ket di maipalubos kenca a bagcatem ti iddam.

San Juan 7:21

Ni Jesus simmungbat ket kinunana cadacuada: Maysa nga aramid ti inaramidco, ket agsidsiddaawcay amin gapu iti dayta.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.