San Juan 7:17 - Ti Biblia (1973)

¹⁷ No adda agpanggep nga agaramid ti pagayatanna, maammoannanto ti maipapan iti isursuroc, no aggapu iti Dios, wenno no agsaoac a sisiac.

Ti Baro a Naimbag a Damag Biblia

¹⁷ “Ti siasinoman a mayat nga agaramid iti pagayatan ti Dios, maammoannanto no agtaud iti Dios ti isursurok wenno agsaoak iti kabukbukodak a turay.

San Juan 7:17 Iomraidhean Croise

Dagiti Salmo 119:10

Iti amin a pusoc binirbirocca: O dinac baybay-an a maisiasi cadagiti bilbilinmo.

Dagiti Salmo 25:12

Asino a tao ti agbuteng ken Jehova? Daydiay isuronanto iti dalan a pilienna.

Dagiti Salmo 25:14

Ti kinapagayam ni Jehova addanto cadagiti agbuteng kencuana; ket iparangnanto cadacuada ti tulagna.

Dagiti Proverbio 28:5

Dagiti dakes a tattao dida maawatan ti kinalinteg; ngem dagiti mangbiruc ken Jehova maawatanda amin a banbanag.

Dagiti Proverbio 3:32

Ta ti naulpit maysa a macarimon ken Jehova; Ngem ti pannakipagayamna adda cadagiti nalinteg.

Isaias 35:8

Ket addanto idiay ti maysa a calsada, ken maysa a dalan, ket managanto Iti dalan ti kinasanto; ti saan a nadalus saanto a magna kencuana; no di ket isu maipaayto iti nasubbot; dagiti agbariwas a tattao, wen tattao a maag, didanto mayawawan idiay.

Daniel 12:10

Adu dagiti aggugorto cadagiti bagbagida met laeng, ken papudawenda dagiti bagbagida met laeng, ket madalusanda; ngem dagiti managdacdakes agaramiddanto a sidadangkes; ket awan cadagiti managdacdakes ti macaawat; ngem dagidiay mamasirib maawatandanto.

Oseas 6:3

Ammoentayo coma ket sumurottayto coma a mangammo ken ni Jehova: ti iruruarna di-bumurong a cas iti bigat; ket isu umayto cadatayo a cas iti tudo, a cas iti maududi a tudo a sibuganna ti daga.

Mikias 4:2

Ket adu a nacion mapandanto a cunaenda, Umaycayo, ket umulitayo iti bantay ni Jehova, ken iti balay ti Dios ni Jacob; ket isuronatayto cadagiti dalanna, ket magnatayto cadagiti danana. Ta idiay Sion rumuarto ti linteg, ken ti sao ni Jehova nga aggapu iti Jerusalem;

Malakias 4:2

Ngem cadacayo nga agbuteng iti naganco lumgacto ti init ti kinalinteg agraman mangpasalun-at a payacna; ket rumuarcayto, ken aglagtocayto a cas la iti urbon ti vaca a nairuar iti pagpupocan.

San Mateo 6:22

Ti pagsilawan ti bagi isu ti mata: gapuna, no ti matam nadalusto, amin a bagim nalawagto.

San Lucas 8:15

Ket dagiti nagdisso iti nasayaat a daga, isu dagitoy dagiti tao nga iti nasayaat ken nalinteg a puso dinengngegda ti sao ket salimetmetanda ket agbungada a siaanus.

San Juan 3:21

Ngem ti agaramid iti pudno, umay iti lawag, tapno dagiti aramidna maiparangarang a naaramidda a mayannurot iti Dios.

San Juan 8:43

Ania ti gapu a dicay maawatan ti panagsaoc? ta awan pannacabalinyo a dumngeg ti saoc.

San Juan 8:44

Cucuanacayo ti diablo nga amayo, ket cayatyo nga aramiden dagiti calicagum ni amayo. Isu nacapapatay nanipud idi damo, ket saan a nagtalinaed iti pudno, ta awan ti pudno kencuana. No agsao ti ulbod, saoenna ti cababalinna met laeng ta isu manangulbod ket ama ti kinaulbod.

San Juan 8:47

Ti agtaud iti Dios, denggenna dagiti sao ti Dios: gapu iti daytoy, dacayo dicay agdengngeg ta saancayo a nagtaud iti Dios.

Dagiti Aramid 17:11

Ket dagitoy natactacnengda ngem dagiti adda idiay Tesalonica, ta inawatda ti sao a nadardaras unay; inaldaw a sinucsukimatda dagiti sursurat, no pudno dagitoy a banag.