San Juan 7:15 - Ti Biblia (1973)

¹⁵ Nasnasdaaw ngarud dagiti Judio, a cuncunada: Casano ti pannacaammo daytoy a tao cadagiti pagbasaan idin to a di nagadal?

Ti Baro a Naimbag a Damag Biblia

¹⁵ Kasta unay ti siddaaw dagiti Judio. “Naggapuan ngata ti adu unay nga ammo daytoy a tao, idinto ta di met nagad-adal a pulos?” kunkunada.

San Juan 7:15 Iomraidhean Croise

Isaias 29:12

Ket ti libro nayawat iti daydiay saan a nasursuroan, a cunada, Dawatec kenca, basaem man daytoy; ket isu cunana, Saanac a nasursuroan.

San Mateo 13:54

Ket immay iti ilina, nanursuro cadacuada iti sinagogada, iti casta nasnasdaawda unay ket kinunada: Adino ti nangalaan daytoy a tao itoy a kinasirib ken cadagitoy a pannacabalin a datdatlag?

San Mateo 22:22

Idi nangngegda daytoy, nagsiddaawda, ket pinanawanda, ket nagawidda.

San Mateo 22:33

Ket idi nangngeg daytoy dagiti adu a tattao, nagsidsiddaawanda ti sursurona.

San Lucas 2:47

Ket amin dagidi nacangngeg kencuana, nasnasdaawda iti saririt ti isipna ken cadagidi sungbatna.

San Lucas 4:22

Ket pinanecnecanda amin ket nasdaawda cadagiti sao a natalunggadingan a nagtaud iti ngiwatna, ket cuncunada: Saan nga isu daytoy ti anac ni Jose?

San Juan 1:19

Ket daytoy ti pangpanecnec ni Juan, idi nangibaon dagiti Judio cadagiti papadi ken Levita nanipud Jerusalem a mangintuud kencuana: Siasinoca?

San Juan 7:11

Dagiti Judio ngarud sinapsapulda iti pagrarambacan, ket cuncunada: Adino ti yanna?

San Juan 7:13

Ngem awan ti nagsao a nalatac iti maipapan kencuana gapu ti butengda cadagiti Judio.

San Juan 7:46

Dagiti policia simmungbatda: Uray caano awan ti tao a nagsao ti castoy.

Dagiti Aramid 26:24

Ket idi agpalawag a casta ti calinteganna, ni Festo kinunana iti napigsa a timec: Mauyongca, Pablo; ti adu a panagadalmo pagmauyongennaca.

Dagiti Aramid 4:13

Ket idi nakitada ti tured da Pedro ken Juan, idinto nga ammoda nga awan adalda ken saanda a nasursuroan a tattao, nagsiddaawda; ket nailasinda ida a nakicadcaduada ken Jesus.

1 Samuel 10:11

Ket naaramid, nga amin a nacaammo kencuana idi unana a tiempo nakitada nga, adtoy isu makipagpadto idi cadagiti mammadto, idin ti umili kinunana ti maysa ken maysa, Ania daytoy nga immay iti anac a lalaki ni Cis? Ni Saul adda met aya iti tengnga dagiti mammadto?