San Juan 7:14 - Ti Biblia (1973)

¹⁴ Ket idi ngalayen ti fiesta, simmang-at ni Jesus iti Templo ket nangisuro.

Ti Baro a Naimbag a Damag Biblia

¹⁴ Iti katengngaan ti fiesta, napan nangisuro ni Jesus idiay Templo.

San Juan 7:14 Iomraidhean Croise

Malakias 3:1

Adtoy, ibaonco ti babaonec, ket isu isaganananto ti dalan iti sangoc: ket ti Apo a birukenyo, umayto iti apagdaricmat iti templona; ket ti babaonen ti tulag, isu a calicagumanyo, adtoy, umay, cuna ni Jehova dagiti buybuyot.

Numero 29:17

Ket iti maicadua nga aldaw idatagyonto ti sangapulo ket dua a bumbumaro a vaca, dua a carnero a lallaki, sangapulo ket uppat a cordero a lallaki a maysa ti tawenda, nga awan ti pilawda.

Numero 29:20

Ket iti maicatlo nga aldaw, sangapulo ket maysa a bumbumaro a vaca, dua a carnero a lallaki, sangapulo ket uppat a cordero a lallaki nga agtawen iti maysa, nga awan ti pilawda;

San Mateo 21:12

Ket simrec ni Jesus iti Templo ti Dios, ket pinaruarna dagiti isu-amin nga aglaclaco ken aggatgatang idiay Templo; ket tinuangna dagiti lamisaan dagiti agsucsucat ti pirac, ken dagiti tugaw dagiti aglaclaco cadagiti calapati;

San Mateo 26:55

Idi nga horas kinuna ni Jesus cadagiti adu a tao: Immawaycayo aya a nagtagicampilan ken nagtagipang-or a mangtiliw caniac cas bumusor iti maysa a tulisan? Cadagiti isu-amin nga aldaw nagtugtugawac idiay Templo a mangisursuro, ket didac tiniliw.

San Lucas 19:47

Ket nanursuro nga inaldaw idiay Templo; ngem dagiti panguloen dagiti papadi ken dagiti escriba ken dagiti nangnangrona cadagiti umili inagawaanda a papatayen:

San Juan 18:20

Ni Jesus simmungbat kencuana: Siac nagsaoac iti napanayag iti lubong: siac agnanayon a nangisursuroac idiay sinagoga ken idiay Templo, isu a paguurnongan amin dagiti Judio: ket awan ti sinaoc iti nalemmeng.

San Juan 5:14

Idi cuan masaracan ni Jesus idiay Templo, ket kinunana kencuana: Adtoy, a napaimbagcan: dica agbasolen, di la ket ta mapasamac kenca ti dacdakes.

San Juan 7:2

Ket asideg idi ti fiesta dagiti Judio, ti fiesta dagiti abong-abong.

San Juan 7:28

Ni Jesus ngarud a mangisursuro iti templo impigsana ti timecna a cuncunana: Amammodac ket ammoyo met ti naggapuac; ket saanac a naggapu caniac met laeng; ngem ti nangibaon caniac napudno, isu a dicay amammo.

San Juan 7:37

Idi camaudianan ken dackel nga aldaw ti rambac, ni Jesus nagtacder ket nagpuccaw a kinunana: No adda mawaw, umay caniac ket uminum.

San Juan 8:2

Ket iti agsapa unay napan manen iti Templo, ket amin dagiti umili immayda kencuana; ket isu nagtugaw, ket insursurona ida.

San Juan 8:20

Dagitoy a sao kinuna ni Jesus idiay tesoreria idi nangisursuro idiay Templo: ket awan ti nangtiliw kencuana, ta dipay dimteng ti horasna.