San Juan 7:12 - Ti Biblia (1973)

¹² Ket adda idi dackel a tanabutob cadagiti adu a tao iti maipapan kencuana, ta kinuna dagiti dadduma: Isu naimbag a tao. Ket dagiti sabsabali cunada: Saan, no di ket iyawawanna dagiti adu a tao.

Ti Baro a Naimbag a Damag Biblia

¹² Adu ti saosao dagiti tattao maipapan kenkuana. Kinuna ti sumagmamano kadakuada, “Isu ket naimbag a tao.” “Saan,” kinuna met dagiti dadduma, “ta allilawenna dagiti tattao.”

San Juan 7:12 Iomraidhean Croise

San Mateo 10:25

Naimbagen coma iti adalan no maipatas iti manursuro kencuana ket iti tagabu cas ken apona: no ti pangulo ti sangcabalayan ninaganda ti Satanas, Anianto ketdin cadagiti cabbalayna?

San Mateo 21:46

Ket isu agawaanda idi a tiliwen; ngem kinabutengda dagiti adu a tao; ta imbilangda a maysa a mammadto.

San Mateo 27:63

Acuncunada: Apo, malagipmi a daydi manangulbod kinunana idi sibibiag pay: Inton malpas ti tal-lo nga aldaw agungaracto.

San Lucas 18:19

Ket ni Jesus kinunana kencuana: Apayapay naganennac ti naimbag? Awan ti naimbag, no saan laeng a maymaysa, nga isu ti Dios.

San Lucas 23:47

Ket idi nakita ti centurion ti naaramid, indaydayawna ti Dios, a kinunana; Kinapudnona a daytoy a tao nalinteg.

San Lucas 23:50

Ket adtoy ti maysa a tao a managan Jose, consejero, lalaki a naimbag ken nalinteg,

San Lucas 6:45

Ti naimbag a tao iti nasayaat a gameng ti pusona iruarna ti naimbag; ket ti dakes a tao iti dakes a gameng iruarna ti dakes: ta iti nawadwad iti puso saoen ti ngiwatna.

San Lucas 7:16

Ket nagbutengda amin ket dinaydayawda ti Dios a cuncunada: Ti maysa a dackel a mammadto timmaud cadatayo; ket ti Dios sinarungcaranna dagiti tattaona.

San Juan 6:14

Dagiti tao idi makitada ngarud daydi pagilasinan nga inaramidna, kinunada: Kinapudnona a daytoy ti mammadto nga umay ditoy lubong.

San Juan 7:32

Dagiti Fariseo nangngegda dagiti adu a tao a tantanabutubenda dagitoy a maipapan kencuana: ket dagiti cangatoan a papadi ken dagiti Fariseo nangibaonda cadagiti policia a mangtiliw kencuana.

San Juan 7:47

Dagiti Fariseo ngarud simmungbatda cadacuada: Napayaw-awancayo met aya?

San Juan 7:52

Simmungbatda ket kinunada kencuana: Sica met taga Galileaca aya? Sukimatem ket kitaem a manipud idiay Galilea awan ti tumaud a mammadto.

San Juan 9:16

Dadduma ngarud cadagiti Fariseo kinunada: Daytoy a tao saan a naggapu iti Dios, ta saanna a ngilinen ti aldaw a panaginana. Ngem dagiti sabsabali kinunada: Casano ti pannacabalin ti maysa a tao a managbasol a mangaramid cadagiti cacasta a pagilasinan? Ket adda panagsusupadi cadacuada.

Dagiti Aramid 11:24

Ta isu maysa a lalaki a naimbag ken napno iti Espiritu Santo ken ti pammati; ket adu a tao ti nainayon iti Apo.

Taga-Roma 5:7

Ta narasay ti mayat a matay a maipoon iti maysa a nalinteg: nupay adda ngata macaitured a matay gapu iti maysa a tao a naimbag.

Taga-Filipos 2:14

Aramidenyo dagiti isu-amin a banbanag nga awan tantanabutob ken supsupiat;