San Juan 6:57 - Ti Biblia (1973)

⁵⁷ Cas ti Ama a sibibiag imbaonnac, ket agbiagac gapu iti Ama; casta met a ti mangan caniac, agbiagto gapu caniac.

Ti Baro a Naimbag a Damag Biblia

⁵⁷ Imbaonnak ti sibibiag nga Ama, ket agbiagak met gapu kenkuana. Kasta met a ti mangan kaniak, agbiagto gapu kaniak.

San Juan 6:57 Iomraidhean Croise

Dagiti Salmo 18:46

Ni Jehova sibibiag; ket madaydayaw coma ti batoc; ket maitanoc coma ti Dios ti salacanco,

Jeremias 10:10

Ngem ni Jehova isu ti pudno a Dios; isu ti sibibiag a Dios, ken agnanayon nga Ari; gapu iti pungtotna ti daga agkintayeg, ket dagiti nasnacion saanda a maibturan ti ungetna.

San Mateo 16:16

Ket simmungbat ni Simon Pedro, ket kinunana: Sica ti Cristo, ti Anac ti Dios a sabibiag.

San Juan 14:19

Adda pay apagbassit, ket ti lubong dinacto makitan; ngem dacayo makitadacto; gapu ta agbiagac, agbiagcayto met.

San Juan 14:6

Ni Jesus cunana kencuana: Siac ti dalan, ken ti pudno ken ti biag; awan ti umay ken Ama, no di magna caniac.

San Juan 17:21

Tapno isuda amin agmaymaysada coma: a cas met sica, Ama, caniac, ket siac kenca, tapno addada met coma cadata; tapno ti lubong patienna coma a sica imbaonnac.

San Juan 3:17

Ta saan nga imbaon ti Dios ti Anacna iti lubong, a mangocom iti lubong; no di ket tapno ti lubong, maisalacan gapu kencuana.

San Juan 5:26

Ta cas ti Ama adda kencuana met laeng ti biag, casta met impaayna nga ti Anac adda biag kencuana met laeng;

San Juan 6:29

Simmungbat ni Jesus ket kinunana cadacuada: Daytoy ti aramid ti Dios mamaticayo iti daydiay nga imbaonna.

San Juan 6:38

Ta bimmabaac nanipud langit, saan a tapno aramidec ti pagayatac, no di ti pagayatan ti nangibaon caniac.

1 Taga-Corinto 15:22

Ta cas matayda amin ken Adam, casta met mabiagdanto amin ken Cristo.

1 Taga-Corinto 15:45

Casta met nga adda a naisurat: Ti umuna a tao, ni Adam, immay nagbalin a cararua a sibibiag; ngem ti maudi nga Adam, nagbalin a maysa nga espiritu a mambiag.

2 Taga-Corinto 13:4

Ta nupay no nailansa iti cruz gapu iti kinalap-it, itan, agbiag gapu iti pannacabalin ti Dios; dacam met, uray no nalap-itcam kencuana, nupay casta, agbiagcamto a makicuyog kencuana, gapu iti pannacabalin ti Dios a maipaay cadacayo.

Taga-Galacia 2:20

Nailansaac a naicuyog ken Cristo; ket saan a siac ti agbiagen no di ket ni Cristo ti agbiag caniac: ket ti biag a pagbiagco ita iti lasag, pagbiagco gapu iti pammati iti Anac ti Dios, isu a nagayat caniac, ket inyawatna ti bagina gapu caniac.

1 Taga-Tesalonica 1:9

Ta isuda met laeng ibagada ti maipapan cadacami, no casano ti idadatengmi cadacayo, ken no casano ti panagsubliyo iti Dios manipud cadagiti didiosen, tapno agservicayo iti Dios a sibibiag ken pudno.

Hebreo 9:14

Dinto nangnangrona pay ti dara ni Cristo, isu a gapu iti Espiritu nga agnanayon indatonna ti bagina nga awan tulawna iti Dios, dalusanna ti nakemyo cadagiti ar-aramid a natay, tapno agservicayo iti Dios a sibibiag?

1 Juan 4:9

Daytoy ti nacaiparangarangan ti ayat ti Dios cadatayo, nga imbaon ti Dios ti Anacna a bugbugtong ditoy lubong, tapno agbiagtayo gapu kencuana.