San Juan 6:53 - Ti Biblia (1973)

⁵³ Ni Jesus ngarud kinunana cadacuada: Pudno, pudno; cunac cadacayo no saancayo a mangan iti lasag ti Anac ti tao, ken uminum iti darana, awanancayo iti biag.

Ti Baro a Naimbag a Damag Biblia

⁵³ “Ibagak ti pudno kadakayo,” kinuna ni Jesus kadakuada. “No saanyo a kanen ti lasag ken inumen ti dara ti Anak ti Tao, awan ti biag kadakayo.

San Juan 6:53 Iomraidhean Croise

San Mateo 18:3

Ket kinunana: Pudno cunac cadacayo, a no dicayto agsubli ken agbalin a cas la ububbing, dicayto sumrec iti pagarian ti langit.

San Mateo 5:18

Ta ti kinapudnona cunac cadacayo, nga aginga ti mapucaw ti langit ken daga, uray la coma no maysa a jota wenno tulnec, dinto mapucaw iti linteg, aginga ti isu-amin matungpalda.

San Mateo 8:20

Ket ni Jesus cunana kencuana: Dagiti musang addaanda cadagiti rucrukib, ket dagiti tumatayab iti tangatang addaanda cadagiti umumoc; ngem ti Anac ti tao awanan iti pangisaadanna ti ulona.

San Lucas 13:3

Saan, cunac cadacayo; ngem no dicayto agbabawi, mapucawcayto met amin iti casta.

San Lucas 13:5

Saan, cunac cadacayo; ngem no dicayto agbabawi; mapucawcayto amin iti casta.

San Juan 13:8

Cuna kencuana ni Pedro: Uray caano dicanto buggoan dagitoy sacsacac. Ni Jesus simmungbat kencuana: No saanca a buggoan, awanto ti pannacabagim canian.

San Juan 15:4

Agiancay caniac, ket siac cadacayo. Cas ti santac saanna a mabalin ti agbunga nga isisu, no di maicamang iti uvas, casta met a dicay mabalin, no saancayo nga agtaeng caniac.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

San Juan 3:5

Simmungbat ni Jesus: Pudno, pudno, cunac kenca, no ti maysa saan a mayanac iti danum ken iti Espiritu, saanna a mabalin ti sumrec iti pagarian ti Dios.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:51

Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

San Juan 6:55

Ta ti lasagco pudno a pagtaraon, ket ti darac pudno nga inumen.

San Juan 6:62

Anianto ketdin, no makitayonto ti Anac ti tao nga umuli idiay yanna nga immuna?

1 Juan 5:12

Ti agicut iti Anac, adda biagna; ti saan nga mangupicup iti Anac ti Dios, awan kencuana ti biag.

Paltiing 2:17

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi, isu ti pangtedacto iti mana a nailemmeng. Ket itdecto kencuana ti maysa a bato a puraw, ket maibutac iti bato ti maysa a nagan a baro, nga awan ti macaammo uray siasino, no di laeng daydiay umawat kencuana.

Paltiing 2:7

Ti adda pagdengngegna, denggenna coma ti cuna ti Espiritu cadagiti Iglesia. Daydiay agbal-ligi isu ti pacanecto iti cayo ti biag, nga adda iti Paraiso ti Dios.