San Juan 6:51 - Ti Biblia (1973)

⁵¹ Siac ti tinapay a sibibiag a bimmaba nanipud langit: no adda mangan itoy a tinapay, agbiagto nga agnanayon, ket ti tinapay nga itdecto, a pacabiagan ti lubong isu ti lasagco.

Ti Baro a Naimbag a Damag Biblia

⁵¹ Siak ti sibibiag a tinapay a naggapu sadi langit. No kanen ti siasinoman daytoy a tinapay, agbiagto nga agnanayon. Ket ti tinapay nga itedkonto isu ti lasagko. Wen, itedko tapno agbiag ti lubong.”

San Juan 6:51 Iomraidhean Croise

San Mateo 20:28

A cas met ti Anac ti tao saan nga immay tapno parservian, no di ket tapno agservi ken itedna ti biagna, a maysa a subbot cadagiti adu.

San Lucas 22:19

Ket innalana ti tinapay, ket idi nacapagyamanen pinisina ket intedna cadacuada a kinunana: Daytoy isu ti bagic, a maited gapu cadacayo: aramidenyo daytoy a panglaglagip caniac.

San Juan 1:14

Ket daydi a Verbo nagbalin a lasag, ket nakipaggian cadatayo: (ket nakitami ti dayagna, a cas la iti dayag ti Bugbugtong nga Anac ti Ama), napno ti parabur ken pudno.

San Juan 1:29

Iti sumuno nga aldaw makitana ni Jesus nga umay kencuana, ket cunana: Adtoy, ti Cordero ti Dios, a mangiccat ti basol ti lubong!

San Juan 11:26

Ket siasinoman nga agbiag ken mamati caniac, saanto a matay a pulos. Patiem daytoy?

San Juan 3:13

Ket awan ti immuli sadi langit, no di ti bimmaba nanipud langit, ti Anac ti tao.

San Juan 3:14

Ket no casano iti panangibayog ni Moises iti uleg idiay let-ang, casta met a masapul a ti Anac ti tao maibayog;

San Juan 3:16

Ta casta la unay ti panagayat ti Dios iti lubong; nga intedna ti Anacna a Bugbugtong, tapno amin a mamati kencuana, saan a mapucaw, no di ket adda biagna nga agnanayon.

San Juan 3:36

Ti mamati iti Anac, adda biagna nga agnanayon; ngem ti saan nga agtulnog iti Anac, saannanto a makita ti biag, no di ket ti pungtot ti Dios agtaeng kencuana.

San Juan 5:24

Pudno, pudno, cunac cadacayo: Ti dumngeg iti saoc ket patienna ti nangibaon caniac, adda biagna nga agnanayon; ket saanto nga umay iti pannacaocom, no di ket nanipud ken patay immalis iti biag.

San Juan 6:33

Ta ti tinapay ti Dios isu dayta bumaba manipud langit ket mangted ti biag iti lubong.

San Juan 6:35

Ni Jesus kinunana cadacuada; Siac ti tinapay ti biag: ti umay caniac, saanto nga agbisin; ket ti mamati caniac, uray caano saanto a mawaw.

San Juan 6:41

Agtantanabutob ngarud dagiti Judio iti maipapan kencuana agsipud ta kinunana: Siac ti tinapay a bimmaba nanipud langit.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:48

Siac ti tinapay ti biag.

San Juan 6:50

Daytoy ti tinapay a bumaba manipud langit, tapno ti siasinoman a macapangan coma kencuana, saan coma a matay.

San Juan 7:38

Ti mamati caniac, cas cunaen ti Surat, carcarayan ti danum a nabiag ti agayusto manipud iti unegna.

2 Taga-Corinto 5:19

Cayatna a saoen, a ti Dios adda idi ken Cristo a pakicappiaenna toy lubong kencuana met laeng a saanna nga ipabaclay cadagiti tattao dagiti salungasingda; ket intalecna cadacami ti sao ti pannakicappia.

2 Taga-Corinto 5:21

Daydi saan a nacaammo ti basol, inaramidna a basol gapu cadatayo, tapno macapagbalintayo a kinalinteg ti Dios gapu kencuana.

Taga-Efeso 5:2

Ket magnacayo babaen ti ayat, a cas met ni Cristo inayatnacayo ket intedna ti bagina gapu cadatayo cas sagut ken daton, a nasayamosom ti banglona iti Dios.

Taga-Efeso 5:25

Lallaki, ayatenyo dagiti assawayo, a cas met iti panagayat ni Cristo iti Iglesia, ket inyawatna ti bagina gapu kencuana;

Tito 2:14

Isu nga inyawatna ti bagina gapu cadatayo, tapno subbotennatay iti amin a kinadakes ken manggugur a maipaay kencuana met laeng ti maysa nga ili a cucuana, a naregta cadagiti naimbag nga ar-aramid.

Hebreo 10:20

Iti maysa a dalan a baro ken nabiag, nga isu linuctanna a maipaay cadatayo, babaen ti abbong, cayatco a sao-en, ti lasagna;

1 Pedro 2:4

Dumatengcayo kencuana, isu a cas la maysa a bato a nabiag, nga imbel-leng a pudno dagiti tattao, ngem isu napili ken napateg iti Dios.

1 Juan 2:2

Ket isu ti daton ti cappia gapu cadagiti basbasoltayo; ket saan laeng a gapu cadagiti basbasoltayo no di pay ket gapu iti isu-amin a lubong.

1 Juan 4:10

Ket daytoy ti ayat, saan a gapu ta ayatentayo ti Dios, no di ket gapu ta isu inayatnatayo, ket imbaonna ti Anacna a daton a subbot cadagiti basbasoltayo.

1 Juan 4:14

Ket dacami nakitami ket sacsianmi a ti Ama imbaonna ti Anac a Manangisalacan iti lubong.