San Juan 6:44 - Ti Biblia (1973)

⁴⁴ Awan ti tao a macabalin nga umay caniac, no saan a guyuguyen ni Ama a nangibaon caniac, ket isu pagungarecto iti camaudianan nga aldaw.

Ti Baro a Naimbag a Damag Biblia

⁴⁴ “Awan ti makaumay kaniak no saan nga allukoyen ti Ama a nangibaon kaniak; ket pagungarekto inton maudi nga aldaw.

San Juan 6:44 Iomraidhean Croise

Kanta ni Solomon 1:4

Guyuguyennac, agtaraycaminto a sumurot kenca: ti ari inyunegnac cadagiti siledna; agragsac ken agrag-ocamto kenca; saritaenminto dayta ayatmo nga ad-adda ngem iti arac: isuda ayatendaca a cas maiparbeng.

Jeremias 13:23

Mabalin aya a ti taga Etiopia suctanna ti cudilna, wenno ti leopardo dagiti labangna? no casta mabalinyo met coma ti agaramid iti naimbag, dacayo a mairuam nga agaramid iti dakes.

Jeremias 31:3

Ni Jehova nagparang caniac iti nabayagen a pannawen, a kinunana, Wen, siac nagayatac kenca iti agnanayon a panagayat: gapuna a babaen ti kinamanangngaasi inyasidegca.

Oseas 11:4

Inyasidegco ida babaen cadagiti tali a natao-an babaen cadagiti singalut ti ayat; ket siac idi cadacuada ti cas cadagiti mangiccat iti bosal cadagiti sangida; ket incabilco ti canen ti sangoananda.

San Mateo 12:34

Dacayo caputotan dagiti carasaen. Casano ti pannacabalinyo nga agsao cadagiti banag a naimbag, idinto a dakescayo? Ta ti naruay iti puso isu ti saoen ti ngiwat.

San Mateo 16:17

Ket simmungbat ni Jesus, ket kinunana kencuana: Nagasatca, Simon, anac ni Jonas; ta saan nga ti lasag wenno dara, ti nangipaltiing kenca no di ket ni Amac nga adda sadi langit.

San Juan 12:32

Ket siac, no maipangatoac manipud iti daga, guyuguyecto caniac amin a tao.

San Juan 5:44

Casano ti pannacabalinna a mamaticayo, nga awatenyo ti dayaw iti maysa ken maysa, ket dicay biruken ti dayaw nga aggapu iti maymaysa laeng a Dios?

San Juan 6:43

Ni Jesus simmungbat ket kinunana cadacuada: Dicay agtatanabutob.

San Juan 6:45

Adda nga insurat dagiti mammadto: Ket maisurodanto amin iti Dios. Tunggal maysa nga dimngeg iti Ama ket nacasursuro, umay caniac.

San Juan 6:65

Ket kinunana: Gapuna kinunac cadacayo nga awan ti macabalin nga umay caniac, no saan nga impaay kencuana ti Ama.

San Juan 8:43

Ania ti gapu a dicay maawatan ti panagsaoc? ta awan pannacabalinyo a dumngeg ti saoc.

Taga-Filipos 1:29

Ta, maipuon ken Cristo, maited cadacayo, saan laeng a ti pammati kencuana, no di ket ti panagsagaba met gapu kencuana:

Taga-Colosas 2:12

A naitabuncayo a naicuyog kencuana iti pannacabautizar isu met a nacapagungaranyo a naicuyog kencuana, gapu iti pammati iti panangaramid ti Dios, a namagungar kencuana cadagiti natay.