San Juan 6:26 - Ti Biblia (1973)

²⁶ Ni Jesus simmungbat cadacuada, ket kinunana: Pudno, pudno, cunac cadacayo: Sapulendac, saan a gapu ta nacakitacayo cadagiti pagilasinan, no di ket gapu ta nangancayo cadagiti tinapay ket nabsogcayo.

Ti Baro a Naimbag a Damag Biblia

²⁶ “Ibagak kadakayo ti pudno: Sapsapulendak gapu ta nangankay iti tinapay ket nabsogkayo, saan a gapu ta nakitayo dagiti nakaskasdaaw nga aramidko,” insungbat ni Jesus.

San Juan 6:26 Iomraidhean Croise

Dagiti Salmo 78:37

Ta ti pusoda saan a nalinteg kencuana, dida met sitatalimudoc iti tulagna.

Ezekiel 33:31

Ket umayda kenca, a cas ti yaay ti umili, ket agtugawda iti sangoanam a cas ti ilic, ket denggenda dagiti saom, ngem saanda ida a tungpalen; ta cadagiti ngiwatda iparangda ti adu nga ayat, ngem ti pusoda mapan a sumurot iti gongunada.

San Juan 3:3

Simmungbat ni Jesus, ket kinunana kencuana: Pudno, pudno, cunac kenca, no ti maysa a tao saan a mayanac a mabaliwan, saanna a mabalin a kitaen ti pagarian ti Dios.

San Juan 3:5

Simmungbat ni Jesus: Pudno, pudno, cunac kenca, no ti maysa saan a mayanac iti danum ken iti Espiritu, saanna a mabalin ti sumrec iti pagarian ti Dios.

San Juan 6:14

Dagiti tao idi makitada ngarud daydi pagilasinan nga inaramidna, kinunada: Kinapudnona a daytoy ti mammadto nga umay ditoy lubong.

San Juan 6:15

Ni Jesus ngarud idi a naawatanna a ngannganida umay ket alaenda a piliten, tapdo aramidenda nga ari, napan manen nga isisu idiay bantay.

San Juan 6:2

Ket simmurot kencuana ti adu a tao, ta nakitada dagiti pagilasinan nga inaramidna cadagiti masacsakit.

San Juan 6:24

Idi ngarud, nakita dagiti tao a ni Jesus awan sadiay, ken uray dagiti adalanna, simrecda cadagiti barangay ket napanda idiay Capernaum a nangsapsapul ken Jesus.

San Juan 6:30

Kinunada ngarud, kencuana; Ania ngarud ti pagilasinan nga aramidem, tapno makitami ket patiendaca? Ania ti aramidem?

San Juan 6:36

Ngem kinunac cadacayo a nakitadac, ket nupay casta, dicay mamati.

San Juan 6:47

Pudno, pudno, cunac cadacayo: Ti mamati, caniac addaan biag nga agnanayon.

San Juan 6:53

Ni Jesus ngarud kinunana cadacuada: Pudno, pudno; cunac cadacayo no saancayo a mangan iti lasag ti Anac ti tao, ken uminum iti darana, awanancayo iti biag.

San Juan 6:64

Ngem adda dadduma cadacayo a saan a mamati. Ta ni Jesus nanipud idi damo ammona no siasino dagiti saan a mamati, ken no siasino ti mangliputto kencuana.

Taga-Roma 16:18

Ta dagita saanda nga agservi ken Apotayo a Jesu-Cristo, no di ket cadagiti titianda met laeng ket gapu cadagiti nalinis ken nasayaat a palpalawag al-lilawenda dagiti puspuso dagiti nanengneng.

Taga-Filipos 2:21

Ta isuda amin sapsapulenda ti sanicuada laeng, saan a dagiti sanicua ni Jesu-Cristo.

Taga-Filipos 3:19

A ti panungpalanda isu ti pannacapucaw, a ti diosda isu ti tianda, ket ti dayagda adda iti bainda; isuda panunutenda laeng ti naindagaan.

1 Timoteo 6:5

Panagsusungbat dagiti tao a dakes ti nakemda, ket naawananda ti pudno, a pagarupenda a ti nadiosan a biag maysa a pagsapulan.